यूहन्‍ना 8:36 - नेवाः बाइबल

³⁶ अय्‌जूगुलिं परमेश्‍वरया काय्‌नं स्‍वतन्‍त्र याना ब्‍यूसा छिकपिं धात्‍थें स्‍वतन्‍त्र जुइ।

यूहन्‍ना 8:36 ပူးပေါင်းရင်းမြစ်များ

भजनसंग्रहया सफू 119:133

छिं थःगु बचंकथं जिगु पलाः बल्‍लाकादिसँ। छुं नं पापयात जितः शासन याकेबियादी मते।

भजनसंग्रहया सफू 119:32

जि छिगु आज्ञाया लँपुइ ब्‍वाँय् वने, छाय्‌धाःसा छिं जिगु नुगःयात स्‍वतन्‍त्र यानादीगु दु।

भजनसंग्रहया सफू 19:13

चायेक चायेकं जुइगु पापपाखें नं जि दासयात तापाक तयादिसँ। थुमित जितः त्‍याके बियादी मते अले जि छुं दोष मदुम्‍ह जुइ। अले जि तःधंगु पापं मुक्त जुइ।

यशैया 61:1

मगाःमचाःपिन्‍त भिंगु खँ न्‍यंकेत परमप्रभुं जितः ल्‍ययादीगुलिं परमप्रभु परमेश्‍वरया आत्‍मा जिके दु। नुगः क्‍वतुंवंपिन्‍त लाय्‌काबीत, चिना तःपिन्‍त त्‍वःताबीत व कुनातःपिन्‍त छुत्‍काराया घोषणा यायेत वय्‌कलं जितः छ्वयाहयादीगु खः।

लूका 4:18

“मगाःमचाःपिन्‍त भिंगु खँ न्‍यंकेत परमप्रभुं जितः ल्‍ययादीगुलिं परमप्रभुयागु आत्‍मा जिके च्‍वनादीगु दु। परमप्रभुं चिना तःपिन्‍त त्‍वःताबीत, कांपिन्‍त मिखां खंका बीत, अले न्‍हुत्तुन्‍हुया तःपिन्‍त थना बीत,

रोमी 8:2

आः ला झीत येशू ख्रीष्‍टपाखें न्‍हूगु जीवन बियादीम्‍ह परमेश्‍वरया आत्‍मां पाप व मृत्‍युयागु व्‍यवस्‍थां मुक्त यानादीगु दु।

१ कोरिन्‍थी 7:22

दास जुयाच्‍वंपिन्‍त प्रभुं सःतादीगु खःसा थुपिं दास थें मजुसे प्रभुया मनूत जुइ, अथे हे दासमखुपिं मनूतय्‌त प्रभुं सःतादीगु खःसा थुपिं प्रभुया दास जुइ।

२ कोरिन्‍थी 3:17

प्रभु आत्‍मा खः। गन प्रभुयागु आत्‍मा दइ अन वय्‌कलं स्‍वतन्‍त्रता बियादी।

गलाती 5:1

छुत्‍काराया निंतिं ख्रीष्‍ट येशूं झीत छुत्‍कारा बियादी धुंकल। उकिं आः छिपिं साहस कयाः दँ। हाकनं दासत्‍वय् मलायेमा।