योना 2:7 - नेवाः बाइबल

⁷ जि मूर्च्‍छा जुइ थें च्‍वन। उबलय् हे परमप्रभु, जिं छितः प्रार्थना याना। जिगु प्रार्थना छिथाय् छिगु पवित्रगु देगलय् थ्‍यंक थ्‍यन।

योना 2:7 ပူးပေါင်းရင်းမြစ်များ

२ इतिहास 30:27

अले पुजाहारीत व लेवीत दनाः मनूतय्‌त सुवाः बिल, परमेश्‍वरं इमिगु खँ न्‍यनादिल छाय्‌धाःसा इमिगु प्रार्थना स्‍वर्गय् वय्‌कः च्‍वनादीगु पवित्र थासय् थ्‍यन।

भजनसंग्रहया सफू 11:4

परमप्रभु थःगु पवित्र देगलय् दी, परमप्रभु स्‍वर्गया थःगु सिंहासनय् च्‍वनादीगु दु, वय्‌कलं मनूतय्‌सं याःगु ज्‍या फुक्‍कं स्‍यू, छाय्‌धाःसा वय्‌कलं फुक्‍कं स्‍वयाच्‍वनादीगु दु।

भजनसंग्रहया सफू 142:3

जि निराश जूबलय् छिं जितः छु जुयाच्‍वंगु दु धकाः स्‍यू। जि वनेत्‍यनागु लँपुइ जिमि शत्रुतय्‌सं जिगु लागि जाः ह्वःगु दु।

भजनसंग्रहया सफू 143:5

अले जिं वने धुंकूगु खँ लुमंके। जिं छिगु ज्‍याया बारे ध्‍यान याये। अले छिगु ल्‍हातं याःगु ज्‍याया बारे बिचाः याये।

भजनसंग्रहया सफू 18:6

दुःख जूबलय् जिं परमप्रभुयात लुमंका, जिं ग्‍वाहालिया लागि परमेश्‍वरयात प्रार्थना याना। जिगु प्रार्थना वय्‌कःया देगलय् थ्‍यन वय्‌कलं न्‍हाय्‌पं बियाः जिगु सः न्‍यनादिल।

भजनसंग्रहया सफू 20:7

गुलिं मनूत थःगु रथया भलसाय् च्‍वनी, गुलिं मनूत थःगु सलया भलसाय् च्‍वनी, झी धाःसा परमप्रभु झी परमेश्‍वरया भलसाय् च्‍वने।

भजनसंग्रहया सफू 22:14

जिगु तागत लः थें ज्‍वयावने धुंकल। जिगु क्‍वँय्‌या फुक्‍क साहा साहा ब्‍यनावने धुंकल। सी थें जिगु नुगः नायावने धुंकल।

भजनसंग्रहया सफू 27:13

परमप्रभुयागु भिंगु ज्‍या जिं थ्‍व हे जीवनय् स्‍वये दइतिनि धकाः जितः विश्‍वास दु।

भजनसंग्रहया सफू 42:11

हे जिगु मन छाय् थपाय्‌सकं क्‍वतुंगु? छाय् जितः थुलिमछि नुगः मछिंसे च्‍वंगु? जिं परमेश्‍वरयाके आशा तये, हाकनं जिं थः परमेश्‍वर व थःत बचय् याइम्‍हय्‌सित तःधंके।

भजनसंग्रहया सफू 42:5

जिगु नुगः छाय् थपाय्‌सक क्‍वतुंगु? जि छाय् थपाय्‌सकं नुगः मछिंगु? जिं अज्‍ज नं परमेश्‍वरयाके आशा तयाः वय्‌कःयात, जितः बचय् याइम्‍हय्‌सित तःधंके।

भजनसंग्रहया सफू 43:5

हे जिगु मन छाय् थपाय्‌सकं क्‍वतुंगु? जि छाय् थपाय्‌सकं नुगः मछिंगु? जिं परमेश्‍वरयाके आशा तये, हाकनं जिं थः परमेश्‍वर व थःत बचय् याइम्‍हय्‌सित तःधंके।

भजनसंग्रहया सफू 65:4

धन्‍य खः छिं ल्‍ययाः थःनापं पवित्र थासय् हःपिं मनूत। छिगु पवित्रगु देगःया आशिषं जिपिं तसकं लुधं।

यशैया 38:17

धात्‍थें हे जिगु उन्‍नतिया निंतिं जिं थथे सास्‍ती नये माल। छिं जितः माया यानाः सीगालय् वनेगुपाखें बचय् यानादिल। छिं जिगु फुक्‍क पाप क्षमा यानादिल।

यशैया 50:10

छिपिं मध्‍ये सुनां परमप्रभुया भय काइ, अले वय्‌कःया दासया खँ मानय् याइ? जः मदय्‌क खिउँथाय् जुइपिं, परमप्रभुया नामय् भलसा ति अले थः परमेश्‍वरयाके हे भलसा या।

योना 2:4

जिं बिचाः याना, जि छिगु मिखां तापाय् धुन, आः जिं छिगु पवित्रगु देगः गुब्‍सं खनी मखुत।

मीका 1:2

हे जात जातियापिं सकलें मनूत, थ्‍व खँ न्‍यँ। हे पृथ्‍वी व अन च्‍वंपिं फुक्‍क मनूत, ध्‍यान बियाः न्‍यँ। परमप्रभु परमेश्‍वरं छिमिगु विरोधय् साक्षी बियादी। न्‍यँ, वय्‌कलं थःगु पवित्र देगलं न्‍ववानादी।

हबकूक 2:20

तर परमप्रभु ला थः पवित्र देगलय् दी। फुक्‍क पृथ्‍वी वय्‌कःया न्‍ह्यःने सुम्‍क च्‍वनेमा।

हिब्रू 12:3

पापी मनूतय्‌पाखें वय्‌कलं थुलिमछि दुःख गये यानाः सह यानादिल जुइ, व बिचाः या। उकिं छिपिं नं आशा त्‍वःताः लिचिले मते।

१ शमूएल 30:6

अनंलि थथःपिनि काय्‌म्‍ह्याय् व ज्‍वनायंकूगुलिं दाऊदया मनूतय्‌सं तं पिकयाः दाऊदयात ल्‍वहंत कय्‌केगु ख्‍याच्‍वः बिल। अले दाऊदयात वयाये थ्‍वयाये मन्‍त। तर परमप्रभु थः परमेश्‍वरपाखें जक दाऊदयात बल दत।