यूहन्‍ना 8:51 - नेवाः बाइबल

⁵¹ जिं छिकपिन्‍त खःगु खँ धाये – जिगु वचन मानय् याइम्‍ह मनू गुबलें हे सी मखु।”

यूहन्‍ना 8:51 ပူးပေါင်းရင်းမြစ်များ

भजनसंग्रहया सफू 89:48

सु मनू न्‍ह्याबलें म्‍वानाच्‍वनी? सुनां थःत कालया शक्तिपाखें बचय् याये फइ? सेला

मत्ती 16:28

जिं छिमित खःगु खँ धाये – थन दनाच्‍वंपिं मध्‍ये गुलिखय्‌ मनूत मनूया काय् जुजु जुयाः थःगु राज्‍यय् वःगु मखंतले ला सी तकं मखुनि।”

लूका 2:26

अय्‌जूगुलिं परमेश्‍वरं बी धकाः धयातःम्‍ह मुक्ति बीम्‍ह ख्रीष्‍ट झाया मदितले छ सी मखुनि धकाः पवित्र आत्‍मां वयात धयातःगु दु।

यूहन्‍ना 14:23

वय्‌कलं लिसः बियादिल – “जितः माया याइम्‍हय्‌सिनं जिगु वचन नं मानय् याइ। अले बाःनं नं वयात माया यानादी। अले जिपिं वयाथाय् वये अले व नाप हे च्‍वने।

यूहन्‍ना 15:20

‘मालिक स्‍वयाः दास तःधं जुइ मखु’ धकाः जिं नकतिनि धयागु खँ लुमंकी। जितः हेला यानाः इमिसं दुःख बिल धाःसा छिमित नं दुःख बी। जिगु खँ इमिसं न्‍यन धाःसा छिमिगु खँ नं इमिसं न्‍यनी।

यूहन्‍ना 17:6

“छिं जितः बियादीपिं संसारय् च्‍वंपिं मनूतय्‌त छिगु नां जिं म्‍हसीका बिया। इपिं छिकपिनि हे मनूत खः, अले इपिं छिं जितः बियादिल। इमिसं नं छिगु वचन मानय् यानाच्‍वंगु दु।

यूहन्‍ना 5:24

“जिं छिमित खःगु खँ धाये – जिगु खँ न्‍यनाः जितः छ्वया हःम्‍हय्‌सित सुनां विश्‍वास याइ, वयात अनन्‍त जीवन दइ। थज्‍याःम्‍ह मनूयागु न्‍याय जुइ मखु, बरु सीम्‍वाय्‌क अनन्‍त जीवन दये धुंकी।”

यूहन्‍ना 6:50

तर स्‍वर्गं क्‍वहां वःगु थ्‍व मरि नःपिं सुं नं सी मखु।

यूहन्‍ना 8:12

येशूं हानं मनूतय्‌त धयादिल – “जि संसारया जः खः। जि नाप जुइम्‍ह मनू खिउँथाय् जुइ माली मखु, बरु वयात जीवनया जः दइ।”

यूहन्‍ना 8:52

इमिसं धाल – “आः ला जिमिसं बांलाक हे सिल, छंके भूत दुबिनाच्‍वंगु हे दु। अब्राहाम व अगमवक्तात ला सिनावन धाःसा छं गथे यानाः छंगु वचन मानय् याइपिं मनूत गुबलें हे सी मखु धकाः धाये फुगु?

यूहन्‍ना 8:55

वय्‌कःयात छिकपिन्‍सं म्‍हमस्‍यूनि, जिं धाःसा म्‍हस्‍यू। जिं वय्‌कःयात म्‍हमस्‍यू धकाः धाल धाःसा जि नं छिकपिं थें तुं मखुगु खँ ल्‍हाइम्‍ह जुइ। जिं वय्‌कःयात म्‍हस्‍यूगुलिं वय्‌कःयागु वचन मानय् यानाच्‍वना।

हिब्रू 11:5

विश्‍वासं हे हनोकयात मसीकं स्‍वर्गय् थत यंकल। परमेश्‍वरं हे थत यंकादीगुलिं वयात सुनानं लुइके मफुत। वयात थत यंके न्‍ह्यः वं परमेश्‍वरयात लय्‌ताय्‌कूगु खः।

हिब्रू 2:9

अथेसां झीसं वय्‌कःयात थुकथं हे खनाच्‍वना, गुम्‍हय्‌सित छुं ईया लागि स्‍वर्गदूतत स्‍वयाः भचा चिधं यानादीगु खः। अले परमेश्‍वरयागु दया मायां यानाः वय्‌कः फुक्‍क मनूतय्‌गु निंतिं सिनादिल। थथे सिनादीगुलिं वय्‌कःयात तःधंकाः च्‍वय् तयादिल।