यूहन्‍ना 9:18 - नेवाः बाइबल

¹⁸ अय्‌नं यहूदीतय्‌सं व मनू कांम्‍ह खः, आः वं मिखां खन धकाः वया मांबौपिन्‍त सःताः मन्‍यंतले विश्‍वास मयाः।

यूहन्‍ना 9:18 ပူးပေါင်းရင်းမြစ်များ

उत्‍पत्ति 19:14

अले लोतं पिने वनाः थः म्‍ह्याय्‌पिंलिसे ब्‍याहा याइपिं मनूतय्‌त धाल, “याकनं थ्‍व थाय् त्‍वःताः पिहां हुँ। परमप्रभुं थ्‍व शहरयात नाश यानादीत्‍यंगु दु।” वया जिलाजं जुइपिन्‍सं धाःसा वं ख्‍याः याःगु जुइ धकाः च्‍वन।

यशैया 26:11

हे परमप्रभु, इमिसं छिं ल्‍ह्वनादीगु ल्‍हापाखे ध्‍यान मब्‍यू। छिके थः प्रजाया निंतिं गुलि जोश दु इमित क्‍यनादिसँ। अले इपिं लाजय् लाइ। छिं तयार यानादीगु सजाँय इमित प्‍वंकादिसँ।

यशैया 53:1

झीगु बुखँय् सुनां विश्‍वास याःगु दु? परमप्रभुया बल्‍लाःगु ल्‍हाःया शक्ति सुयात क्‍यन?

लूका 16:31

अले अब्राहामं हानं धाल – ‘मोशायागु व्‍यवस्‍था व अगमवक्तातय्‌गु सफूयात हे इमिसं वास्‍ता मयाःसा सीम्‍ह मनुखं म्‍वाना वनाः धाःगु खँ नं इमिसं विश्‍वास याइ मखु।’”

यूहन्‍ना 1:19

यरूशलेमय् च्‍वंपिं यहूदी नायःतय्‌सं पुजाहारी व लेवीतय्‌त “यूहन्‍ना धाःम्‍ह सु खः” धकाः न्‍यंके छ्वयाहल।

यूहन्‍ना 5:44

छिमिसं थःथवय् तःधंका च्‍वन, तर परमेश्‍वरं तःधंकीगुलिइ छिमिसं वास्‍ता मया। छिमिसं गथे यानाः विश्‍वास याये फइ?

यूहन्‍ना 9:19

इमिसं थथे धकाः न्‍यन – “बूसांनिसें छिमि काय् कांम्‍ह खः ला? आः वं गथे जुयाः खन?”

यूहन्‍ना 9:22

सुनानं येशूयात मुक्ति बीम्‍ह ख्रीष्‍ट खः धकाः धाल धाःसा व मनूयात धर्मशास्‍त्र स्‍यनीगु छेँनं पितिनाछ्वयेगु धकाः इमिसं सल्‍लाह यानातःगुलिं वया मांबौपिन्‍सं ग्‍यानाः थथे लिसः ब्‍यूगु खः।

हिब्रू 4:11

थथे जूगुलिं झीसं नं फक्‍व कुतः यानाः झासु लने थाय् वनेगु स्‍वये माल। तापाःबाज्‍यापिन्‍सं वय्‌कःयात मानय् मयाःगुलिं वय्‌कः नाप झासु लने मखन, उकिं झीसं नं इमिसं थें याये मज्‍यू।