यूहन्‍ना 7:29 - नेवाः बाइबल

²⁹ जिं वय्‌कःयात म्‍हस्‍यू, छाय्‌धाःसा जि वय्‌कःयाथासं हे वयागु खः। वय्‌कलं हे जितः छ्वयाहयादीगु खः।”

यूहन्‍ना 7:29 ပူးပေါင်းရင်းမြစ်များ

मत्ती 11:27

“बाःनं हे फुक्‍क जिगु ल्‍हातय् तयादीगु खः। काय्‌यात सुनानं म्‍हमस्‍यू, बाःनं जक काय्‌यात म्‍हस्‍यू। अले बाःयात नं सुनानं म्‍हमस्‍यू, काय्‌नं जक स्‍यू। काय्‌नं म्‍हसीका ब्‍यूपिन्‍सं जक बाःयात म्‍हसी।”

यूहन्‍ना 1:18

परमेश्‍वरयात सुनानं गुबलें हे खंगु मदु। अय्‌नं बाः नाप च्‍वंम्‍ह याकः काय्‌नं हे वय्‌कःयात क्‍यनादीगु दु।

यूहन्‍ना 10:15

गथे बाःनं जितः म्‍हस्‍यू, अथे हे जिं नं बाःयात म्‍हस्‍यू। अले फैतय्‌गु निंतिं जि थः हे तुं सिना बी।

यूहन्‍ना 13:3

बाःनं फुक्‍कं वय्‌कःयागु ल्‍हातय् बियादीगु दु, अले वय्‌कः परमेश्‍वरयाथासं झाःगु खः, अले परमेश्‍वरयाथाय् तुं वने त्‍यइन धकाः वय्‌कलं स्‍यू।

यूहन्‍ना 17:18

छिं जितः संसारय् छ्वया हयादीथें तुं जिं नं इमित संसारय् छ्वया।

यूहन्‍ना 6:46

परमेश्‍वरयाथासं वःम्‍हय्‌सिनं जक बाःयात खंगु दु, मेपिं सुनानं बाःयात खंगु मदु।

यूहन्‍ना 8:55

वय्‌कःयात छिकपिन्‍सं म्‍हमस्‍यूनि, जिं धाःसा म्‍हस्‍यू। जिं वय्‌कःयात म्‍हमस्‍यू धकाः धाल धाःसा जि नं छिकपिं थें तुं मखुगु खँ ल्‍हाइम्‍ह जुइ। जिं वय्‌कःयात म्‍हस्‍यूगुलिं वय्‌कःयागु वचन मानय् यानाच्‍वना।

१ यूहन्‍ना 1:2

गुबलय् थ्‍व वचन जीवन जुयाः जिमिथाय् खनेदय्‌कः झाल, उबलय् थ्‍व जीवनयात जिमिसं खना, जिमिसं साक्षी बी, अले छिमित नं धाये। थ्‍व बाःयाके दुगु अनन्‍त जीवन जिमिथाय् खनेदय्‌कः झाल।

१ यूहन्‍ना 4:14

थ्‍व संसारयापिं मनूतय्‌त मुक्ति बीत परमेश्‍वर बाःनं थःकाय्‌यात छ्वयाहयादीगु जिमिसं खना। थ्‍व हे खँ जिमिसं कनावयाच्‍वनागु खः।

१ यूहन्‍ना 4:9

परमेश्‍वरं झीत माया यानादीगु दु धकाः थुकिं हे सी दु – झीत जीवन दयेमा धकाः वय्‌कलं थः याकः काय्‌यात संसारय् छ्वयाहयादिल।