यूहन्‍ना 8:54 - नेवाः बाइबल

⁵⁴ वय्‌कलं लिसः बियादिल – “जि थथःम्‍हं तःधं जुयागु जूसा जि तःधंम्‍ह मखु। तर छिकपिन्‍सं जिमि बाः धकाः धाःम्‍ह परमेश्‍वर जिमि बाःनं हे जितः तःधं यानादीगु खः।

यूहन्‍ना 8:54 ပူးပေါင်းရင်းမြစ်များ

हितोपदेश 25:27

कस्‍ति अप्‍वः नयेगु बांमलाः। अथे हे थःत अप्‍वः तःधंकेगु नं बांमलाः।

यशैया 66:5

छिपिं मध्‍ये सुनां परमप्रभुया वचनया भय काइ, वय्‌कःया वचन न्‍यँ, “छिकपिनि थः मनूत, सुनां छिमित यय्‌की मखु, सुनां छिमित जिगु नांया निंतिं हेला याइ, इमिसं छिमित थथे धाइ, ‘परमप्रभुया महिमा जुइमा, अले जिमिसं छिमिगु आनन्‍द स्‍वये।’ अय्‌नं इपिं लाजय् लाइ।

होशे 1:9

परमप्रभुं होशेयात धयादिल, “वयागु नां लो-अम्‍मी ति, छाय्‌धाःसा इस्राएली मनूत जिगु प्रजा मखु अले जि इमि परमेश्‍वर मखु।”

यूहन्‍ना 17:1

थुलि धयादी धुंकाः येशूं स्‍वर्गय् थस्‍वयाः धयादिल – “बाः, ई वये धुंकल, छि काय्‌यात तःधंकादिसँ, अले काय्‌नं नं छितः तःधंकी।

यूहन्‍ना 17:5

बाः, गथे संसार दये न्‍ह्यः छिलिसे दुबलय् छिं जितः तःधंकादिल, आः नं अथे हे तःधंकादिसँ।”

यूहन्‍ना 2:11

वय्‌कलं गालील जिल्‍लाया काना शहरय् दकलय् न्‍हापांगु थ्‍व अजू चायापुगु ज्‍या यानाः थःगु महिमा क्‍यनादिल। थथे यानादीगुलिं चेलातय्‌सं वय्‌कःयात विश्‍वास यात।

यूहन्‍ना 5:41

“मनूतय्‌सं तःधंकूगु जितः मयः।

यूहन्‍ना 7:18

थःगु हे जक खँ ल्‍हाइम्‍ह मनू थः हे जक तःधं जुइत स्‍वइ। बरु थःत छ्वया हःम्‍हय्‌सित तःधंकेत स्‍वइम्‍ह मनू हे सत्‍यम्‍ह खः। अले वयाके मभिंगु छुं हे दइ मखु।

यूहन्‍ना 7:39

वय्‌कलं पवित्र आत्‍मायागु खँ धयादीगु खः। वय्‌कःयात विश्‍वास याःपिन्‍त आत्‍मा बियादी। वय्‌कलं आः तक सीम्‍ह म्‍वाका मदीनि सुयातं आत्‍मा बियादीगु मदुनि।

यूहन्‍ना 8:41

छिकपिनि बाःनं छु यात छिकपिन्‍सं नं व हे यानादी।” इमिसं धाल – “जिपिं व्‍यभिचारं बूपिं मखु, जिमि छम्‍ह हे अबु दु, वय्‌कः खः परमेश्‍वर।”

यूहन्‍ना 8:50

जि थथःम्‍हं तुं तःधं मजुया, तर जितः तःधंकेत स्‍वया च्‍वंम्‍ह ला छम्‍ह हे दु। अले वय्‌कलं हे थ्‍व खँ क्‍वःछिनादी।

प्रेरित 3:13

झी तापाःबाज्‍यापिं अब्राहाम, इसहाक व याकूबया परमेश्‍वरं वय्‌कःया सेवक येशूयात तःधंकादिल। न्‍हापा थ्‍व हे येशूयात छिकपिन्‍सं ज्‍वंकल। अले पिलातसं त्‍वःतेत्‍यंबलय् त्‍वःतके मब्‍यूसे स्‍याये यंकि धकाः धाल।

२ कोरिन्‍थी 10:18

प्रभुं तःधं धाःम्‍ह मनू जक तःधंम्‍ह जुइ, थःत थःम्‍हं तःधं धकाः धया जुइवं व तःधं जुइ मखु।

१ पत्रुस 1:12

अले परमेश्‍वरं व अगमवक्तातय्‌त थ्‍व खँ इमिगु निंतिं जुइ मखु, लिपा छिमिगु निंतिं जुइ धकाः धयादिल। स्‍वर्गं छ्वयाहःगु पवित्र आत्‍मापाखें भिंगु खँ न्‍यंकीपिन्‍सं छिमित आः न्‍यंकाच्‍वंगु खँयात स्‍वर्गदूततय्‌सं आः तकं थुइकेत स्‍वयाच्‍वंगु दु।

१ पत्रुस 1:21

वय्‌कलं यानाः हे छिमिसं परमेश्‍वरयाके भरोसा तये फत। स्‍याये धुंकूम्‍हय्‌सित परमेश्‍वरं म्‍वाकाः तःधंकादिल। थथे यानादीगुलिं हे छिमिगु विश्‍वास व आशा परमेश्‍वरयाके दयाच्‍वंगु खः।

२ पत्रुस 1:17

दकलय् तःधंम्‍ह परमेश्‍वर बाःनं येशूयात तःधंकाः थथे खँ ल्‍हानादीगु जिमिसं हे न्‍यनागु खः – “थ्‍व जि यःम्‍ह काय् खः। थ्‍व खनाः जि तसकं लय्‌ता।”