यूहन्‍ना 8:14 - नेवाः बाइबल

¹⁴ वय्‌कलं इमित लिसः बियादिल – “जिं जिगु हे खँय् साक्षी बियाच्‍वना सां जिगु साक्षी सत्‍य खः, छाय्‌धाःसा जि गनं वयाम्‍ह खः, अले गन वने त्‍यनाम्‍ह खः धकाः जिं स्‍यू, अय्‌नं छिकपिन्‍सं धाःसा जि गनं वइ, अले गन वनी धकाः सी मखु।

यूहन्‍ना 8:14 ပူးပေါင်းရင်းမြစ်များ

हितोपदेश 8:7

जिं न्‍ह्याबलें सत्‍य जक नवाना। जितः मखुगु खँ ल्‍हाये मयः।

गन्‍ती 12:3

मोशा क्‍वमिलुम्‍ह मनू खः, व थें क्‍वमिलुम्‍ह मनू पृथ्‍वीइ सुं हे मदु।

यूहन्‍ना 10:15

गथे बाःनं जितः म्‍हस्‍यू, अथे हे जिं नं बाःयात म्‍हस्‍यू। अले फैतय्‌गु निंतिं जि थः हे तुं सिना बी।

यूहन्‍ना 10:36

बाःनं ल्‍ययाः थःम्‍ह हे यानाः संसारय् छ्वया हयादीम्‍हय्‌सित परमेश्‍वरयात क्‍वह्यंकल धकाः छिकपिन्‍सं धयादीया ला, छाय्‌धाःसा जिं ‘जि परमेश्‍वरया काय् खः’ धकाः धया?

यूहन्‍ना 13:3

बाःनं फुक्‍कं वय्‌कःयागु ल्‍हातय् बियादीगु दु, अले वय्‌कः परमेश्‍वरयाथासं झाःगु खः, अले परमेश्‍वरयाथाय् तुं वने त्‍यइन धकाः वय्‌कलं स्‍यू।

यूहन्‍ना 14:10

जि बाःयाके, अले बाः जिके दी धकाः छं विश्‍वास मयाना ला? जिं छिमित गुलि नं धया, व जिगुपाखें हे धयागु मखु, बरु जिके दीम्‍ह बाःनं हे थःगु ज्‍या यानादी।

यूहन्‍ना 16:28

बाःया थासं जि थ्‍व संसारय् वयागु खः। आः थ्‍व संसारयात त्‍वःताः जि हानं बाःयाथाय् तुं लिहां वनेत्‍यना।”

यूहन्‍ना 17:8

छिं जितः बियादीगु खँ जिं इमित बी धुन। अले इमिसं नं ग्रहण यात। जि छिथासं वयागु खः धकाः इमिसं बांलाक सीके धुंकल, अले छिं जितः छ्वयाहयादीगु खः धकाः नं इमिसं विश्‍वास यानाच्‍वंगु दु।

यूहन्‍ना 18:37

पिलातसं वय्‌कःयात धाल – “अय्‌सा छ जुजु हे खः ला?” वय्‌कलं धयादिल – “जि जुजु खः धकाः ला छिं हे धयादिल। थुकियागु निंतिं हे जि बूगु खः, अले सत्‍य म्‍हसीका बीत जि संसारय् वयागु खः। सत्‍ययात म्‍हस्‍यूपिं फुक्‍कसिनं जिगु खँ न्‍यनी।”

यूहन्‍ना 5:31

“जिं तुं जिगु साक्षी ब्‍यूसा जिगु साक्षी सत्‍य जुइ मखु।

यूहन्‍ना 8:42

वय्‌कलं धयादिल – “परमेश्‍वर छिकपिनि बाः खः धयागु जूसा छिकपिन्‍सं जितः माया यानादी माःगु खः, छाय्‌धाःसा जितः वय्‌कलं छ्वया हयादीगुलिं जि वयाच्‍वनागु खः। जि थःगु हे इच्‍छां वयागु मखु, बरु वय्‌कलं हे जितः छ्वयाहयादीगु खः।

२ कोरिन्‍थी 11:31

जिं थथे धयाच्‍वनागु खँ मखुगु मखु धकाः सदां तःधंके बहःम्‍ह परमेश्‍वर प्रभु येशूया बाः नं स्‍यू।

२ कोरिन्‍थी 12:11

छिमिसं यानाः मूर्खम्‍ह मनुखं थें जिं छिमित थथे धया च्‍वनेमाली। धायेमाल धाःसा छिमिगुपाखें जि तःधने माःगु खः। जि छुं मखुसां छिमिसं जितः हनेमाःगु खः। तःधं धाःपिं प्रेरितत स्‍वयाः जि कम मजू।

२ कोरिन्‍थी 12:19

जिमिसं थःपिं बचय् जुइत थथे धयाच्‍वंगु धकाः छिमिसं मतिइ तल जुइ। यःपिं, अथे मखु, छिमित हे भिंकेत जिमिसं थथे धयाच्‍वनागु खः धकाः परमेश्‍वर व ख्रीष्‍टं स्‍यू।

प्रकाश 1:5

अथे हे तुं साक्षी बियादीगु विश्‍वास याये बहःम्‍ह, सिनाः दकलय् न्‍हापां म्‍वानावःम्‍ह, अले संसारय् च्‍वंपिं जुजुतय् जुजु येशू ख्रीष्‍टपाखें नं छिमित दया माया व शान्‍ति दयेमा। झीत माया यानादीम्‍ह नं वय्‌कः हे जूगुलिं थःगु हिं झीत झीगु पापं छुतय् यानादीम्‍ह नं वय्‌कः हे खः।

प्रकाश 3:14

“लाउडिकियाय् च्‍वंगु मण्‍डलीयाम्‍ह दूतयात थथे धकाः च्‍वया छ्व – परमेश्‍वरया दक्‍व सृष्‍टिया शासक, आमेन धाःम्‍ह, विश्‍वास याये बहःम्‍ह, खःगु खःगु जक साक्षी बीम्‍हय्‌सिनं धयादी।