योना 1:7 - नेवाः बाइबल

⁷ जहाज चले याइपिनि थःथवय् खँ ल्‍हात, “सुनां यानाः झीत आपत जूगु खः चिट्ठा तयाः स्‍वये वा।” इमिसं चिट्ठा तल, अले योनायागु नामय् लात।

योना 1:7 ပူးပေါင်းရင်းမြစ်များ

एस्‍तर 3:7

अहासूरस जुजुया झिनिदँया न्‍हापांगु ला वा निसान लाय् हामानया न्‍ह्यःने न्‍हि व ला क्‍वःछीगु निंतिं इमिसं चिट्ठा तल। व चिट्ठायात “पूर” धकाः धाइगु खः। चिट्ठा झिंनिला दुखुन्‍हु वा अदार ला खुन्‍हु लात।

अय्‍यूब 10:2

जिं थः परमेश्‍वरयात धाये, जितः दोषी ठहरय् यानादी मते, तर जिगु छु दोष दु, जितः धयादिसँ।

भजनसंग्रहया सफू 22:18

इमिसं जिगु लं चिट्ठा तयाः थःथवय् इनाकाइ।

हितोपदेश 16:33

झीसं थथःम्‍हं थःगु खँ क्‍वःछिना जुये, तर परमप्रभुं हे फुक्‍क खँ क्‍वःछिनादी।

गन्‍ती 32:23

“छिमिसं थःपिन्‍सं धाःथें मयात धाःसा छिमिसं परमप्रभुया न्‍ह्यःने पाप याःगु जुइ। अले छिमिगु पाप छिमित लाइ।

मत्ती 27:35

अनंलि इमिसं वय्‌कःयात क्रूसय् यख्‍खायाबिल। अले चिट्ठा तयाः वय्‌कःयागु वसः इना काल।

प्रेरित 13:19

लिपा परमेश्‍वरं हे कनानय् च्‍वंपिं न्‍हय्‌गू जातियात नाश यानाः इमिगु देश थुमित लःल्‍हानादिल।

१ कोरिन्‍थी 4:5

उकिं ई स्‍वयाः न्‍हापा छुं खँय् न्‍याय यायेगु याये मते। तर प्रभु झाया मदितले पियाच्‍वँ। छाय्‌धाःसा वय्‌कलं मनूतय्‌गु नुगलय् च्‍वंगु गुप्‍ति ज्‍याखँ, अले हानं सुनानं मसीक याःपिनिगु ज्‍याखँ नं उलादी। थथे जुइ धुंकाः स्‍याबास बी माःपिं मनूतय्‌त परमेश्‍वरं हे स्‍याबास बियादी।

यहोशू 7:10

परमप्रभुं यहोशूयात धयादिल, “दँ! छ छाय् बँय् भ्‍वसुलाच्‍वनागु?