योएल 3:2 - नेवाः बाइबल

² उबले जिं सकल जातितय्‌त छथाय् मुंकाः यहोशापातया बेँसीइ यंके। अन हे जिं उपिं जातितय्‌त न्‍याय याये, छाय्‌धाःसा इमिसं जिमि प्रजा, जिगु उत्तराधिकारी इस्राएलयात जाति जातितय् दथुइ छ्यालब्‍याल यानाबिल, अले जिगु देशयात ब्‍वथला बिल।

योएल 3:2 ပူးပေါင်းရင်းမြစ်များ

२ इतिहास 20:26

प्‍यंगूगु दिनय् इपिं बराकाहया ब्‍यासिइ मुनाः परमप्रभुंयात प्रशंसा यात। उकिं उगु ब्‍यासियात “बराकाह” धकाः धाइ।

यशैया 66:16

मि व तरवारपाखें परमप्रभुं फुक्‍क मनूतय्‌गु न्‍याय यानादी, अले परमप्रभुपाखें सीपिं यक्‍व हे दइ।

यशैया 66:18

“इमिगु ज्‍या व इमिगु मतिया कारणं जि फुक्‍क जातितय्‌त व थीथी भाय् ल्‍हाइपिन्‍त छथाय् मुंकेत वये। अले इपिं सकसिनं जिगु महिमा खनी।

यर्मिया 12:14

परमप्रभुं थथे धयादी, “जि थः प्रजा इस्राएलयात अधिकार यायेत बियागु देश कब्‍जा याःपिं जिम्‍ह दुष्‍ट जःलाखःलातय्‌त जिं थम्‍हं हे सिमायात थें लिनाकयाः इमिगु देशं पितिनाछ्वये। यहूदाया घरानायात नं जिं इमिगु दथुं लिनाकाये।

यर्मिया 25:31

हल्‍लाया लिथ्‍वः पृथ्‍वीया ताताःपाःगु थासय् तक ताये दइ। छाय्‌धाःसा पृथ्‍वीया फुक्‍क जातितलिसें परमप्रभुया मुद्दा दु, वय्‌कलं फुक्‍क मनूतय्‌गु न्‍याय यानादी। दुष्‍टतय्‌त धाःसा वय्‌कलं तरवारं पालादी,’” परमप्रभुं धयादी।

यर्मिया 49:1

अम्‍मोनीतय्‌गु बारे– परमप्रभुं थथे धयादी, “छु! इस्राएलया काय्‌पिं मदु ला? छु! वया सुं सर्बय काइम्‍ह मदु ला? छाय् मोलोखं गादया लागा कब्‍जा याःगु? छाय् वया थः मनूत गादय् च्‍वंवःगु?”

यर्मिया 50:17

“इस्राएल ला सिंहं लिनाः छ्यालब्‍याल जूगु बथां थें खः। वयात न्‍हापा ला अश्‍शूरयाम्‍ह जुजुं नल, लिपतय् बेबिलोनयाम्‍ह जुजु नबूकदनेसरं वयागु क्‍वँय्‌त त्‍वथुलाबिल।”

इजकिएल 25:8

“परमप्रभु परमेश्‍वरं थथे धयादी, ‘मोआब व सेइरं थथे धाःगु दु, “स्‍व, यहूदाया घराना ला मेगु फुक्‍क जातित थें जूगु दु।”

इजकिएल 34:6

जिम्‍ह फैत लँ द्वंकाः पहाड पहाडय् व ततःजाःगु डाँडाय् वन। इपिं पृथ्‍वीया फुक्‍क थासय् छ्यालब्‍याल जुल। सुनानं इमित वास्‍ता मयाः, सुनानं इमित माःमवं।

इजकिएल 35:10

“‘जि परमप्रभु अन दुगु जूसां छं थथे धाःगु दु, “उपिं निगू जाति यहूदा व इस्राएल अले इमिगु देश झीगु जुइ। झीसं इमित अधिकार याये।”

इजकिएल 36:1

“अय् सीमानिम्‍ह मनू, इस्राएलया पहाडतय्‌त अगमवाणी ल्‍हानाः धा, ‘हे इस्राएलया पहाडत, परमप्रभुया वचन न्‍यँ।

इजकिएल 36:5

जि, परमप्रभु परमेश्‍वर न्‍ववानागु दु – जिगु डाहाया तंम्‍वय् जिं मेगु ल्‍यनाच्‍वंगु जातित व एदोमया विरोधय् बांलाक न्‍ववानागु दु, छाय्‌धाःसा थःगु नुगलय् इस्राएलया निंतिं लय्‌ताः व घृणा तयाः इमिसं जिगु देशयात उकिया घाँय्‌ख्‍यः लुतय्‌ याये फयेमा धकाः थःगु अधिकारय् काल।’

इजकिएल 38:22

जिं महामारी व हिबाःपाखें वयागु न्‍याय याये। जिं वयाके, वयागु सेनायाके व वलिसें दुगु जाति जातिया भीडयाके तसकं वाफय् वय्‌काबी, प्‍वँ गाय्‌काबी, च्‍यानाच्‍वंगु गन्‍धक गाय्‌काबी।

इजकिएल 39:11

“‘उखुन्‍हु गोगयात जिं इस्राएलय्, समुद्रया पुर्बय् लँजुवाःतय्‌गु बेंसीइ छगू चिहान बी। अनं जुयाः वनीपिं लँजुवाःतय्‌त लँ पनी छाय्‌धाःसा गोग व वया फुक्‍क सेनायात अन थुनी अले व थाय्‌यात हामोन-गोगया ब्‍यासि धाइ।

योएल 3:12

“जातित सुरय् जुयाः यहोशापातया बेँसीइ वयेमा, छाय्‌धाःसा जिं अन हे प्‍यखेरं च्‍वंपिं जातितय्‌गु न्‍याय यायेत फेतुये।

योएल 3:14

न्‍याय याइगु बेँसीइ ग्‍वाः ग्‍वाः मनूत मुनाच्‍वंगु दु, छाय्‌धाःसा न्‍याय याइगु बेँसीइ परमप्रभुया दिं न्‍ह्यःने हे थ्‍यंकः वःगु दु।

आमोस 1:11

परमप्रभुं थथे धयादी, “एदोमया मनूतय्‌सं तःक्‍व हे पाप यात, जिं इमित सजाँय मब्‍यूसे त्‍वःते मखु! इमिसं थः दाजु, इस्राएलीतय्‌त भतिचा नं दया माया मयासें तरवार ज्‍वनाः लिनाछ्वल, इमिगु तच्‍वःगु तंया कारणं याना, इमित झन अप्‍वः तं पिहां वल।

मीका 4:12

तर इमिसं परमप्रभुया बिचाःयात सीके मफु। इमिसं वय्‌कःयागु आजुयात नं थुइके मफु। वय्‌कलं इमित अन्‍न दायेगु थासय् थूत मुंकु थें इमित मुंकादी।

सपन्‍याह 3:8

अथे जुयाः परमप्रभुं धयादी, “बयान बीत जि मदंतले छिमिसं जितः पियाच्‍वँ। जाति जातित अले राज्‍य राज्‍यतय्‌त मुंकाः इमित जिगु तं, जिगु ग्‍यानपुस्‍से च्‍वंगु तं प्‍वंकेगु जिगु मनसुवा दु, छाय्‌धाःसा फुकं पृथ्‍वी हे जिगु नुगः मुया वःगु मिं झौ जुइ।

प्रकाश 11:18

जात जातियापिं मनूत छि खनाः तसकं तंम्‍वय्‌कल। आः छिगु तं पिकायेगु ई वल, अले सीपिन्‍त न्‍याय यायेगु। छिकपिनि दास अगमवक्ताततय्‌त व विश्‍वासीतय्‌त, छितः मानय् यानाच्‍वंपिं तःधंपिं व चिधंपिं फुक्‍कसितं सिरपाः बीगु व पृथ्‍वीयात स्‍यंकूपिन्‍त न्‍हंकेगु ई नं वये धुंकल।”

प्रकाश 16:14

अजू चायापुगु चिं यायेफुपिं भूत आत्‍मात थुपिं हे खः। दक्‍वसिबय् तःधंम्‍ह व शक्ति दुम्‍ह परमेश्‍वरयागु तःधंगु दिनय् ल्‍वायेत थुमिसं सारा संसारय् च्‍वंपिं जुजुपिन्‍त मुंका जुइ।

प्रकाश 16:16

हिब्रू भाषां आर-मागेड्डोन धाइगु थासय् इमिसं जुजुतय्‌त छथाय् मुंकल।

प्रकाश 16:6

छाय्‌धाःसा छितः विश्‍वास याःपिं मनूतय्‌त व अगमवक्तातय्‌त स्‍याःपिं थुपिं हे खः। उकिं छिं थुमित हि त्‍वंकादिल। इपिं थथे हे यायेमाःपिं खः।”

प्रकाश 20:8

वं सारा संसारय् च्‍वंपिं जात जातियापिं मनूतय्‌त अर्थात “गोग” व “मागोगपिन्‍त” झंगः लानाः ल्‍वाकेत छथाय् मुंकी। इपिं समुद्रयागु फि थें यक्‍व दु।