योना 1:16 - नेवाः बाइबल

¹⁶ थ्‍व खनाः जहाज चले याइपिं फुक्‍कं परमप्रभु खनाः ग्‍यात। अले इमिसं परमप्रभुया नामय् बलि बिल। नापं वय्‌कःयात मानय् यायेगु भाकल नं यात।

योना 1:16 ပူးပေါင်းရင်းမြစ်များ

उत्‍पत्ति 28:20

अले याकूबं थथे धयाः भाकल यात, “परमेश्‍वर जिलिसें दु धयागु खःसा, अले जितः जि वँवंथाय् बचय् यानादी, नके, त्‍वंके व पुंके यानादी धयागु खःसा,

उत्‍पत्ति 8:20

नोआं परमप्रभुया लागि छगू बलि बीगु थाय् दय्‌कल। अले फुक्‍क कथंया शुद्धपिं पशु व पक्षी छम्‍ह छम्‍ह ल्‍ययाः होमबलि बिल।

२ राजा 5:17

नामानं धाल, “छिं कोस्‍यलि मकायेगु खःसा थः दासयात निम्‍ह खच्‍चरं क्‍वबिफक्‍व चा यंके बियादिसँ। छाय्‌धाःसा आवंलि जिं परमप्रभुयात बाहेक मेपिं सुं द्यःयात होमबलि व मेगु छुं बलि छाये मखुत।

अय्‍यूब 37:24

उकिं मनूतय्‌सं वय्‌कःया भय काइगु। थःत बुद्धिमान खः धकाः धाइपिन्‍त वय्‌कलं वास्‍ता यानादी मखु।”

भजनसंग्रहया सफू 107:22

इमिसं सुभाय्‌या बलि बीमा, अले लसताया भजन हालाः वय्‌कलं यानादीगु फुक्‍क ज्‍याया बयान यायेमा।

भजनसंग्रहया सफू 116:14

जिं परमप्रभुया लागि वय्‌कःया सकलें मनूतय्‌गु न्‍ह्यःने थःगु भाकल धात्‍थें हे पूवंके।

भजनसंग्रहया सफू 50:14

परमेश्‍वरयात सुभाय्‌या बलि छा, अले दकलय् तःधंम्‍हय्‌सिगु लागि थःगु भाकल पूवंकि!

उपदेशक 5:4

छं परमेश्‍वरयात भाकल यायेबलय् व पूवंकेत लिबाके मते। मूर्खनापं वय्‌कः लय्‌तायादी मखु। छं थःगु भाकल पूवंकि।

यशैया 26:9

चान्‍हय् जिगु फुक्‍क नुगलं छितः यय्‌कीगु यानाच्‍वना। सुथय् जिगु आत्‍मां छितः यय्‌काच्‍वना। छिं पृथ्‍वी व अन च्‍वंपिनिगु न्‍याय यानादीबलय्, इमिसं धार्मिकता सय्‌काकाइ।

यर्मिया 5:22

छिपिं जिलिसें ग्‍याये म्‍वाः ला?” परमप्रभुं धयादी। “छिपिं जिगु न्‍ह्यःने थरथर खाये म्‍वाः ला? जिं फियात समुद्रं पुलावने मफइगु न्‍ह्याबलें दयाच्‍वनीगु पंगःया सिमाना यानाबिया। अले थुकिया लबुत थाहां वःसां उपिं त्‍याइ मखु। उपिं थ्‍वय्‌क हाःसां उकियात पुलावने फइ मखु।

दानिएल 6:26

जिगु हुकुम थ्‍व हे खः। जिगु देशया अधिकार दुगु फुक्‍क थासय्‌यापिं मनूतय्‌सं दानिएलया परमेश्‍वरयागु भय कायेमाः अले वय्‌कःयात हनाबना यायेमाः। “छाय्‌धाःसा वय्‌कः म्‍वाःम्‍ह खः। वय्‌कः न्‍ह्याबलें दयाच्‍वनी। वय्‌कःया राज्‍य गुबलें स्‍यनावनी मखु। अले वय्‌कलं न्‍ह्याबलें राज्‍य यानादी।

योना 1:10

वं इमित थः परमप्रभुयापाखें बिस्‍युं वयागु खँ नं कन। थ्‍व न्‍यनाः इपिं तसकं ग्‍यात। अले इमिसं धाल, “छं थ्‍व छु यानागु?”

योना 1:14

उकिं इमिसं परमप्रभुयात प्रार्थना यात, “परमप्रभु, जिमित थ्‍व मनूया ज्‍यानया पलेसा कथं नाश यानादी मते। जिमित छम्‍ह निर्दोषम्‍ह मनूयात स्‍याःगुया दोष बियादी मते। परमप्रभु थ्‍व फुक्‍क छिं हे याकादीगु खः।”

मर्कूस 4:31

परमेश्‍वरयागु राज्‍य ला दक्‍वसिबय् चिग्‍वःगु पुसा थें खः।

प्रेरित 5:11

फुक्‍क मण्‍डली व थ्‍व खँ न्‍यंपिं मनूत सकलें तसकं ग्‍यात।