यूहन्‍ना 8:11 - नेवाः बाइबल

¹¹ अले व मिसां धाल – “सुनानं मब्‍यू, प्रभु।” अले वय्‌कलं धयादिल – “अय्‌सा जिं नं छन्‍त सजाँय बी मखु, आः छ हुँ, हानं पाप याये मते।”]

यूहन्‍ना 8:11 ပူးပေါင်းရင်းမြစ်များ

अय्‍यूब 34:31

“धाये कि सुं मनुखं परमेश्‍वरयात थथे धाल, ‘जि दोषी खः, जिं आवंलि मभिंगु ज्‍या याये मखु।

हितोपदेश 28:13

थःगु पापया पश्‍चाताप मयात कि छ गुबलें थाहां वये फइ मखु। छं थःगु पापया पश्‍चाताप यानाः त्‍वःतल धाःसा परमेश्‍वरयागु दया माया छन्‍त दइ।

यशैया 55:6

गुबलय् तक परमप्रभुयात माले फु वय्‌कःयात मालेगु या। वय्‌कः लिक्‍क दुबलय् हे छिमिसं वय्‌कःयात सःति।

लूका 13:3

जिं छिकपिन्‍त धाये – अथे मखु, छिकपिन्‍सं पश्‍चाताप मयाःसा छिकपिं नं इपिं थें सी माली।

लूका 13:5

जिं छिकपिन्‍त धाये – अथे मखु, छिकपिन्‍सं पश्‍चाताप मयाःसा छिकपिं नं इपिं थें सी माली।”

लूका 15:10

जिं छिकपिन्‍त धाये – अथे हे परमेश्‍वरयापिं स्‍वर्गदूतत नं पश्‍चाताप याःम्‍ह छम्‍ह पापी खनाः लय्‌लय्‌ताइ।”

लूका 15:32

थौं ला भ्‍वय् न्‍याय्‌काः लय्‌ताय् माःगु दिं खः, छाय्‌धाःसा छं किजा सी धुंकूम्‍ह हानं म्‍वानावल, तने धुंकूम्‍ह हानं लुल।’”

लूका 15:7

जिं छिकपिन्‍त धाये – थुकथं हे पश्‍चाताप याःम्‍ह छम्‍ह पापी मनू खनाः परमेश्‍वर लय्‌तायादी। तर छिकपिं थें ज्‍याःपिं गुइगुम्‍ह ‘जिपिं धर्मीपिं खः’ धकाः धाइपिं मनूत खनाः परमेश्‍वर लय्‌तायादी मखु।”

लूका 5:32

उकिं ‘जिं धर्मी’ धकाः धया जुइपिन्‍त मखु, बरु पापीतय्‌त पश्‍चाताप याकेत सःतः वयागु खः।”

लूका 9:56

अले वय्‌कःपिं मेगु हे गामय् झाल।

यूहन्‍ना 18:36

वय्‌कलं लिसः बियादिल – “जिगु राज्‍य थ्‍व संसारयागु थें मखु। जिगु राज्‍य थ्‍व संसारयागु थें खःसा जिमि चेलातय्‌सं ल्‍वानाः जितः यहूदीतय् नायःतय्‌गु ल्‍हातं बचय् याइगु खः। जिगु राज्‍य थनयागु थें मखु।”

यूहन्‍ना 3:17

परमेश्‍वरं संसारयात न्‍याय यायेत थःकाय्‌यात छ्वयाहयादीगु मखु, बरु वय्‌कःयापाखें संसार बचय् जुइमा धकाः खः।

यूहन्‍ना 5:14

लिपा येशूं वयात देगलय् नाप लानाः धयादिल – “स्‍व, छंगु ल्‍वय् लाये धुंकल। आवंनिसें पाप याये मते, अले छन्‍त छुं नं जुइ मखु।”

यूहन्‍ना 8:15

छिकपिन्‍सं मनू स्‍वयाः न्‍याय यानादी, तर जिं सुयागुं न्‍याय मयाना।

रोमी 2:4

परमेश्‍वरया दया मायां छिमिसं पश्‍चाताप याकी धकाः थुइके मफया, छु छिमिसं वय्‌कःया दया, सह यायेगु शक्ति व पिया च्‍वनादी फुम्‍हय्‌सित हे हेपय् याये ज्‍यू ला?

१ कोरिन्‍थी 5:12

हानं पिनेयापिं मनूतय्‌गु न्‍याय यायेगु जिगु ज्‍या मखु। इमित ला परमेश्‍वरं न्‍याय यानादी। तर मण्‍डलीइ दुने च्‍वंपिनिगु न्‍याय याये हे माः, मखु ला? धर्मशास्‍त्रय् नं थथे च्‍वयातःगु दु – “मभिंम्‍ह मनूयात छिमिगु पुचलं पितिनाछ्व।”

व्‍यवस्‍था 16:18

परमप्रभु छिमि परमेश्‍वरं बियादीगु छिमिगु फुक्‍क शहरय् थथःगु कुलकथं न्‍याय याइपिं व मेपिं हाकिमत ल्‍य। इमिसं मनूतय्‌गु न्‍याय खःकथं यायेमाः।

व्‍यवस्‍था 17:9

लेवी पुजाहारीतय्‌थाय् व उबलय्‌याम्‍ह न्‍यायकर्तायाथाय् वनाः न्‍यनेकने या अले वं क्‍वःछिनाबी।

२ पत्रुस 3:15

थौं तक झाया मदिसे प्रभु पियाच्‍वनादीगु पापी मनूत बचय् जुइमा धकाः खः। झी यःम्‍ह किजा पावलं नं परमेश्‍वरपाखें बुद्धि कयाः थ्‍व हे खँ च्‍वयातःगु खः।