योना 1:8 - नेवाः बाइबल

⁸ अले इमिसं वयात धाल, “थ्‍व फुक्‍क आपत छं यानाः जूगु खः। धा, छंगु ज्‍या छु? छ गनं वयाम्‍ह? छ छु देशयाम्‍ह? छु जातियाम्‍ह?”

योना 1:8 ပူးပေါင်းရင်းမြစ်များ

उत्‍पत्ति 47:3

फारों इमिके न्‍यन, “छिपिं छु ज्‍या याइपिं?” इमिसं धाल, “महाराज, जिपिं जिमिगु पुर्खानिसें हे फैजवाःत खः।

याकूब 5:16

अय्‌जूगुलिं छिमिसं थःपिन्‍सं यानागु पाप थःथवय् स्‍वीकार या, अले छम्‍हं मेम्‍हय्‌सिगु निंतिं प्रार्थना या। अथे याःसा छिमिगु ल्‍वय् लनावनी। धर्मीम्‍ह मनुखं याःगु प्रार्थना परमेश्‍वरं न्‍यनादी।

यहोशू 7:19

अले यहोशूं आकानयात धाल, “हे जिमि काय्, परमप्रभु इस्राएलया परमेश्‍वरयात महिमा ब्‍यु, वय्‌कःयात इज्‍जत या! अले छं छु यानागु दु व जितः धा, जिगु न्‍ह्यःने व खँ सुचुके मते।”

१ शमूएल 14:43

शाऊलं जोनाथनयाके न्‍यन, “छं छु पाप यानागु दु? जितः धा।” जोनाथनं धाल, “जिं थःगु कथि च्‍वकाय्‌यागु भतिचा कस्‍ति जक नयागु खः। छु अथेसा जि सी माल ला?”

१ शमूएल 30:13

दाऊदं वयाके न्‍यन, “छ सुयापाखेंम्‍ह खः? अले छ गनं वयाम्‍ह खः?” वं लिसः बिल, “जि छम्‍ह मिश्री खः, अमालेकीतय् छम्‍ह दास खः। तर जि स्‍वन्‍हु न्‍हापा म्‍हं मफुगुलिं जिमि मालिकं जितः त्‍वःता वंगु खः।