योएल 2:3 - नेवाः बाइबल

³ इमिगु न्‍ह्यःने न्‍ह्यःने मिं भस्‍म यानायंकी। अले इमिगु ल्‍यूल्‍यू मि दनदन च्‍याइ, इमिगु न्‍ह्यःनेया बँ अदनया क्‍यब थें हे च्‍वं अले इमिगु ल्‍युने मरुभूमि थें च्‍वं। इपिंपाखें सुं नं बचय् जुइ फइ मखु।

योएल 2:3 ပူးပေါင်းရင်းမြစ်များ

उत्‍पत्ति 13:10

लोतं प्‍यखें स्‍वल। वं यर्दनया ब्‍यासि सोअर शहर तक हे परमप्रभुया क्‍यब थें व मिश्र देश थें वाउँसे च्‍वंगु खन। थ्‍व परमप्रभुं सदोम व गमोरायात नाश याये न्‍ह्यःया खँ खः।

उत्‍पत्ति 2:8

परमप्रभु परमेश्‍वरं पुर्बपाखे अदन धाःथाय् छगू क्‍यब दय्‌कादिल। अले वय्‌कलं दय्‌कादीम्‍ह मनूयात अन तयादिल।

भजनसंग्रहया सफू 50:3

झी परमेश्‍वर झाइतिनि, अले वय्‌कः सुम्‍क च्‍वनादी मखु, वय्‌कःया न्‍ह्यःने भस्‍म याइगु मि दु, अले वय्‌कःया छचाःखेरं ग्‍यानापुगु ग्‍वःफय् दु।

भजनसंग्रहया सफू 97:3

मि वय्‌कःया न्‍ह्यःने न्‍ह्यःने वनी, अले वय्‌कःया प्‍यखेरं च्‍वंपिं शत्रुतय्‌त नाश याइ।

प्रस्‍थान 10:15

फुक्‍क बँ हे हाक्‍कुसे च्‍वंक इमिसं त्‍वपुल। इमिसं प्‍वँ गाये धुंकाः ल्‍यं दुगु बाली व सिमाय् च्‍वंगु फल फुक्‍कं नयाबिल। मिश्र देशय् गनं हे वाउँगु धयागु मन्‍त।

प्रस्‍थान 10:5

इमिसं खने हे मदयेक बँयात त्‍वपुयाबी। प्‍वँ गाये धुंकाः ल्‍यं दुगु फुक्‍कं इमिसं नयाबी, अले गुँइच्‍वंगु फुक्‍क सिमासामा नं नयाबी।

यशैया 14:17

संसारयात मरुभूमि दय्‌काब्‍यूम्‍ह व अन दुगु शहरतय्‌त नाश याःम्‍ह थ्‍व हे मखु ला? छु ज्‍वनायंकिपिन्‍त छेँ वने मब्‍यूम्‍ह मनू नं थ्‍व हे मखु ला?”

यशैया 15:6

निम्रीमया लः सुनावन, अन लिक्‍क च्‍वंगु घाँय्‌त सुकूचिना वन, छुं नं वाउँगु धयागु हे मन्‍त।

यशैया 33:4

हे जाति जातिया मनूत, छिमिसं लुतय् यानाः लयाहःगु बाली चिचीधिकःपिं क्‍वःबुइँचां नयाब्‍यू थें जुइ। क्‍वःबुइँचा थें मनूत उकी झम्‍ते याः वनी।

यशैया 51:3

परमप्रभुं धात्‍थें हे सियोनयात सान्‍त्‍वना बियादी, अले वय्‌कलं इमिगु झिजांमिजां दंगु थाय्‌यात दया यानादी, अले मरुभूमियात अदनया बगैँचा थें व अनयागु गंगु बँयात परमप्रभुया क्‍यब दय्‌कादी। अन लसता व आनन्‍द, सुभाय्‌या म्‍येया सः न्‍यनेदइ।

यशैया 9:18

धात्‍थें हे मि थें दुष्‍टता च्‍याइ, उकिं सिउँडी व कंयात भस्‍म याइ। उकिं गुँयागु झाःतय्‌त च्‍याकी, अले उपिं कुँत्‍याः जुयाः च्‍वय् पाखे चाचाःहिलाः थाहां वनी।

यशैया 9:19

दक्‍व शक्ति दुम्‍ह परमप्रभुया तमं देश भस्‍म जुइ। मनूत नं मियागु निंतिं इन्‍धन जुइ। सुं मनुखं थः किजायात तकं त्‍वःती मखु।

यर्मिया 5:17

इमिसं छिमिगु बाली व नसा क्‍वाप्‍प नयाबी, छिमि काय् म्‍ह्याय्‌पिन्‍त क्‍वाप्‍प नयाबी, इमिसं छिमि सा द्वहं व फै-च्‍वलय् क्‍वाप्‍प नयाबी, छिमिगु दाख व यःमरिमा क्‍वाप्‍प नयाबी। छिमिसं भलसा याःगु पःखाः ग्‍वयातःगु शहरत इमिसं तरवारं नाश याइ।”

इजकिएल 36:35

मनूतय्‌सं धाइ, “थ्‍व झिजांमिजां दंगु बुँ आः अदनया क्‍यब थें जुल। उपिं उजाड, नाश व ध्‍वस्‍त जूगु शहरत आः किल्‍लात व मनूतय्‌सं जाःगु दु।”

आमोस 7:4

परमप्रभु परमेश्‍वरं जितः थ्‍व क्‍यनादिल, मिं न्‍याय यायेत परमप्रभु परमेश्‍वरं क्‍वछिनादिल। व मिं ततःजाःगु समुन्‍द्रयात गंकाः जमिनयात नं भस्‍म यानाबिल।

हबकूक 1:6

स्‍व, जिं बेबिलोनीतय्‌त थने, व जाति तसकं नुगः छाःगु व लाः लाः थें यानाजुइगु जाति खः, मेपिनिगु च्‍वनेगु थाय् लाकाकायेत इपिं पृथ्‍वी न्‍यंकनं वनी।

जकरिया 7:14

‘म्‍हमस्‍यूपिं जातितय्‌गु दथुइ ग्‍वःफसं थें जिं इमित छ्यालब्‍याल याना। थुकथं इमिगु देश झिजांमिजां दंगुथाय् जुल। अन सुं नं मनू वये वने मया। इमिसं जिगु खँ मन्‍यंगुलिं व न्‍ह्यइपुगु देश झिजांमिजां दंगुथाय् जुल।’”