यूहन्‍ना 8:24 - नेवाः बाइबल

²⁴ छिकपिं पापय् लानाः सी माली धकाः जिं छिकपिन्‍त धायेधुन। जि व हे खः धकाः छिकपिन्‍सं विश्‍वास मयाःसा छिकपिं पापय् लानाः सी।”

यूहन्‍ना 8:24 ပူးပေါင်းရင်းမြစ်များ

प्रस्‍थान 3:14

परमेश्‍वरं मोशायात धयादिल, “जि सु खः व हे खः। वय्‌कलं हाकनं धयादिल, छं इस्राएलीतय्‌त थथे धा, ‘जि खः धाःम्‍हय्‌सिनं जितः छिमिथाय् छ्वयाहःगु खः।’”

हितोपदेश 8:36

सुनां जितः मालेत स्‍वइ मखु, वं थःत थःम्‍हं हे स्‍यंकी। सुनां जितः घृणा याइ, वं मृत्‍युयात यय्‌की।”

मत्ती 24:5

छाय्‌धाःसा यक्‍व हे मनूतय्‌सं वयाः – ‘जि मुक्ति बीम्‍ह ख्रीष्‍ट खः’ धकाः छिमिगु मिखाय् धुलं छ्वाकेत स्‍वइ।

मर्कूस 13:6

छाय्‌धाःसा यक्‍व हे मनूतय्‌सं वयाः – ‘जि मुक्ति बीम्‍ह ख्रीष्‍ट खः’ धकाः छिमिगु मिखाय् धुलं छ्वाकेत स्‍वइ।

मर्कूस 16:16

विश्‍वास यानाः बप्‍तिस्‍मा काःम्‍ह बचय् जुइ, विश्‍वास मयाःपिं दोषी ठहरय् जुइ।

लूका 21:8

वय्‌कलं धयादिल – “होश‍ यानाच्‍वँ, सुनानं छिमिगु मिखाय् धुलं छ्वाके मफयेमा, छाय्‌धाःसा यक्‍व हे मनूतय्‌सं जिगु नामय् वयाः – ‘जि व हे खः’ अले ‘ई न्‍ह्यःने थ्‍यंकः वये धुंकल’ धकाः धाइ। अय्‌नं छिपिं इपिं नाप वने मते।

यूहन्‍ना 13:19

जुइ न्‍ह्यः हे जिं थथे जुइ धकाः धयागुलिं थथे जुल धाय्‌वं जि व हे खः धकाः छिमिसं विश्‍वास याइ।

यूहन्‍ना 3:18

“वय्‌कःयात विश्‍वास याःपिं मनूतय्‌गु न्‍याय जुइ मखु, परमेश्‍वरया याकः काय्‌यात विश्‍वास मयाःपिं मनूतय्‌गु धाःसा न्‍याय जुइ हे धुंकल।

यूहन्‍ना 3:36

वय्‌कःया काय्‌यात विश्‍वास याइम्‍हय्‌सिके अनन्‍त जीवन दु। काय्‌नं धाःगु मानय् मजूम्‍हय्‌सिनं थज्‍याःगु जीवन कायेखनी मखु, थज्‍याःम्‍हय्‌सित परमेश्‍वरं तं दिकादी।”

यूहन्‍ना 4:26

वय्‌कलं धयादिल – “छनापं नवाना च्‍वनाम्‍ह जि, व हे खः।”

यूहन्‍ना 8:21

वय्‌कलं इमित हानं धयादिल – “जि वनाछ्वये, अले छिकपिन्‍सं जितः माः जुइ, अय्‌नं छिकपिं पापय् लानाः सी। जि गन वनेगु खः, अन छिकपिं झाये फइ मखु।”

यूहन्‍ना 8:25

इमिसं वय्‌कःयात धाल – “छ सु खः लय्?” वय्‌कलं लिसः बियादिल – “जि व हे खः धकाः जिं छिकपिन्‍त न्‍हापांनिसें हे धयावयाच्‍वनागु दु।

यूहन्‍ना 8:28

उकिं वय्‌कलं थथे धयादिल – “गुबलय् छिमिसं मनूया काय्‌यात यख्‍खाइ, अबलय् तिनि छिमिसं जि सु खः धकाः सी। जिं थःयसें छुं नं मयाना, बरु बाःनं गुकथं स्‍यनादिल उकथं हे नवाना वन धकाः नं छिमिसं थुइ।

यूहन्‍ना 8:58

वय्‌कलं इमित लिसः बियादिल – “जिं छिकपिन्‍त खःगु खँ धाये – अब्राहाम स्‍वयाः न्‍हापांनिसें हे जि दु।”

प्रेरित 4:12

“अय्‌जूगुलिं येशूयागु नामं जक मुक्ति दइ, मेपिनिगु नामं मुक्ति दइ मखु। सारा संसारय् झीत बचय् याये फुम्‍ह मेम्‍हय्‌सिगु नां परमेश्‍वरं बियादीगु मदु।”

हिब्रू 12:25

होश या, छिपिंलिसे नवानादीम्‍हय्‌सिगु खँ मन्‍यंसे च्‍वने मते। थ्‍व संसारय् च्‍वनाः परमेश्‍वरयागु खँ न्‍यंकीम्‍हय्‌सिगु खँ मन्‍यंपिन्‍त ला मल्‍यंकू धासेंलि स्‍वर्गं हे नवानादीम्‍हपाखे फस्‍वया जुइपिन्‍त जक ल्‍यंकी ला?

हिब्रू 2:3

थपाय् मछिधंगु मुक्तियात झीसं च्‍यूताः मतल धाःसा झीत सजाँय बियामदी ला? प्रभु थःम्‍हय्‌सिनं हे दकलय् न्‍हापालाक थ्‍व मुक्तियागु खँ न्‍यंकादिल। न्‍यंपिन्‍सं थ्‍व खँ सत्‍य खः धकाः झीत क्‍यनाबिल।