योना 1:9 - नेवाः बाइबल

⁹ “जि हिब्रू खः। अले पृथ्‍वी व समुद्र सृष्‍टि यानादीम्‍ह स्‍वर्गया परमेश्‍वरया सेवा याइम्‍ह खः” योनां लिसः बिल।

योना 1:9 ပူးပေါင်းရင်းမြစ်များ

उत्‍पत्ति 1:10

परमेश्‍वरं गंगु बँयात “पृथ्‍वी” धकाः नां तयादिल। अले मुंगु लःयात “समुद्र” धकाः नां तयादिल। वय्‌कःयात थ्‍व बांलाः ताल।

उत्‍पत्ति 14:13

लडाइँनं बिस्‍युं वःम्‍ह छम्‍हय्‌सिनं वयाः हिब्रू अब्रामयात थ्‍व खँ कन। उबलय् व एमोरी मम्रें पिनाथकूगु सिमात दुथाय् च्‍वनाच्‍वंगु खः। उबलय् व मम्रेया दाजु एश्‍कोल व आनेरलिसे मिले जुयाः च्‍वनाच्‍वंगु खः।

उत्‍पत्ति 24:7

जितः जिमि अबुया छेँ व जि बूगु देशं थन हयादीम्‍ह स्‍वर्गया परमप्रभु परमेश्‍वरं जिलिसें, ‘थ्‍व दे जिमि सन्‍तानयात बी’ धकाः बचं बियादीगु दु। वय्‌कलं छंगु न्‍ह्यः न्‍ह्यः थःम्‍ह छम्‍ह दूत छ्वयाहयादी। अले छं जिमि काय्‌या लागि भम्‍चा माले फइ।

उत्‍पत्ति 39:14

वं छेँय् ज्‍या याइपिन्‍त सःताः धाल, “स्‍व, व हिब्रूयात ला थन झीत बेइज्‍जत याकेत धकाः हःगु जुयाच्‍वन। व जिलिसें द्यनेत थन दुहां वल। जि तसकं हालाबिया।

२ राजा 17:25

इपिं अन च्‍वंबलय् न्‍हापा ला इमिसं परमप्रभुयात मानय् मया, उकिं परमप्रभुं इमिथाय् सिंहत छ्वयादिल। सिंहतय्‌सं इमि छुं मनूतय्‌त स्‍यात।

२ राजा 17:28

थथे सामरियां ज्‍वनायंकूम्‍ह छम्‍ह इस्राएली पुजाहारी बेथेलय् वनाः अन हे च्‍वन। अन वं परमप्रभुयात गय् यानाः आराधना यायेगु धकाः स्‍यन।

एज्रा 1:2

“फारसयाम्‍ह जुजु कोरेसं थथे धयादी– ‘परमप्रभु स्‍वर्गयाम्‍ह परमेश्‍वरं पृथ्‍वीयागु फुक्‍क राज्‍य जितः बियादीगु दु। वय्‌कलं हे जितः यहूदाया यरूशलेमय् वय्‌कःया निंतिं छगू देगः दय्‌केत उजं बियादीगु दु।

एज्रा 5:11

इमिसं जिमित थथे लिसः बिल, “जिपिं स्‍वर्ग व पृथ्‍वीयाम्‍ह परमेश्‍वरयात सेवा याइपिं खः। यक्‍व दँ न्‍ह्यः इस्राएलयाम्‍ह छम्‍ह तःधंम्‍ह जुजुं दय्‌कूगु देगः हे जिमिसं हाकनं दय्‌का च्‍वनागु खः।

नहेम्‍याह 1:4

व खँ न्‍यनेवं जि फ्‍यतुनाः ख्‍वया। तःन्‍हु तक जि नुगः मछिंकाच्‍वना। जिं छुं नं मनया, जिं स्‍वर्गयाम्‍ह परमेश्‍वरयात प्रार्थना याना।

नहेम्‍याह 2:4

जुजुं जिके न्‍यन, “छन्‍त छु माल?” अले जिं स्‍वर्गयाम्‍ह परमेश्‍वरयात प्रार्थना यानाः

नहेम्‍याह 9:6

छि जक परमप्रभु खः। छिं हे आकाश, दकलय् तःजाःगु आकाश व उकियागु दक्‍व नगुत, पृथ्‍वी व उकी दुगु फुक्‍क, समुद्र व उकी दुगु फुक्‍क दय्‌कादिल। छिं हे उपिं फुक्‍कयात जीवन बियादी। अले स्‍वर्गया सेनां छितः आराधना याइ।

अय्‍यूब 1:9

शैतानं लिसः बिल, “छु अय्‍यूबं परमेश्‍वरया भय अथें काःगु खः ला?”

भजनसंग्रहया सफू 136:26

स्‍वर्गयाम्‍ह परमेश्‍वरयात सुभाय् ब्‍यु, वय्‌कःया दया माया सदां दयाच्‍वनी।

प्रस्‍थान 1:15

मिश्रया फारोनं शिप्रा व पूआ नांयापिं हिब्रू दिरिअजिपिन्‍त सःताः धाल,

प्रस्‍थान 2:13

कन्‍हय् खुन्‍हु हानं व अन वंबलय् निम्‍ह हिब्रूत थःथवय् हे ल्‍वानाच्‍वंगु खन। अले वं द्वंकूम्‍ह हिब्रूयात थथे धाल, “छं थः हे हिब्रूयात छाय् दायागु?”

दानिएल 2:44

“उपिं जुजुतय्‌गु पालय् स्‍वर्गयाम्‍ह परमेश्‍वरं छगू राज्‍य पलिस्‍था यानादी। व हे राज्‍य गुबलें नाश जुइ मखु, उकियात मेगु जातितय्‌त नं बी मखु। वं उपिं फुक्‍क राज्‍यतय्‌त चुंचुं यानाबी अले इमित मदय्‌काबी। व धाःसा न्‍ह्याबलें दयाच्‍वनी।

होशे 3:5

अनंलि इस्राएलीत लिहां वइ, इमिसं परमप्रभु थः परमेश्‍वरयात व जुजु दाऊदया सन्‍तानयात माली। लिपांगु दिनय् इमिसं परमप्रभुया भय काइ अले वय्‌कःपाखे वयाः सुवाः काइ।

प्रेरित 14:15

“दाजुकिजापिं, छिकपिन्‍सं थ्‍व छु यानादियागु? जिपिं नं ला छिकपिं थें हे थ्‍व संसारयापिं मनूत खः नि। जिमिसं ला छिकपिन्‍त भिंगु खँ कनाः थथे म्‍वाःमदुगु ज्‍यां त्‍वःतकाः स्‍वर्ग, पृथ्‍वी, समुद्र व अन च्‍वंगु दक्‍व फुक्‍कं सृष्‍टि यानादीम्‍ह म्‍वाःम्‍ह परमेश्‍वरपाखे लिफः स्‍वकेत जक स्‍वयाच्‍वनागु खः।

प्रेरित 27:23

जिं आराधना यानाच्‍वनाम्‍ह जिम्‍ह परमेश्‍वरया छम्‍ह स्‍वर्गदूतं म्‍हिगः चान्‍हय् वयाः जितः थथे धाल –

फिलिप्‍पी 3:5

बुयाः च्‍यान्‍हु दुखुन्‍हु हे जितः म्‍हय् चिं तय्‌कूगु खः। जि बूसांनिसें हे इस्राएली खः, अज्‍ज ला बेन्‍यामीन कुलयाम्‍ह हिब्रू खः। धर्मयागु खँय् हे नं व्‍यवस्‍था मानय् याइम्‍ह फरिसी खः।

प्रकाश 11:13

अबलय् हे तसकं भ्‍वखाय् ब्‍वल। झिब्‍वय् छब्‍व शहर दुनावन। भ्‍वखाय् ब्‍वःबलय् न्‍हय्‌द्वः मनूत सित। ल्‍यंदनिपिं मनूत फुक्‍क ग्‍यानाः स्‍वर्गय् च्‍वंम्‍ह परमेश्‍वरयात तःधंकल।

प्रकाश 15:4

हे परमप्रभु, सु जक छि खनाः मग्‍याइ? सुनां जक छिगु नांयात तःधं धकाः मानय् मयाइ? छि हे जक पवित्रम्‍ह खः। छिगु पाय्‌छिगु बिचाः व न्‍याय फुक्‍कसिनं सी धुंकूगुलिं फुक्‍क जातित छिथाय् छितः आराधना यायेत वइ।”

प्रकाश 16:11

थुकथं कै वय्‌काः सास्‍ती नका तःगुलिं इमिसं स्‍वर्गय् च्‍वंम्‍ह परमेश्‍वरयात सराः बिल। इमिसं थःपिन्‍सं याना जूगु मभिंगु ज्‍यायागु पश्‍चाताप मयाः।