यूहन्‍ना 7:20 - नेवाः बाइबल

²⁰ अले मनूतय्‌सं लिसः बिल – “छंके भूत दुबिनाच्‍वंगु दु। सुनां छन्‍त स्‍यायेत स्‍वयाच्‍वन?”

यूहन्‍ना 7:20 ပူးပေါင်းရင်းမြစ်များ

मत्ती 10:25

चेला थः गुरु थें जुइ दुगुलिं, अले च्‍यः थः मालिक थें जुइ दुगुलिं लुधनेमाः। छेँ थुवाःयात हे भूतया जुजु बालजिबुल धाल धाःसा वया जहानतय्‌त झन छु जक धाइगु जुइ?”

मत्ती 12:24

थ्‍व न्‍यनाः फरिसीतय्‌सं थथे धाल – “भूततय् जुजु बालजिबुलं शक्ति बियातःगुलिं थ्‍वं भूतयात पितिनाछ्वये फुगु खः।”

मत्ती 9:34

फरिसीतय्‌सं धाःसा थथे धाल – “थ्‍व मनूयात भूततय् जुजुं हे भूत पितिनेगु शक्ति ब्‍यूगु खः।”

मर्कूस 3:30

वय्‌कःयाके भूत दुबिनाच्‍वंगु दु धकाः शास्‍त्रीतय्‌सं धाःगुलिं थथे धयादीगु खः।

यूहन्‍ना 10:20

इपिं मध्‍ये यक्‍वसिनं थथे धाल – “थ्‍व मनूयाके भूत दुबिनाच्‍वंगु दु। थ्‍व वें जुइ धुंकल। थज्‍याःम्‍हय्‌सिगु खँ छिमिसं छाय् न्‍यनागु?”

यूहन्‍ना 8:48

अले यहूदी नायःतय्‌सं वय्‌कःयात धाल – “छ सामरी खः, अले छंके भूत दुबिनाच्‍वंगु दु धकाः जिमिसं धयागु धात्‍थें हे खः।”

यूहन्‍ना 8:49

वय्‌कलं लिसः बियादिल – “जिके भूत दुबिनाच्‍वंगु मदु। जिं जिमि बाःयात तःधंका च्‍वना, छिकपिन्‍सं जितः क्‍वह्यंकादिल।

यूहन्‍ना 8:52

इमिसं धाल – “आः ला जिमिसं बांलाक हे सिल, छंके भूत दुबिनाच्‍वंगु हे दु। अब्राहाम व अगमवक्तात ला सिनावन धाःसा छं गथे यानाः छंगु वचन मानय् याइपिं मनूत गुबलें हे सी मखु धकाः धाये फुगु?

प्रेरित 26:24

पावलं थथे नवानाच्‍वंबलय् हे फेस्‍तसं ततःसलं वयात थथे धाल – “पावल, छ वें जुल ला कि छु? यक्‍व ब्‍वनाः छ वें जुइ धुंकल।”