यूहन्‍ना 7:26 - नेवाः बाइबल

²⁶ आः ला थ्‍व मनुखं झन जक फुक्‍कसिया न्‍ह्यःने नवानाच्‍वन। अय्‌नं वयात सुनां छुं मधाः। नायःतय्‌सं थ्‍व हे मुक्ति बीम्‍ह ख्रीष्‍ट खः धकाः धात्‍थें हे सीके धुंकल ला कि छु?

यूहन्‍ना 7:26 ပူးပေါင်းရင်းမြစ်များ

हितोपदेश 28:1

सुनानं लिना महःसां दुष्‍ट मनूत बिस्‍युं बिस्‍युं जुइ, धर्मी मनूत धाःसा सिंह थें मग्‍यासे च्‍वनी।

यशैया 42:4

वं पृथ्‍वीइ न्‍याय पलिस्‍था मयातले व बमलाइ मखु, निराश नं जुइ मखु। वयागु स्‍यनातःगु खँय् ताताःपाःगु देशय् च्‍वंपिन्‍सं थःगु आशा तइ।”

मत्ती 22:16

इमिसं थः चेलातय्‌त हेरोदया मनूत नाप वय्‌कःयाथाय् छ्वल। इमिसं वनाः वय्‌कःयात थथे धाल – “गुरु, छि धात्‍थें भिंम्‍ह मनू खः। छिं मनूतय्‌त परमेश्‍वरयागु भिंगु लँपु जक क्‍यनादी। मनूतय्‌सं धाइ ल्‍हाइगु खँय् छिं च्‍यूताः तयामदी, छाय्‌धाःसा छिं ख्‍वाः स्‍वयाः खँ ल्‍हानामदी।

लूका 23:13

पिलातसं हानं तःधंपिं पुजाहारीत, शासकत व मनूतय्‌त सःताः

लूका 7:30

फरिसीत व शास्‍त्रीतय्‌सं धाःसा परमेश्‍वरयागु खँ न्‍यँ हे मन्‍यं। इमिसं यूहन्‍नायागु बप्‍तिस्‍मा नं मकाः। थुकथं इमिसं परमेश्‍वरयागु खँयात वास्‍ता मयाः।

यूहन्‍ना 12:42

न्‍ह्यागु हे जूसां तःम्‍ह हे यहूदी शासकतय्‌सं नं वय्‌कःयात विश्‍वास यात। अय्‌नं फरिसीत खनाः ग्‍याःगुलिं इमिसं थ्‍व खँ सुयातं मकं, छाय्‌धाःसा फरिसीतय्‌सं सिल धायेवं इमित धर्मशास्‍त्र स्‍यनीगु छेँनं पितिनाछ्वइ।

यूहन्‍ना 18:20

वय्‌कलं लिसः बियादिल – “संसारया न्‍ह्यःने जिं धयागु दु, जिं न्‍ह्याबलें धर्मशास्‍त्र स्‍यनीगु थाय् थासय् व देगलय् च्‍वनाः स्‍यनेकने यानागु दु। जिं सुयातं गुप्‍त खँ ल्‍हाः मजुया।

यूहन्‍ना 3:1

निकोदेमस नांयाम्‍ह छम्‍ह फरिसी दु। व यहूदीतय् छम्‍ह तःधंम्‍ह थकालि खः।

यूहन्‍ना 4:29

“वा, छम्‍ह मनूयात स्‍वः वा। वय्‌कलं जिं यानागु फुक्‍क खँ धयाबिल। व मनू मुक्ति बीम्‍ह ख्रीष्‍ट ला, मखु ला?”

यूहन्‍ना 7:25

यरूशलेमय् च्‍वंपिं गुम्‍हं गुम्‍हं मनूतय्‌सं थथे धाल – “इमिसं स्‍यायेत स्‍वया च्‍वंम्‍ह मनू थ्‍व हे, मखु ला?

यूहन्‍ना 7:31

अय्‌सां यक्‍व मनूतय्‌सं वय्‌कःयात विश्‍वास यात। इमिसं धाल – “मुक्ति बीम्‍ह ख्रीष्‍ट झाइबलय् वय्‌कलं थ्‍व मनुखं स्‍वयाः अप्‍वः अजू चायापुगु चिं क्‍यनादी ला?”

यूहन्‍ना 7:48

सुं शासकत व फरिसीतय्‌सं नं वं धाःगु खँय् विश्‍वास यात ला?

यूहन्‍ना 9:22

सुनानं येशूयात मुक्ति बीम्‍ह ख्रीष्‍ट खः धकाः धाल धाःसा व मनूयात धर्मशास्‍त्र स्‍यनीगु छेँनं पितिनाछ्वयेगु धकाः इमिसं सल्‍लाह यानातःगुलिं वया मांबौपिन्‍सं ग्‍यानाः थथे लिसः ब्‍यूगु खः।

प्रेरित 4:13

पत्रुस व यूहन्‍नां आखः मसःसां थथे मग्‍यासे लिसः ब्‍यूगु न्‍यनाः फुक्‍कं छक्‍क जुल। अले इपिं येशू नाप जूपिं खः धकाः नं इमिसं सिल।

फिलिप्‍पी 1:14

थुलि जक मखु, जितः थथे कुनातःगुलिं यक्‍व हे दाजुकिजापिन्‍सं प्रभुयाके भरोसा तयाः छप्‍ति हे मग्‍यासे परमेश्‍वरयागु वचन न्‍यंकाजूगु दु।