योना 3:4 - नेवाः बाइबल

⁴ योनां न्‍हिच्‍छि चाःहिले धुंकाः अन च्‍वंपिन्‍त थथे धकाः न्‍यंकल, “थनिं पिइन्‍हुखुन्‍हु निनवे शहर नाश जुइ।”

योना 3:4 ပူးပေါင်းရင်းမြစ်များ

२ राजा 20:1

उबलय् हिजकिया जुजु उसाँय् मदयाः सी थें च्‍वन। आमोजया काय् अगमवक्ता यशैयां वयाथाय् वनाः धाल, “परमप्रभुं थथे धयादी – छेँय् फुक्‍क खँ मिलय् या, छाय्‌धाःसा छ सीत्‍यंगु दु, छंगु ल्‍वय् लनी मखुत।”

२ राजा 20:6

जिं छंगु आयु मेगु झिंन्‍यादँ अप्‍वय्‌काबी। जिं अश्‍शूरयाम्‍ह जुजुया ल्‍हातं छन्‍त व थ्‍व शहरयात बचय् याये। जिं थःगु निंतिं व थः दास दाऊदया निंतिं थ्‍व शहरयात रक्षा याये।’”

यशैया 30:18

अय्‌नं परमप्रभुं छिमिगु निंतिं दया यायेगु मतिइ तयादी। छिमिगु निंतिं माया यायेत वय्‌कः दनादी, छाय्‌धाःसा परमप्रभु न्‍याय यानादीम्‍ह परमेश्‍वर खः। वय्‌कःयात लं च्‍वनीम्‍ह धन्‍य खः।

यर्मिया 42:10

‘छिपिं थ्‍व हे देशय् च्‍वन धाःसा जिं छिमित नाश याये मखु तर छिमित तयातये, जिं छिमित लिनाकाये मखु तर पी, छाय्‌धाःसा जिं छिमिगु छु स्‍यंकागु खः उकिया निंतिं जिगु नुगः ख्‍वः।

योना 3:10

इमिसं छु छु यात, इमिसं गुकथं मभिंगु ज्‍या त्‍वःतल फुक्‍क स्‍वयाः परमेश्‍वरं थःगु मन हीकादिल। वय्‌कलं इमित नाश याये धकाः क्‍वःछिनादीगु जूसां नाश याना मदिल।

मत्ती 12:41

“निनवेय् च्‍वंपिन्‍सं नं न्‍याय याइबलय् आःयापिं मनूतय्‌त सजाँय बी हे माः धकाः नवाइ, छाय्‌धाःसा इमिसं ला योनां जक न्‍यंकूबलय् हे पश्‍चाताप यात। स्‍व, थन ला योना स्‍वयाः नं तःधंम्‍ह छम्‍ह दु।

लूका 11:30

गथे निनवेय् च्‍वंपिं मनूतय्‌गु निंतिं योना चिं जुल, अथे हे थौंकन्‍हय्‌यापिनिगु निंतिं मनूया काय् चिं जुइ।

लूका 11:32

निनवेय् च्‍वंपिन्‍सं नं न्‍याय याइबलय् आःयापिं मनूतय्‌त सजाँय बी हे माः धकाः नवाइ, छाय्‌धाःसा इमिसं ला योनां जक न्‍यंकूबलय् हे पश्‍चाताप यात। स्‍व, थन ला योना स्‍वयाः नं तःधंम्‍ह छम्‍ह दु।”

व्‍यवस्‍था 18:22

सुं अगमवक्तां परमप्रभुया नामय् न्‍ववाःगु खँ मजूसा व खँ परमप्रभुं धयादीगु मखु, व खँ व अगमवक्तां तःधंछु जुयाः धाःगु खः। छिपिं व खनाः ग्‍याये मते।