यूहन्‍ना 7:37 - नेवाः बाइबल

³⁷ नखः सिधइगु व मू दिनय् येशूं दनाः तस्‍सलं थथे धयादिल – “सुं प्‍याःचाःम्‍ह मनू दुसा जिथाय् वयाः त्‍वँ वा।

यूहन्‍ना 7:37 ပူးပေါင်းရင်းမြစ်များ

नहेम्‍याह 8:18

न्‍हियान्‍हिथं न्‍हापांगु दिनंनिसें लिपांगु दिं तक एज्रां परमेश्‍वरया व्‍यवस्‍थाया सफुतिं ब्‍वनाः न्‍यंकल। इमिसं न्‍हय्‌न्‍हु तक नखः हन अले च्‍यान्‍हु खुन्‍हु नियमकथं सभा जुल।

भजनसंग्रहया सफू 143:6

जिं थःगु ल्‍हाः ल्‍ह्वनाः छितः प्रार्थना याये, गंगु बँ थें जि छिगु लागि प्‍याःचाःगु दु। सेला

भजनसंग्रहया सफू 42:2

जि परमेश्‍वरया निंतिं, म्‍वाःम्‍ह परमेश्‍वरया निंतिं प्‍याःचायागु दु। जि गुबलय् वनाः परमेश्‍वरयात नाप लाये दइ?

भजनसंग्रहया सफू 63:1

हे परमेश्‍वर, छि जिम्‍ह परमेश्‍वर खः। जिं छितः दुनुगलंनिसें मालाजुया। गंगु, झिजांमिझां दंगु व लः मदुगु बँ थें जिगु नुगः छि मदयाः प्‍याःचाः।

हितोपदेश 1:20

बुद्धि सतकय् सतकय् च्‍वनाः चिल्‍लाय् दनाच्‍वंगु दु। चुकय् चुकय् च्‍वनाः वं सः तयाच्‍वंगु दु।

हितोपदेश 8:1

न्‍यँ, बुद्धिं सःताच्‍वंगु दु, लिग्‍यानं थःगु सः तस्‍सः यानाच्‍वंगु दु।

हितोपदेश 8:17

जितः यय्‌कीपिन्‍त जिं नं यय्‌के, जितः मालीपिन्‍सं जितः लुइकी।

हितोपदेश 8:3

शहरया ध्‍वाखाय् ध्‍वाखाय् च्‍वनाः वं धयाच्‍वंगु दु,

हितोपदेश 9:3

वं थः दासीयात शहरया ततःजाःथाय् छ्वयाः सकसितं भ्‍वय् सःतकेछ्वःगु दु।

श्रेष्‍ठगीत 5:1

हे जिमि तसकं यःम्‍ह मय्‌जु, जिमि भम्‍चा, जि जिगु बगैँचाय् वयागु दु, जिं जिगु नस्‍वाःगु मसलानापं मूर्र मुनागु दु। जिं जिगु हाप्‍वः व कस्‍ति नयागु दु। जिं जिगु दाखमद्य व दुरु त्‍वना। नयेगु या, हे जिमि पासा, त्‍वँ, अले मतिनां मजाःतले त्‍वँ, जिमि प्रिय।

यशैया 12:3

बुंगाःचाया लखं लसता हः थें अथे हे थ्‍व मुक्तिं यानाः छिपिं लय्‌ताइ।

यशैया 40:2

यरूशलेमया मनूतय्‌त साहस ब्‍यु। इमित धा, इमिसं ताःइलंनिसें सास्‍ती नयावयाच्‍वंगु दु। आः इमिगु पाप क्षमा जूगु दु, इमिगु पापया लागिं जिं इमित पूरा सजाँय बियागु दु।

यशैया 40:6

छगू सलं थथे धाइ, “वचन घोषणा या!” अले जिं न्‍यना, “छु वचन घोषणा यायेगु?” “फुक्‍क मनूत घाँय् थें जक खः, इमिगु फुक्‍क गौरव गुँइ ह्वइगु स्‍वां थें छुं ईया लगिं जक दयाच्‍वनी।

यशैया 44:3

छाय्‌धाःसा जिं गंगु बँय् लः प्‍वंकाबी, व सुख्‍खा बुँइ खुसिचात न्‍ह्याकाबी। जिं छिमि सन्‍तानयाके जिगु आत्‍मा प्‍वंकाबी, अले जिं छिमि सन्‍तानतय्‌त आशिष बी।

यशैया 55:1

परमप्रभुं धयादी, “हे सकलें प्‍याय्‌चाःपिं, लः दुथाय् लिक्‍क वा अले लः त्‍वँ, धिबा मदुपिं नं नसा कयाः न वा! अले सित्तिकं दाखमद्य व दुरु कायेत वा!

यशैया 55:3

हे मनूत, जिथाय् वयाः जिगु खँ बांलाक न्‍यँ! अले छिमित जीवन दइ। जिं छिपिंनापं सदांया निंतिं छगू बाचा चिने, जिं दाऊदयात सदां दइगु दयामाया बी धकाः बचं बियागु पवित्र आशिष छिमित बी।

यशैया 58:1

“तसकं हा, सुम्‍क च्‍वने मते! तुरहीया सः थें च्‍वंक तसकं हा। जिमि प्रजायात इपिं विद्रोही खः धकाः व याकूबया घरानायात इमिगु पाप क्‍यनाब्‍यु।

यर्मिया 16:19

हे परमप्रभु, जिगु बल व जिगु किल्‍ला, दुःखया दिनय् जिगु शरण कायेगु थाय्, पृथ्‍वीयागु ताताःपाःगु थासं जाति जातितय्‌सं छिथाय् वयाः धाइ, “जिमि तापाःबाज्‍यापिन्‍के ला फताहा द्यःत, ज्‍यालगे मजूगु मूर्तित बाहेक मेगु छुं नं मदु।

यर्मिया 2:2

“छं वनाः यरूशलेमय् च्‍वंपिं सकसितं थ्‍व खबर न्‍यंकि, “परमप्रभुं थथे धयादी, ‘छं ल्‍याय्‌म्‍हबलय्‌यागु भक्ति, “‘भम्‍चा थें छं जितः माया याःगु जि लुमंसे वः। मरुभूमिइ, पुसा मह्वःगु थासय् छ जिगु ल्‍यूल्‍यू जुइगु।

इजकिएल 47:9

व खुसि न्‍ह्याःगु थासय् यक्‍व थीथी कथंयापिं जीवजन्‍तुत च्‍वनी। अन यक्‍व न्‍या दइ, छाय्‌धाःसा थ्‍व लः गन गन वनी अनयागु लः साइ। उकिं थ्‍व खुसि गन गन थ्‍यनी, अन न्‍ह्याम्‍हं नं म्‍वाइ।

लेवी 23:36

न्‍हय्‌न्‍हुयंकं छिमिसं परमप्रभुया निंतिं वेदीइ विशेष देछा छायेमाः। च्‍यान्‍हु खुन्‍हु हाकनं छिमिगु छगू पवित्र मुंज्‍या जुइमाः। थ्‍व छगू तःधंगु मुंज्‍या जुइ। व दिनय् छिमिसं छुं नं ज्‍या याये मते।

लेवी 23:39

“‘छिमिसं थःगु बुँया बाली लये धुंकाः न्‍हय्‌गूगु लाया झिंन्‍यान्‍हु खुन्‍हुनिसें न्‍हय्‌न्‍हु तक परमप्रभुया निंतिं थ्‍व नखः हनेमाः। थ्‍व नखःया न्‍हापांगु दिं व च्‍यान्‍हु खुन्‍हुया दिं विश्रामबार दि खः उखुन्‍हु छुं ज्‍या याये मते।

मीका 6:9

न्‍यँ, परमप्रभुं यरूशलेमय् च्‍वंपिं सकसित सःता च्‍वनादीगु दु। हे परमप्रभु! छिगु नांया भय कायेगु ज्ञान खः। “राजदण्‍ड व उकियात ल्‍यःम्‍हय्‌सिगु खँ बांलाक न्‍यँ।

जकरिया 9:15

दक्‍व शक्ति दुम्‍ह परमप्रभुं थः मनूतय्‌त रक्षा यानादी। इमिसं थः शत्रुतय्‌त नाश यानाबी, इमिसं शत्रुतय्‌त ल्‍वहँतं कय्‌काः बुकी। अले इपिं दाखमद्य त्‍वंपिं थें लडाइँलय् ततःसलं हाली। इपिं वेदीया कुन्‍चाय् कुन्‍चाय् हि छ्वाकीगु तःग्‍वःगु ख्‍वला थें हिं जाःगु जुइ।

गन्‍ती 29:35

“‘च्‍यान्‍हु खुन्‍हु छिमिगु छगू तःमुंज्‍या जुइमाः। उखुन्‍हु छुं नं न्‍हिज्‍या याये मते।

मत्ती 11:28

“कु क्‍वबिया त्‍यानुचाःपिं फुक्‍कं जिथाय् झासु लंकः वा, जिं छिमित आराम बी।

मत्ती 3:3

थ्‍व हे यूहन्‍नायागु खँ यशैया अगमवक्तां थथे च्‍वया थकूगु दु – “मरुभूमिइ छम्‍ह मनू थथे धकाः हालाः वइ – ‘प्रभुयात लँ ब्‍यु, वय्‌कःयागु लँ छिंकाब्‍यु।’”

मत्ती 5:6

परमेश्‍वरया न्‍ह्यःने धर्मी ठहरय् जुइत पित्‍याकाः प्‍याय्‌चाय्‌का जुइपिं मनूत धन्‍यपिं खः, परमेश्‍वरं इमित लुधंकादी।

यूहन्‍ना 1:23

अले वं धाल – “यशैया अगमवक्तां धाःथें जि परमप्रभुया निंतिं लँ छिंकाब्‍यु धकाः मरुभूमिइ हाला जुइम्‍हय्‌सिया सः खः।”

यूहन्‍ना 14:6

वय्‌कलं धयादिल – “लँ, सत्‍य व जीवन जि हे खः। जिपाखें हे जक बाःयाथाय् वने फइ।

यूहन्‍ना 4:10

येशूं वयात धयादिल – “छं परमेश्‍वरं बियादीगु दान स्‍यूगु जूसा, अले छंके लः फ्‍वंम्‍हय्‌सित म्‍हस्‍यूगु जूसा, छं वयाके हे लः त्‍वनेत फ्‍वनीगु जुइ। अले वं हे छन्‍त जीवन दइगु लः बीगु जुइ।”

यूहन्‍ना 4:11

अले व मिसां धाल – “हजुर, तुं तसकं हे तःजाः, लः सालेत छिके छुं हे मदु। छिं जीवन दइगु लः गनं कयादी?

यूहन्‍ना 4:14

तर जिं बियागु लः त्‍वनीपिं मनूतय्‌त गुबलें हे प्‍याः चाइ मखु। जिं बियागु लः हे व मनूयाके बुंगाःचा थें जुयाः अनन्‍त जीवन तक बुयावया च्‍वनी।”

यूहन्‍ना 5:40

अय्‌नं छिपिं जिथाय् अनन्‍त जीवन कायेत वइ मखु।

यूहन्‍ना 6:35

वय्‌कलं धयादिल – “जीवन बीगु मरि जि हे खः। जिथाय् वइम्‍ह मनूयात गुबलें हे नयेपित्‍याइ मखु। अथे हे जितः विश्‍वास याइम्‍ह मनूयात गुबलें हे प्‍याः चाइ मखु।

यूहन्‍ना 6:37

बाःनं जितः बियादीपिं फुक्‍कं जिथाय् वइ। अले जिथाय् वःपिन्‍त जिं गुबलें हे त्‍वःते मखु।

यूहन्‍ना 6:55

जिगु म्‍ह धात्‍थें हे नसा खः, अले जिगु हि धात्‍थें हे त्‍वनेगु खः।

यूहन्‍ना 7:28

देगलय् स्‍यनादीबलय् येशूं तस्‍सलं थथे धयादिल – “छिकपिन्‍सं जितः म्‍हस्‍यू, जि गनयाम्‍ह धकाः नं छिकपिन्‍सं स्‍यू। जि थःयसें वयागु मखु, जितः छ्वयाहयादीम्‍ह सत्‍य परमेश्‍वर खः, छिकपिन्‍सं धाःसा वय्‌कःयात म्‍हमस्‍यू।

१ कोरिन्‍थी 10:21

छिमिसं प्रभुयागु ख्‍वल्‍चां व भूतआत्‍मातय्‌गु ख्‍वल्‍चां छक्‍वलं त्‍वनेफइ मखु। अथे हे छिमिसं प्रभुयागु टेबिलं व भूतआत्‍माया टेबिलंनापं नये फइ मखु।

१ कोरिन्‍थी 10:4

अले आत्‍मायागु हे लः त्‍वन। इमिसं थःनापनापं वनाच्‍वंगु आत्‍माया ल्‍वहंधीयागु लः त्‍वन। थ्‍व हे ल्‍वहंधी ख्रीष्‍ट खः।

१ कोरिन्‍थी 11:25

नये धुंकाः वय्‌कलं अथे हे ख्‍वला कयाः थथे धयादिल – “थ्‍व ख्‍वला जिगु हि हाय्‌काः यानागु परमेश्‍वरयागु न्‍हूगु बाचा खः। जितः लुमंकेत थथे ख्‍वलां त्‍वनेगु यायेगु या।”

१ कोरिन्‍थी 12:13

थथे हे झीपिं यहूदीत, यहूदीमखुपिं, दास, दासमखुपिं फुक्‍कं छम्‍ह हे पवित्र आत्‍मां बप्‍तिस्‍मा कयागुलिं छगू म्‍ह जूगु दु। अले झीपिं फुक्‍कसिके छम्‍ह हे पवित्र आत्‍मा च्‍वनादीगु दु।

एफिसी 5:18

अय्‌लाः थ्‍वँ काय्‌का जुइ मते, छाय्‌धाःसा थुकिं मनूतय्‌त बांमलाःगु ज्‍या याकी, बरु पवित्र आत्‍मां जाया च्‍वँ।

प्रकाश 21:6

वय्‌कलं जितः धयादिल – “आः सिधल। अल्‍फा व ओमेगा जि हे खः। शुरु व अन्‍त जि हे खः। प्‍याचाःपिन्‍त जिं जीवनया बुंगाःयागु लः सितिकं त्‍वंके।

प्रकाश 22:1

अले स्‍वर्गदूतं जितः स्‍फटिक थें यचुसे च्‍वंगु अनन्‍त जीवन बीगु लः दुगु खुसि क्‍यनाबिल। थ्‍व खुसि परमेश्‍वर व चीधिकःम्‍ह भ्‍याःचायागु सिंहासनं पिचायाः

प्रकाश 22:17

आत्‍मा व भम्‍चां धयादी – “झासँ।” अथे हे न्‍यनीपिन्‍सं नं “झासँ” धकाः धा। प्‍याचाःपिन्‍सं व इच्‍छादुपिन्‍सं वयाः जीवनयागु लः सितिकं त्‍वँ।