योना 1:5 - नेवाः बाइबल

⁵ जहाज चले याइपिं सकलें ग्‍यात। अले ग्‍वाहालिया लागि थथःपिनि द्यःया नां काल। इमिसं जहाजयात याउँकेत जहाजय् च्‍वंगु सामान समुद्रय् वांछ्वल। उबलय् योना जहाजया क्‍वय्‌या ब्‍वय् वनाः स्‍याक्‍क न्‍ह्यः वय्‌काच्‍वन।

योना 1:5 ပူးပေါင်းရင်းမြစ်များ

१ राजा 18:26

उकिं इमिसं थःत ब्‍यूम्‍ह द्वहं कयाः तयार यात। अले इमिसं सुथंनिसें बहनी तक बालया नां कयाः प्रार्थना यात। इपिं “हे बाल, जिमित लिसः बियादिसँ” धकाः चिल्‍लाय् दनाः हाल। तर छुं सः मवः, सुनानं लिसः मब्‍यू। अले इपिं थःपिन्‍सं दय्‌कूगु वेदीया छचाःखेरं प्‍याखं हुल।

अय्‍यूब 2:4

शैतानं परमप्रभुयात लिसः बिल, “छेंगूया पलेसा छेंगू।” “थःगु ज्‍यान बचय् यायेत मनूतय्‌सं थःके दुगु फुक्‍क मबी ला?

भजनसंग्रहया सफू 107:25

वय्‌कलं आज्ञा बियाः ग्‍यानापुक वाफय् वय्‌कादिल। उकिं समुद्रया लबु च्‍वय् तक थाहां वल।

भजनसंग्रहया सफू 148:8

हे हाबलासा व प्‍वँ, च्‍वापु व सुपाँय्, वय्‌कःया वचन मानय् याइगु वानापं वइगु वाफय्।

उपदेशक 3:6

मालेगु छगू ई दु, त्‍वःताबीगु छगू ई दु। तयेगु छगू ई दु, वांछ्वयेगु छगू ई दु।

यशैया 45:20

“छिपिं फुक्‍कं छथाय् मूंवा। छिपिं जात-जातियापिं शरण कायेत वःपिं, फुक्‍क जिगु न्‍ह्यःने वा। सिँया मूर्तित क्‍वबिया जुइपिं, अले बचय् याये मफुपिं द्यःतय्‌के प्रार्थना याइपिं छुं हे मस्‍यूपिं खः।

यर्मिया 2:28

तर छिमिसं थःगु निंतिं दय्‌कूपिं द्यःत गन वन? छिमित दुःख जुइबलय् इमिसं छिमित बचय् याये फुसा इपिं वयेमा। हे यहूदा, छिमि गुलि शहरत दु, छिमि द्यःत नं उलि हे दु।

होशे 7:14

इमिसं दुनुगलंनिसें जितः प्रार्थना याइ मखु, तर थःगु लासाय् बिलाप याइ। अन्‍न व न्‍हूगु दाखमद्यया निंतिं इपिं मुनाच्‍वनी, तर जिपाखें धाःसा ख्‍वाः फस्‍वय्‌की।

योना 1:14

उकिं इमिसं परमप्रभुयात प्रार्थना यात, “परमप्रभु, जिमित थ्‍व मनूया ज्‍यानया पलेसा कथं नाश यानादी मते। जिमित छम्‍ह निर्दोषम्‍ह मनूयात स्‍याःगुया दोष बियादी मते। परमप्रभु थ्‍व फुक्‍क छिं हे याकादीगु खः।”

योना 1:16

थ्‍व खनाः जहाज चले याइपिं फुक्‍कं परमप्रभु खनाः ग्‍यात। अले इमिसं परमप्रभुया नामय् बलि बिल। नापं वय्‌कःयात मानय् यायेगु भाकल नं यात।

योना 1:6

जहाजया कप्‍तानं वयात अन द्यनाच्‍वंगु खनाः धाल – “छ थन द्यनाच्‍वनागु ला? दनाः थः द्यःयागु नां कयाः ग्‍वाहालि फ्‍वँ। छिमि द्यवं झीत दया याइ ला? अले झीत बचय् याइ ला?”

मत्ती 25:5

जिलाजं वये लिबाकूगुलिं इमि न्‍ह्यः वल।

मत्ती 26:43

वय्‌कः झाःबलय् इपिं हानं न्‍ह्यलं तुं ब्‍वानाच्‍वन। इमिसं न्‍ह्यः पी हे मफया च्‍वन।

मत्ती 26:45

अले वय्‌कलं इमिथाय् झायाः धयादिल – “छिपिं आः तक द्यना च्‍वनातिनि ला? मनूया काय्‌यात पापीतय्‌सं ज्‍वनीगु ई वये धुंकल।

प्रेरित 27:38

गाक्‍क नये धुंकाः इमिसं ल्‍यंगु छ्व जहाजयात याउँसे च्‍वंकेत समुद्रय् वान्‍छ्वया बिल।

न्‍यायकर्ता 16:19

वं शिमशोनयात थःगु मुलय् थ्‍यन। अले छम्‍ह मनूयात सःताः वयागु छेनय् दुगु न्‍हय्‌प्‍वाँय् सँ खाके बिल। शिमशोनयागु बल मदया वंगुलिं दलीलां वयात क्‍वत्‍यल।

१ शमूएल 24:3

वँवं लँपुइ लाःगु फैगलय् थ्‍यन, अन छगू गुफा नं दुगु जुयाच्‍वन। व हे गुफाया कुन्‍चाय् थ्‍यंक दाऊद व वया मनूत सुलाच्‍वंगु खः। शाऊल व गुफाय् झारा च्‍वनेत दुहां वन।