यूहन्‍ना 9:16 - नेवाः बाइबल

¹⁶ गुम्‍हं गुम्‍हं फरिसीतय्‌सं धाल – “विश्रामबार मानय् मयाःगुलिं थ्‍व मनू परमेश्‍वरयाम्‍ह मखु।” हानं गुलिंसिनं धाल – “छम्‍ह पापी मनुखं थपाय्‌धंगु चिं गथे याये फइ?” थुकथं इमि दथुइ खँ मिलय् मजुल।

यूहन्‍ना 9:16 ပူးပေါင်းရင်းမြစ်များ

मत्ती 12:10

अन ल्‍हाः गंम्‍ह छम्‍ह मनू दु। वय्‌कःयात दोष बीत अन च्‍वंपिन्‍सं थथे धकाः न्‍यन – “विश्रामबार खुन्‍हु सुयातं लाय्‌काबीगु ज्‍या याये ज्‍यू ला?”

मत्ती 12:2

इमिसं अथे याःगु खनाः फरिसीतय्‌सं वय्‌कःयात धाल – “स्‍व, छिमि चेलातय्‌सं विश्रामबार खुन्‍हु छु याये मज्‍यू धाःगु खः व हे यानाच्‍वन।”

लूका 13:14

अथे वय्‌कलं विश्रामबार खुन्‍हु हे ल्‍वय् लाय्‌कादिल धकाः धर्मशास्‍त्र स्‍यनीगु छेँयाम्‍ह कजी तसकं तंम्‍वय्‌कल। अले वं मनूतय्‌त धाल – “ज्‍या याये ज्‍यूगु दिं ला खुन्‍हु मछि द हे दु नि। सुयां ल्‍वय् लाय्‌के माःसा उबलय् वःसां ज्‍यूनि। विश्रामबार खुन्‍हु हे लाय्‌केमाः धयागु छु दु?”

यूहन्‍ना 10:19

थ्‍व न्‍यनाः यहूदीतय् नायःत थथः हे बाल।

यूहन्‍ना 14:11

जि बाःयाके, अले बाः जिके दी धकाः जिं धयागु खँय् विश्‍वास या। मखुसा जिं यानागु ज्‍या स्‍वयाः हे जितः विश्‍वास या।

यूहन्‍ना 15:24

सुनानं मयाःगु ज्‍या जिं इमिगु न्‍ह्यःने यानाः मक्‍यंगु जूसा इमित पाप लाइ मखुगु। तर इमिसं थ्‍व अजू चायापुगु ज्‍या स्‍वयाः नं जितः व जिमि बाःयात नं हेला यात।

यूहन्‍ना 2:11

वय्‌कलं गालील जिल्‍लाया काना शहरय् दकलय् न्‍हापांगु थ्‍व अजू चायापुगु ज्‍या यानाः थःगु महिमा क्‍यनादिल। थथे यानादीगुलिं चेलातय्‌सं वय्‌कःयात विश्‍वास यात।

यूहन्‍ना 3:2

छन्‍हु चान्‍हय् व येशूयाथाय् वयाः धाल – “गुरुजु, छि परमेश्‍वरं छ्वयाहयादीम्‍ह गुरु खः धकाः जिमिसं स्‍यू। परमेश्‍वर छिनाप दीगुलिं सुनानं याये मफुगु चिं छिं यानादी फु।”

यूहन्‍ना 5:10

अय्‌जूगुलिं यहूदीतय् नायःतय्‌सं व मनूयात धाल – “विश्रामबार खुन्‍हु लासा क्‍वबी मज्‍यू।”

यूहन्‍ना 5:36

तर यूहन्‍नां ब्‍यूगु साक्षी स्‍वयाः तःधंगु साक्षी जिके दु। बाःनं जितः पूवंकेत बियादीगु ज्‍या व जिं यानाच्‍वनागु ज्‍यां हे जितः बाःनं छ्वयाहयादीगु खः धकाः सी दु।

यूहन्‍ना 6:52

अले यहूदीतय् नायः थःथवय् थथे धकाः कचकच हाल – “थ्‍व मनुखं थःगु म्‍ह झीत गथे यानाः नकेत बी फइ?”

यूहन्‍ना 7:12

अले अन वय्‌कःयागु खँय् मनूतय् दथुइ भुनु भुनु खँ जुल। छखलःसिनं “वय्‌कः भिंम्‍ह मनू खः” धकाः धाःसा मेपिन्‍सं “मखु, व मनूतय्‌त स्‍यंका जुइम्‍ह खः” धकाः धाइगु।

यूहन्‍ना 7:23

छिकपिन्‍सं विश्रामबार नं मोशायागु व्‍यवस्‍था मानय् यायेगु धकाः म्‍हय् चिं तय्‌का जू धाःसा जिं छम्‍ह मनूयात विश्रामबार खुन्‍हु लाय्‌काबिल धकाः छिकपिन्‍स जि खनाः छाय् तंम्‍वयादी माःगु?

यूहन्‍ना 7:43

थुकथं वय्‌कःयागु खँय् ग्‍वाः ग्‍वाः मनूत बाल।

यूहन्‍ना 9:24

इमिसं व कांम्‍ह मनूयात सःताः हानं धाल – “परमेश्‍वरया न्‍ह्यःने छं खःगु खँ ल्‍हाय् धकाः पाफ। छन्‍त लय्‌कूम्‍ह मनू पापी खः धकाः जिमिसं स्‍यू।”

प्रेरित 14:4

अन शहरय् च्‍वंपिं मनूत निगू पुचः जुयाः बाया वन। छपुचः मनूतय्‌सं यहूदीतय्‌गु पँ लित, अले मेपिन्‍सं प्रेरिततय्‌गु पँ लित।