यूहन्‍ना 8:56 - नेवाः बाइबल

⁵⁶ जि वइगु ई स्‍वयेत छिकपिनि तापाःबाज्‍या अब्राहामं तसकं इच्‍छा याःगु खः, अले खनाः तसकं लय्‌ताल।”

यूहन्‍ना 8:56 ပူးပေါင်းရင်းမြစ်များ

उत्‍पत्ति 22:18

छं जिं धाःथें याःगुलिं छिमि सन्‍तानपाखें संसारय् च्‍वंपिं फुक्‍कसिनं आशिष कायेखनि।”

मत्ती 13:17

जिं छिमित धात्‍थें धाये – तःम्‍ह हे अगमवक्तातय्‌सं व धर्मी मनूतय्‌सं छिमिसं खंगु खँ तसकं स्‍वये मास्‍तिवय्‌कूगु खः, अय्‌नं इमिसं स्‍वये मखन। अथे हे छिमिसं न्‍यंगु खँ इमिसं तसकं न्‍यने मास्‍तिवय्‌कूगु खः, अय्‌नं इमिसं न्‍यने मखन।

लूका 10:24

छाय्‌धाःसा जिं छिमित धाये – छिमिसं खंगु थ्‍व खँ यक्‍व अगमवक्तातय्‌सं व जुजुपिन्‍सं स्‍वयेमास्‍ति वय्‌काच्‍वंगु दु, अय्‌नं इमिसं स्‍वये मखं। छिमिसं न्‍यंगु खँ नं इमिसं न्‍यने मास्‍ति वय्‌काच्‍वंगु खः, अय्‌नं न्‍यने मखं।”

यूहन्‍ना 10:25

वय्‌कलं लिसः बियादिल – “जिं छिकपिन्‍त धया नं छिकपिन्‍सं विश्‍वास यानामदी। जिमि बाःयागु नामं जिं यानाच्‍वनागु अजू चायापुगु ज्‍यां हे जिगु साक्षी बी।

यूहन्‍ना 8:37

छिकपिं अब्राहामया सन्‍तान खः धकाः जिं स्‍यू। अय्‌नं जिं धयागु खँ छिकपिनिगु मनय् दुहां मवंगुलिं छिकपिन्‍सं जितः स्‍यायेत स्‍वःगु खः।

यूहन्‍ना 8:39

इमिसं वय्‌कःयात लिसः बिल – “अब्राहाम जिमि तापाःबाज्‍या खः।” अले वय्‌कलं धयादिल – “छिकपिं अब्राहामया सन्‍तान खः धयागु जूसा अब्राहामं यानाः वं थें छिकपिन्‍सं नं यानादी माःगु खः।

हिब्रू 11:13

इपिं फुक्‍कं विश्‍वास जक यानाः परमेश्‍वरं बी धकाः धयादीगु काये मखंकं सिनावन। अथेसां परमेश्‍वरं बी धकाः धयादीगु खँय् इमिसं विश्‍वास याः। इमिसं थःपिन्‍त पृथ्‍वीया लँजुवाःत जक ताय्‌कल।

हिब्रू 11:39

विश्‍वासं यानाः हे इमिसं थथे सह याये फुगु खः। अय्‌नं इमिसं परमेश्‍वरं बी धकाः धयादीगु काये मखं।