यूहन्‍ना 7:3 - नेवाः बाइबल

³ उकिं वय्‌कःया किजापिन्‍सं थथे धाल – “थनं यहूदियाय् झासँ। अले छिं याःगु ज्‍या छिकपिनि चेलातय्‌सं नं खनी।

यूहन्‍ना 7:3 ပူးပေါင်းရင်းမြစ်များ

उत्‍पत्ति 37:20

वयात स्‍यानाः थन छगः तुंथिइ कुर्काथके। अले जंगली पशुं स्‍यानाः नल धाये। अले स्‍वये का वयागु म्‍हगस छु जुइ थें।”

यर्मिया 12:6

छिमि दाजुकिजापिं, छंगु थःगु हे परिवारं हे छन्‍त झंगःलाःगु दु। इपिं छंगु विरोधय् तःसलं हाला वयाच्‍वंगु दु। इमिसं छलिसें नाइक खँल्‍हासां छं इमित पत्‍याः याये मते!

मत्ती 12:46

येशूं थथे धयाच्‍वनादीबलय् हे वय्‌कःया मां व किजापिं वय्‌कः नाप खँ ल्‍हायेत पिने प्‍यू वयाच्‍वन।

मर्कूस 3:21

वय्‌कःया थःलाःपिन्‍सं वय्‌कः वें जुल धकाः वय्‌कःयात ब्‍वनायंकेत का वल।

मर्कूस 3:31

उबलय् हे येशूया मां व किजापिं वय्‌कःयाथाय् वल। इमिसं पिने हे च्‍वनाः वय्‌कःयात सःतके छ्वयाहल।

लूका 8:19

छन्‍हु वय्‌कःया मां व किजापिन्‍सं वय्‌कःयात नापलाः वल। ग्‍वाः ग्‍वाः मनूत मुनाच्‍वंगुलिं नापलाये मफुत।

लूका 8:20

छम्‍हय्‌सिनं वनाः वय्‌कःयात धाल – “छितः नापलायेत छिकपिनि मां व किजापिं वयाच्‍वंगु दु। इपिं पिने पियाच्‍वंगु दु।”

यूहन्‍ना 2:2

येशू व चेलातय्‌त नं भ्‍वजय् सःतातःगु दु।

यूहन्‍ना 6:60

थ्‍व न्‍यनाः वय्‌कःया चेलातय्‌सं धाल – “थ्‍व ला तसकं थाकुगु खँ खः, थज्‍याःगु खँ सुनां न्‍यने फइ?”

यूहन्‍ना 6:66

थथे जूगुलिं वय्‌कःया चेलात मध्‍ये यक्‍वसिनं हे वय्‌कःयात त्‍वःताः वन।

यूहन्‍ना 7:10

वय्‌कःया किजापिं नखःतय् वने धुंकाः सुनानं मसीक वय्‌कः नं झाल।

यूहन्‍ना 7:4

संसारय् तःधंम्‍ह मनू जुइ मास्‍ति वःम्‍हय्‌सिनं सुलाः सुलाः ज्‍या याइ मखु। छिं थथे यायेगु हे खःसा फुक्‍कसिनं सीकेमा।”

यूहन्‍ना 7:5

वय्‌कःया किजापिन्‍सं हे नं वय्‌कःयात विश्‍वास मयाः।

प्रेरित 2:14

अले पत्रुसं झिंनिम्‍ह प्रेरिततनापं दनाः तःसलं थथे धाल – “यहूदी दाजुकिजापिं व यरूशलेमय् वःपिं मनूत, जिगु खँ न्‍यनाः थुइकादिसँ।

१ शमूएल 17:28

दाऊदया तःधिकःम्‍ह दाजु एलीआबं थः किजां अथे मनूतनापं खँ ल्‍हानाच्‍वंगु ताल। अले व दाऊदनापं तं पिकयाः धाल, “छ छाय् थन क्‍वहां वयागु? मरुभूमिइ फैत सुयात स्‍वकाः वयागु? छ घमण्‍डी व ध्‍वंलाइम्‍ह धकाः जिं स्‍यू। छन्‍त लडाइँ स्‍वयेगु जक यः!”