योना 1:3 - नेवाः बाइबल

³ योना परमप्रभुयापाखें बिस्‍युं वनेत मेखे स्‍वयाः वन। व योप्‍पा थ्‍यन। वं अन तार्शीश वनेत्‍यंगु जहाज नापलात। धिबा पुलाः व जहाजय् च्‍वन। परमप्रभुयापाखें बिस्‍युं वनेत व तार्शीशपाखे वन।

योना 1:3 ပူးပေါင်းရင်းမြစ်များ

उत्‍पत्ति 3:8

बहनी परमप्रभु परमेश्‍वर क्‍यबय् चाःह्यूवःगु सः इमिसं ताल। अले इमिसं परमेश्‍वरयापाखें थःपिन्‍त बिसिकेत सिमां किकाः च्‍वन।

उत्‍पत्ति 4:16

अले व परमप्रभुया थासं पिहां वनाः अदनया पुर्बपाखे च्‍वंगु नोद धयागु देशय् च्‍वंवन।

१ राजा 19:3

एलिया ग्‍यानाः थःगु ज्‍यान बचय् यायेत बिस्‍युं वन। यहूदाया बेर्शेबाय् थ्‍यनेधुंकाः वं थः च्‍यःयात अन हे त्‍वःतल।

१ राजा 19:9

अन छगू गुफाय् दुहां वनाः चच्‍छि अन हे च्‍वन। परमप्रभुया थ्‍व वचन वयाथाय् वल, “अय् एलिया, थन छ छु यानाच्‍वनागु?”

२ इतिहास 2:15

“आः छिं बी धकाः धयादीगु छ्व, तछ्व, दाखमद्य व जैतूनया चिकं जि दासतय्‌गु निंतिं छ्वयाहायादिसँ।

२ इतिहास 2:16

छितः लेबनानं गुलि सिँ माः, जिमिसं उलि सिँ पाले। अले सिँ चिनाः नांचा थे दय्‌काः भूमध्‍यसागरया लँपुं छिथाय् योप्‍पा तक छ्वयाहये। अनं छिं यरूशलेमय् यंकादिसँ।”

२ इतिहास 9:21

सोलोमनयाके हीरामया जहाज चले याइपिंनापं थुखे उखे सामान ल्‍ह्यइगु जहाजत नं दु। अले स्‍वदँ-स्‍वदँय् छकः तर्शीशयागु थुपिं ल्‍ह्यइगु जहाजत लुँ, वहः, किसिया दं, माकः व म्‍हय्‌खा ज्‍वनाः वइगु खः।

एज्रा 3:7

इमिसं दकःमि व सिकःमितय्‌त धिबा अले सीदोन व टुरोसय् च्‍वंपिं मनूतय्‌त लेबनानं समुद्रया लँपु जुयाः योप्‍पा तक देवदारुया सिँ हयेत नयेगु नसा त्‍वँसा व चिकं बिल। छाय्‌धाःसा फारसयाम्‍ह जुजु कोरेसं थथे यायेत मन्‍जुरी ब्‍यूगु खः।

अय्‍यूब 1:12

अले परमप्रभुं शैतानयात धयादिल, “ज्‍यू, वयाके दुगु फुक्‍क छंगु हे ल्‍हातय् दु। अय्‍यूबयागु म्‍हयात धाःसा थी मते।” अले शैतान परमप्रभुया न्‍ह्यःनं पिहां वन।

अय्‍यूब 2:7

अले शैतान परमप्रभुया न्‍ह्यःनं वनाछ्वत। शैतानं अय्‍यूबयागु म्‍हय् तुति पालिंनिसें छेनय् तक हे स्‍याइगु कै पिकयाबिल।

भजनसंग्रहया सफू 107:23

छुं मनूत जहाजय् च्‍वनाः समुद्रय् वन, अले तःधंगु समुद्रया उखे वनाः बन्‍जाः ज्‍या यात।

यशैया 2:16

वय्‌कलं दक्‍वसिबय् तःधंगु व तसकं बांलाःगु जहाज थें च्‍वंपिं फुक्‍कसित नाश यानादी।

यशैया 23:1

टुरोसयाबारे अगमवाणी – अय् तर्शीशया जहाज, विलाप या, छाय्‌धाःसा टुरोसयात नाश याये धुंकूगु दु अले अन न छखा छेँ दु, न जहाजत दिकेगु थाय् दु। साइप्रसं छगू खँ इमिथाय् वःगु दु।

यशैया 23:10

अय् तसकं बांलाःगु तर्शीशयापिं मनूत, नील खुसिया सिथय् थें बुँ पा, छाय्‌धाःसा आः छंगु छगू नं जहाज दिकेगु थाय् मदये धुंकल।

यशैया 23:6

तर्शीशपाखे हुँ! अय् समुद्रया सिथय्‌यापिं मनूत विलाप या!

यशैया 60:9

धात्‍थें हे टापुतय्‌सं जितः स्‍वइ, तर्शीशया व्‍यापारीतय्‌गु जहाजत न्‍ह्यः न्‍ह्यः दु। परमप्रभु छिमि परमेश्‍वरया निंतिं, व इस्राएलया पवित्र परमेश्‍वरया हनाबनाया निंतिं इपिं छिमि काय्‌पिन्‍त तापाकं इमिगु लुँ व वहःनापं छन्‍थाय् हइ। छाय्‌धाःसा वय्‌कलं छन्‍त गौरवं जाय्‌कादी।

यर्मिया 10:9

मुगलं दायातःगु वहःया पाता तर्शीशं, लुँ धाःसा उपज देशं हइ। थ्‍व कारिगरया ज्‍या व लुँकःमिया ल्‍हाःया ज्‍या खः। वयागु वसः वँचुगु व प्‍याजीगु रंगयागु जुइ। उपिं फुक्‍क सीप दुपिं मनूतय्‌गु ज्‍या खः।

इजकिएल 2:8

तर छं धाःसा, अय् सीमानिम्‍ह मनू, जिं छन्‍त छु धाये, व खँ बांलाक न्‍यँ! व विद्रोही घराना थें छ विद्रोही जुइ मते, छंगु म्‍हुतु चाय्‌कि, जिं छु बी व न!”

इजकिएल 27:12

“‘छंके यक्‍व मालसामान दुगुलिं तर्शीशं छनापं व्‍यापार यात। इमिसं वहः, नँ, टिन व म्‍हः बियाः छंगु मालसामान न्‍यात।

इजकिएल 3:14

अले आत्‍मां जितः ल्‍ह्वनाः यंकादिल। म्‍हाइपुसे च्‍वंकाः तंमय्‌ जि वना। परमप्रभुया शक्ति जिके दुगु जुल।

योना 1:10

वं इमित थः परमप्रभुयापाखें बिस्‍युं वयागु खँ नं कन। थ्‍व न्‍यनाः इपिं तसकं ग्‍यात। अले इमिसं धाल, “छं थ्‍व छु यानागु?”

योना 4:2

वं परमप्रभुयात धाल, “प्रभु, जिं थःगु देश त्‍वःते न्‍ह्यः थ्‍व हे खँ धयागु मखु ला? उकिं हे ला जि तार्शीशपाखे बिस्‍युं वनेत्‍यनागु खः। छि दया माया दीम्‍ह, तंचायेत लिबाकादीम्‍ह, नुगः क्‍यातुम्‍ह व सजाँय बी मयःम्‍ह खः धकाः जिं स्‍यू।

लूका 9:62

वय्‌कलं वयात धयादिल – “हलो जोतय् यायां लिफः स्‍वया च्‍वनीम्‍ह मनू परमेश्‍वरया राज्‍ययागु ज्‍या यायेत मल्‍वः।”

प्रेरित 15:38

न्‍हापा प्रभुयागु खँ न्‍यंका जूबलय् व इमित पामफिलियाय् त्‍वःताः लिहां वंगुलिं पावलं वयात ब्‍वना मयंकेगु खँ ल्‍हात।

प्रेरित 26:19

“थथे जूगुलिं हे, जुजु अग्रिपास, जिं स्‍वर्गपाखेंयागु दर्शनय् खनागु खँ गथे मन्‍यनेगु?

प्रेरित 9:36

अबलय् योप्‍पा धाःगु थासय् तबीता धाःम्‍ह छम्‍ह मिसाम्‍ह चेला च्‍वनाच्‍वंगु दु। ग्रीक भाषां वयागु नां डोरकास जुइ। व छम्‍ह भिंगु भिंगु जक ज्‍या याना व मेपिन्‍त ग्‍वाहालि यानाजुइम्‍ह मिसा खः।

प्रेरित 9:38

लुड्डा योप्‍पां तामपाःगुलिं चेलातय्‌सं पत्रुस अन दनि धकाः सीकाः निम्‍ह मनूयात सःतके छ्वल। इमिसं वनाः धाल – “लिबाकादी मते, याकनं झासँ।”

प्रेरित 9:42

थ्‍व खँ योप्‍पाय् फुक्‍कभनं बय्‌बय् जूगुलिं यक्‍वसिनं प्रभुयात विश्‍वास यात।

प्रेरित 9:43

पत्रुस तःन्‍हु तक अन हे सिमोन धाःम्‍ह छेंगूया ज्‍या याइम्‍हय्‌सिगु छेँय् च्‍वन।

१ कोरिन्‍थी 9:16

जिं थथे भिंगु खँ न्‍यंकाच्‍वनागु दु धकाः तःधंछुइ माःगु मदु। थ्‍व ला जिं याये हे माःगु ज्‍या खः। जिं थ्‍व भिंगु खँ मन्‍यंकल धाःसा जितः धिक्‍कार दु।

२ थेसलोनिकी 1:9

थुपिं प्रभुयागु तसकं बल्‍लाःगु जलं तापाक व प्रभुयागु ख्‍वाः तकं स्‍वये मखंक च्‍वनाच्‍वने माली। अले थुपिं सदांयात नाश जुयावनी।

यहोशू 19:46

मे-यरकोन व रक्‍कोननापं योप्‍पापाखे स्‍वःगु इलाका।