यूहन्‍ना 9:30 - नेवाः बाइबल

³⁰ अले वं लिसः बिल – “थ्‍व हे ला खः, अजू चायापुगु खँ। वय्‌कः गनं झायादीम्‍ह खः धकाः छिकपिन्‍सं मस्‍यूसां वय्‌कलं जिगु मिखा चाय्‌कादिल।

यूहन्‍ना 9:30 ပူးပေါင်းရင်းမြစ်များ

भजनसंग्रहया सफू 119:18

छिं स्‍यनातःगु खँया अजू चायापुगु खँ खंकेत जिगु मिखा चाय्‌कादिसँ।

यशैया 29:14

अथे जुयाः जिं हाकनं छकः थ्‍व जातिया दथुइ तसकं अजू चायापुगु ज्‍या यानाः छक्‍क यानाबी, अले जिं ज्ञानीपिनिगु ज्ञानयात नाश यानाबी, अले बुद्धिमानतय्‌गु बुद्धियात ज्‍यालगय् मजुइकाबी।”

यशैया 29:18

व दिंखुन्‍हु ख्‍वाँय्‌नं सफूया थूपतिकं च्‍वयातःगु वचन न्‍यनी, अले तसकं खिउँसे च्‍वंगुपाखें कांनं मिखां खनी।

यशैया 35:5

अनंलि कांपिनिगु मिखा चाय्‌कादी, अले ख्‍वाँय्‌तय्‌गु न्‍हाय्‌पं चाय्‌कादी।

मत्ती 11:5

कांपिन्‍सं मिखां खन, लंग्रात न्‍यासि वने फत, कोह्रित लाया वन, ख्‍वाँय्‌तय्‌सं ताल, सीपिं मनूत हानं म्‍वानावल, अले चीमिपिन्‍सं भिंगु खँ न्‍यन।

मत्ती 21:42

वय्‌कलं हानं धयादिल – “धर्मशास्‍त्रय् च्‍वयातःगु छिकपिन्‍सं ब्‍वनादियागु मदु ला? “‘दकःमितय्‌सं ज्‍यालगय् मजूगु धकाः धाःगु ल्‍वहं हे मू ल्‍वहं जुल। परमेश्‍वरं हे थथे यानादीगु खः। झीसं स्‍वयेबलय् थ्‍व तसकं अजू चायापु।’”

मर्कूस 6:6

इमिसं वय्‌कःयात विश्‍वास याये मफुगुलिं थुपिं खनाः वय्‌कः छक्‍क जुल। थथे जूगुलिं वय्‌कलं गामय् गामय् झायाः स्‍यनेकने यानादिल।

लूका 7:22

वय्‌कलं इमित लिसः बियादिल – “छिमिसं छु छु खना व न्‍यना, यूहन्‍नायात वनाः व हे धयाब्‍यु। कांपिन्‍सं मिखां खन, लंग्रात न्‍यासि वने फत, कोह्रित लाया वन, ख्‍वाँय्‌तय्‌सं ताल, सीपिं मनूत म्‍वानावल, अले मगाःमचाःपिन्‍सं भिंगु खँ न्‍यने खन।

यूहन्‍ना 12:37

इमिसं खंक खंक हे उलिमछि चिं वय्‌कलं यानाः क्‍यनादिल नं इमिसं वय्‌कःयात विश्‍वास मयाः।

यूहन्‍ना 3:10

वय्‌कलं लिसः बियादिल – “इस्राएलीतय् गुरु जुयाः छिं थुलि नं थुइके मफु ला?

यूहन्‍ना 9:29

परमेश्‍वरं मोशानापं नवानादीगु खः धकाः जिमिसं स्‍यू। तर थ्‍व मनू गनं वःम्‍ह खः धकाः जिमिसं मस्‍यू।”

यूहन्‍ना 9:31

पापीतय्‌गु खँ परमेश्‍वरं न्‍यनादी मखु धकाः जिमिसं स्‍यू। परमेश्‍वरया भय काइम्‍ह व वय्‌कलं धाःथें याना जुइम्‍हय्‌सिगु जक खँ न्‍यनादी।

२ कोरिन्‍थी 4:6

“खिउँथासं जः थिनावइ” धकाः धयादीम्‍ह परमेश्‍वरं हे जिमिगु मनय् नं जः खय्‌कादिल। उकिं येशू ख्रीष्‍टया न्‍ह्यःने झीत परमेश्‍वरया महिमा व ज्ञान गुलि तःधं धकाः ध्‍वाथुइक क्‍यनेत थथे यानादीगु खः।