योना 2:6 - नेवाः बाइबल

⁶ जि पहाडया हाय थ्‍यंक थ्‍यन, जि पातालया क्‍वय् थ्‍यंक दुना वनाः पातालया लुखा त्‍यू थें जुल। तर हे परमप्रभु जिमि परमेश्‍वर, छिं पातालं थकयाः जितः बचय् यानादिल।

योना 2:6 ပူးပေါင်းရင်းမြစ်များ

अय्‍यूब 33:24

अले वं वयात दया यानाः परमेश्‍वरयात थथे धाल धाःसा, ‘वयात त्‍वःताब्‍यु! वयात मृत्‍यु लोकय् वनेबी मते! वयात त्‍वःतकेगु ध्‍यबा जिके दु।’

अय्‍यूब 33:28

वय्‌कलं जिगु प्राणयात गालय् वनेगुपाखें बचय् यानादिल। जिगु जीवनं जः खनी।’

भजनसंग्रहया सफू 104:6

अले थुकिया च्‍वय् छिं वसतं पुंके थें समुद्र दय्‌कादिल। अले पहाडया च्‍वय् च्‍वय् थ्‍यंक नं लखं त्‍वपुल।

भजनसंग्रहया सफू 104:8

अले पहाडं पहाडं व गालं गालं जुयाः इपिं छिं इमिगु निंतिं धकाः दय्‌कादीगु थासय् बाः वन।

भजनसंग्रहया सफू 116:3

कालया खिपतं जितः ततमतःक्‍यंकल। अले चिहानया सास्‍ती जिके वल। दुःख व संकटं जितः त्‍वपुल।

भजनसंग्रहया सफू 143:7

हे परमप्रभु, याकनं लिसः बियादिसँ, जिगु नुगः हे क्‍वतुने धुंकल। थःगु ख्‍वाः जिपाखें फस्‍वय्‌कादी मते, मखुसा जि सीपिं थें जुइ।

भजनसंग्रहया सफू 16:10

छाय्‌धाःसा छिं जिगु आत्‍मायात सीपिनिगु दथुइ त्‍वःतादी मखु। अले छितः विश्‍वास याःम्‍हय्‌सित छिं सीगालय् ध्‍वगिकेबी मखु।

भजनसंग्रहया सफू 18:5

नरकया खिपतं जितः प्‍यखें हीन। कालया म्‍हुतुं जितः पियाच्‍वन।

भजनसंग्रहया सफू 30:3

हे परमप्रभु, छिं जितः सीगालं थकयादिल। अले कालया म्‍हुतुइ थ्‍यने धुंकूम्‍ह जितः लिगना हयादिल।

भजनसंग्रहया सफू 30:9

“जि सिनाः छितः छु दइ? सीधुंकाः छितः सुनां तःधंकी? धू जुइ धुंकाः सुनां छि विश्‍वास याये बहःम्‍ह धकाः धाइ?

भजनसंग्रहया सफू 55:23

तर हे परमेश्‍वर, छिं दुष्‍टतय्‌त विनाशया गालय् क्‍वफानादी। मनू स्‍यानाजुइपिं व फताहात मत्‍यवं हे सिनावनी। तर जिं ला छितः विश्‍वास यानाच्‍वने, हे परमेश्‍वर!

भजनसंग्रहया सफू 65:6

छिं थःगु शक्तिं च्‍वापुगुँतय्‌त दय्‌काः थथःगु थासय् तयादिल

भजनसंग्रहया सफू 69:2

जि तःजाःगु ध्‍याचलय् दुनावनाच्‍वनागु दु। जिगु तुतिं बँय् चुइ मफया च्‍वन। जि तःजाःगु लखय् लानाच्‍वनागु दु। किसिद्वम्‍बलय् जि दुनावनाच्‍वनागु दु।

यशैया 38:10

जिं बिचाः याना, “जिगु जीवनया दकलय् बांलाःगु इलय् हे जि मृत लोकय् वनेमाल अले थनिंनिसें जि म्‍वाइ मखुत।

यशैया 38:17

धात्‍थें हे जिगु उन्‍नतिया निंतिं जिं थथे सास्‍ती नये माल। छिं जितः माया यानाः सीगालय् वनेगुपाखें बचय् यानादिल। छिं जिगु फुक्‍क पाप क्षमा यानादिल।

यशैया 40:12

सुनां समुद्रयात थःगु ल्‍हातं ज्‍वनाः तये फइ? सुनां आकाशयात ल्‍हातं नापय् याये फइ? सुनां पृथ्‍वीया चा दालाय् तःगु दु वा डाँडा व पर्वतयात पाय्‌छिकथं ताल्‍जुइ लने फु?

इजकिएल 26:20

अबलय् जिं छन्‍त पातालय् वनेधुंकूपिं पुलांगु ईयापिं मनूतय्‌थाय् छ्वयाबी। जिं छन्‍त पृथ्‍वीया क्‍वय् सदांया निंतिं नाश जूगु थासय् च्‍वनेबी। अले छ हाकनं गुबलें म्‍वाःपिनिगु देशय् लिहां वयाच्‍वनी मखु।

इजकिएल 31:14

आवंलि मेमेगु सिमा न्‍ह्याक्‍व हे लः दुसां व सिमा थें तज्‍जाः जुइ मखु वा सुपाँय् दुथाय् तक थाहां वइ मखु अले उलि तज्‍जाः गुबलें जुइ फइ मखु। व फुक्‍क सिनावनीपिं मनूत थें नाश जुल अले पातालय् थ्‍यनी।

हबकूक 3:10

पहाडत छितः खनाः थुरथुर खात। आकाशं वा वया हे च्‍वन। ततःजाःगु समुद्र थ्‍वय्‌क हाल अले लःग्‍वारा सन।

हबकूक 3:6

वय्‌कः जुइगु दिनाः पृथ्‍वीयात संकादिल। वय्‌कलं स्‍वयादिल, अले जात जातित थुरथुर खात। न्‍हापांनिसें दुगु पहाड पर्वतत कुचा कुचा जुल, उपिं पुलांगु डाँडात क्‍वदल। वय्‌कः सदां झाया हे च्‍वनादी।

मत्ती 16:18

अथे जूगुलिं जिं छन्‍त धाये, छ धात्‍थें हे पत्रुस ल्‍वहं खः। जिं थ्‍व हे ल्‍वहँतय् थःगु मण्‍डली दय्‌के। अले शैतानं तकं थ्‍व मण्‍डलीयात बुके फइ मखु।

व्‍यवस्‍था 32:22

जिगु तं आः मि च्‍याःथें च्‍याये धुंकल। थुकिं पृथ्‍वीइ च्‍वंगु फुक्‍कं भस्‍म यानाबी। थ्‍व पातालय्‌ तक न्‍यनावनी, अले पहाडया हा तकं च्‍याकाबी।