यूहन्‍ना 7:42 - नेवाः बाइबल

⁴² मुक्ति बीम्‍ह ख्रीष्‍ट जुजु दाऊदया सन्‍तान जुइ, अले जुजु दाऊदयागु गां बेथलेहेमं वइ धकाः धर्मशास्‍त्रय् च्‍वयातःगु मस्‍यू ला?”

यूहन्‍ना 7:42 ပူးပေါင်းရင်းမြစ်များ

१ इतिहास 2:51

बेथलेहेम पलिस्‍था याःम्‍ह सल्‍मा व बेथ-गादेर पलिस्‍था याःम्‍ह हारेप खः।

भजनसंग्रहया सफू 132:11

परमप्रभुं दाऊदलिसें पाफयादिल, वय्‌कलं पाफयादीगु गुबलें लित कयादी मखु, “जिं छंगु सिंहासनय् छिमि सन्‍तान मध्‍ये छम्‍हय्‌सित तये।

भजनसंग्रहया सफू 89:4

‘छिमि छम्‍ह सन्‍तान न्‍ह्याबलें जुजु जुयाच्‍वनी, छंगु सिंहासनयात पुस्‍तां पुस्‍ता तक तये।’” सेला

यशैया 11:1

यिशैया परिवारया थुथां छपु चुलि ह्वइ, अले उकिया हां पिहां वःगु न्‍हूगु कचां फल सय्‌की।

यर्मिया 23:5

“स्‍व, थज्‍याःगु दिं वयाच्‍वंगु दु, गबले जिं दाऊदया वंशपाखें छगू धर्मी कचायात पिकाय्। वं जुजु जुयाः बुद्धिं शासन याइ। वं देशय् न्‍याय व पाय्‌छिगु ज्‍या याइ।

मीका 5:2

“तर, हे बेथलेहेम एप्राता, छ यहूदाया कुलत मध्‍ये दकलय् चिधंगु जूसां जिगु लागिं छंकेनं छम्‍ह मिजं पिहां वइ गुम्‍हय्‌सिनं इस्राएलयात शासन याइ, गुम्‍हय्‌सिगु शुरु पुलांगु इलंनिसें हे, अर्थात दकलय् न्‍हापाया इलंनिसें हे दु।”

मत्ती 1:1

अब्राहाम व दाऊदया सन्‍तान येशू ख्रीष्‍टया पुर्खा थथे दु –

मत्ती 2:5

अले इमिसं थथे धकाः लिसः बिल – “यहूदियायागु बेथलेहेमय् दु, छाय्‌धाःसा थ्‍व खँ छम्‍ह अगमवक्तां नं थथे च्‍वया थकूगु दु –

मत्ती 2:6

“‘हे यहूदियाया बेथलेहेम, छ यहूदियाया जुजुपिनिगु न्‍ह्यःने छुं कथं नं चिधं मजू, छाय्‌धाःसा छंगुपाखें छम्‍ह तःधंम्‍ह जुजु पिहां वइतिनि। व जिमि मनू इस्राएलीतय् जवाः जुइतिनि।’”

लूका 2:11

जुजु दाऊद बूगु गामय् छिमि छम्‍ह मुक्तिदाता नकतिनि हे बूगु दु। वय्‌कः हे ख्रीष्‍ट प्रभु खः।

लूका 2:4

योसेफ जुजु दाऊदया सन्‍तान जूगुलिं नासरत शहरं जुजु दाऊद बूगु बेथलेहेम गामय् वन।

यूहन्‍ना 7:27

थ्‍व मनू गनं वःम्‍ह धकाः झीसं स्‍यू। मुक्ति बीम्‍ह ख्रीष्‍ट झाइबलय् ला वय्‌कः गनं झाःम्‍ह धकाः सुनानं सी मखु।”

१ शमूएल 16:1

परमप्रभुं शमूएलयात धयादिल, “छ ग्‍वःन्‍हु तक शाऊलया निंतिं दुखं च्‍वनेगु? जिं वयात इस्राएलया जुजुया थासं लिकाये धुनागु दु। अथे जुयाः छंके दुगु नेकुलिइ जैतूनया भतिचा चिकं तयाः ज्‍वनाः हुँ। जिं छन्‍त बेथलेहेमय् यिशैयाथाय् छ्वयेत्‍यनागु दु। छाय्‌धाःसा जिं वया काय्‌पिं मध्‍ये छम्‍हय्‌सित जुजु ल्‍ययागु दु।”

१ शमूएल 16:18

वया च्‍यःत मध्‍ये छम्‍हय्‌सिनं धाल, “बेथलेहेमय् च्‍वंम्‍ह यिशैया काय्‌पिं मध्‍ये छम्‍हय्‌सिनं वीणा थाःगु जिं खनागु दु। व साहसी व वीर मनू खः। व खँ ल्‍हाये सःम्‍ह व स्‍वइबलय् बांलाःम्‍ह खः अले परमप्रभु नं वनापं दी।”

१ शमूएल 16:4

अनंलि शमूएलं परमप्रभुं धयादीकथं यात। अले व बेथलेहेमय् वन। अन च्‍वंपिं थकालितय्‌सं वयात नापलायेत ग्‍यात। इमिसं न्‍यनं, “छु छि याउँक झायादिया ला?”

१ शमूएल 17:58

शाऊलं वयात न्‍यन, “अय् ल्‍याय्‌म्‍ह मचा, छ सुया काय् खः?” दाऊदं लिसः बिल, “जि छसपोलया दास बेथलेहेमय् च्‍वंम्‍ह यिशैया काय् खः।”