योना 1:2 - नेवाः बाइबल

² “तःधंगु शहर निनवेयापिं मनूतय्‌सं यानाच्‍वंगु मभिंगु ज्‍याखँ जिं स्‍यू। अथे जुयाः याकनं छ अन वनाः इमित उकिया लागि छिमित परमेश्‍वरं सजाँय बियादी धकाः धाः हुँ।”

योना 1:2 ပူးပေါင်းရင်းမြစ်များ

उत्‍पत्ति 10:11

अनं हे व अश्‍शूर धाःथाय् वन। अन वं निनवे, रहोबोत-इर व कालह शहर दय्‌कल।

२ राजा 19:36

उकिं अश्‍शूरयाम्‍ह जुजु सनहेरीबं छाउनी स्‍यंकाः निनवेय् लिहां वन। व वनाः अन हे च्‍वन।

२ इतिहास 28:9

तर अन ओदेद धाःम्‍ह परमप्रभुया छम्‍ह अगमवक्ता दु। सिपाइँत सामरियाय् लिहां वयाच्‍वंबलय् व इमित नापलाः वन। वं इमित धाल, “परमप्रभु छिमि पुर्खातय् परमेश्‍वर यहूदा खनाः तंचायादीगुलिं वय्‌कलं इमित छिमिगु ल्‍हातय् बियादिल। तर छिमिसं तसकं तंम्‍वयाः इमित स्‍याःगु खँ स्‍वर्गय् तक थ्‍यंगु दु।

एज्रा 9:6

थथे धकाः प्रार्थना याना – “हे जिमि परमेश्‍वर, जिगु ख्‍वाः छिपाखे स्‍वकेत जितः तसकं मछालापुसे च्‍वं, छाय्‌धाःसा हे जिमि परमेश्‍वर, जिमिगु पाप यक्‍व अप्‍वयावंगु दु अले जिमिगु दोष स्‍वर्ग तक थ्‍यंगु दु।

यशैया 37:37

उकिं अश्‍शूरयाम्‍ह जुजु सनहेरीबं छाउनी स्‍यंकाः निनवेय् लिहां वन। व वनाः अन हे च्‍वन।

यशैया 58:1

“तसकं हा, सुम्‍क च्‍वने मते! तुरहीया सः थें च्‍वंक तसकं हा। जिमि प्रजायात इपिं विद्रोही खः धकाः व याकूबया घरानायात इमिगु पाप क्‍यनाब्‍यु।

यर्मिया 20:9

तर “जिं वय्‌कःया खँ पिकाये मखु, जिं हाकनं गुबलें वय्‌कःया नामय् नवाये मखु” धकाः जिं धाल धाःसा वय्‌कःया वचन जिगु नुगलय् च्‍यानाच्‍वंगु व जिगु क्‍वँचय् कुनाच्‍वंगु मि थें जुइ। उकियात पँपं जितः त्‍यानुसे च्‍वनी। धात्‍थें जिं व सह याये मफु।

इजकिएल 2:7

छं इमित जिगु वचन धा, इमिसं चाहे न्‍यनेमा वा मन्‍यनेमा छाय्‌धाःसा इपिं विद्रोही खः।

होशे 7:2

तर जिं इमिसं याःगु दक्‍व दुष्‍ट ज्‍यायात लुमंकी धकाः इमिसं बिचाः हे मयाः। इमिसं याःगु पापया ज्‍यां हे इमित घेरय् यानातःगु दु। उपिं ज्‍या न्‍ह्याबलें जिगु न्‍ह्यःने दु।

योना 3:2

“याकनं तःधंगु शहर निनवेय् हुँ, अले अन च्‍वंपिन्‍त जिं धयागु खँ धा।”

योना 3:3

योनां परमप्रभुयागु आज्ञा मानय् यात, अले निनवेय् वन। निनवे तसकं तःधंगु शहर खः। थ्‍व शहर छगुलिं चाःहिलेत स्‍वन्‍हु ब्‍यू।

योना 4:11

धासेंलि अपाय्‌मछि तःधंगु छगू लाख व निइद्वलं मयाक छुं मस्‍यूपिं मस्‍त व अल्‍याख पशु दुगु निनवे शहर खनाः जि नुगः मछिं मजुइ ला?”

मीका 3:8

तर जि ला परमप्रभुया शक्तिं जाःगु दु, परमप्रभुया आत्‍मां जाःगु दु, अले न्‍याय व शक्तिं जाःगु दु। याकूबयात वयागु अपराध व इस्राएलयात वयागु पाप कनाबीत।

नहूम 1:1

निनवेया खँय् अगमवाणी। एल्‍कोशी नहूमं खंगु दर्शनया सफू।

नहूम 3:19

छंगु घाःयात छुं वासलं नं लंके फइ मखु। छंगु घाः तसकं ग्‍यानापुगु घाः खः। सुनां सुनां छंगु बांमलागु खँ न्‍यनी इमिसं लय्‌तायाः ल्‍हाःपा थाइ, छाय्‌धाःसा छंगु गुबलें मदीगु सास्‍ती सुनां भोगे याःगु मदु धकाः?

मत्ती 10:18

जितः विश्‍वास याःगुलिं छिमित हाकिमत व जुजुपिनिगु न्‍ह्यःने थने यंकी। छिमिसं अन हे इमित व यहूदीमखुपिन्‍त जिगु साक्षी ब्‍यु।

मत्ती 12:41

“निनवेय् च्‍वंपिन्‍सं नं न्‍याय याइबलय् आःयापिं मनूतय्‌त सजाँय बी हे माः धकाः नवाइ, छाय्‌धाःसा इमिसं ला योनां जक न्‍यंकूबलय् हे पश्‍चाताप यात। स्‍व, थन ला योना स्‍वयाः नं तःधंम्‍ह छम्‍ह दु।

याकूब 5:4

छिमिसं बुँइ ज्‍या याःपिं मनूतय्‌त ज्‍याला हे मब्‍यूसे तयातःगु दु। छिमिसं अन्‍याय यात धकाः व ज्‍यामित हालाच्‍वंगु दु। अन्‍याय जुल धकाः इपिं हालाच्‍वंगु सः दकलय् तःधंम्‍ह व शक्ति दुम्‍ह प्रभु परमेश्‍वरं न्‍यनादीगु दु।

प्रकाश 18:5

वं याःगु पाप आकाश तक थ्‍यंगु दु। वं याःगु पाप परमेश्‍वरं लुमंकादीगु दु।