यूहन्‍ना 7:19 - नेवाः बाइबल

¹⁹ छिमित व्‍यवस्‍था बियादीम्‍ह मोशा मखु ला? छिपिं छम्‍हय्‌सिनं हे नं थ्‍व व्‍यवस्‍था पालन याःगु मदु। अय्‌नं छिमिसं जितः छाय् स्‍यायेत स्‍वयाच्‍वना?”

यूहन्‍ना 7:19 ပူးပေါင်းရင်းမြစ်များ

मत्ती 12:14

फरिसीतय्‌सं अनं वनाः वय्‌कःयात स्‍यायेगु ग्‍वसाः ग्‍वल।

मत्ती 21:38

“तःसिंया काय् हे वःगु खनाः म्‍हय्‌तय्‌सं थःथवय् धाल, ‘थ्‍व ला तःसिंया काय् खः, थ्‍वयात स्‍यानाः फुक्‍क धनसम्‍पत्ति झीगु यायेनु।’

मर्कूस 11:18

तःधंपिं पुजाहारीत व शास्‍त्रीतय्‌सं थ्‍व खँ न्‍यनाः वय्‌कःयात स्‍यायेगु ग्‍वसाः ग्‍वल। तर मनूत खनाः ग्‍यानाः इमिसं याये मफुत, छाय्‌धाःसा मनूतय्‌सं वय्‌कःयागु खँ तसकं यय्‌कू।

मर्कूस 3:4

वय्‌कलं इमिके थथे धकाः न्‍यनादिल, “विश्रामबार खुन्‍हु भिं यायेगु ज्‍यू ला कि मभिं यायेगु ज्‍यू, स्‍यायेगु भिं ला कि म्‍वाकेगु भिं?” तर इपिं छुं हे मधासे सुम्‍क च्‍वनाच्‍वन।

मर्कूस 3:6

फरिसीतय्‌सं अनं वनाः हेरोदया मनूत नाप वय्‌कःयात स्‍यायेगु ग्‍वसाः ग्‍वल।

यूहन्‍ना 1:17

व्‍यवस्‍था मोशायागुपाखें बियादिल, येशू ख्रीष्‍टयागुपाखें धाःसा परमेश्‍वरया दया माया व सत्‍य दत।

यूहन्‍ना 10:39

इमिसं हानं वय्‌कःयात ज्‍वनेत स्‍वल। तर वय्‌कः इपिंपाखें बचय् जुयाः झाल।

यूहन्‍ना 11:53

उखुन्‍हुनिसें येशूयात गथे यानाः स्‍यायेगु धकाः इमिसं ग्‍वसाः ग्‍वल।

यूहन्‍ना 5:16

येशूं विश्रामबार खुन्‍हु थथे यानादीगुलिं यहूदीतय् नायःतय्‌सं वय्‌कःयात दुःख बियाहल।

यूहन्‍ना 5:18

वय्‌कलं थथे धयादीगुलिं इमिसं वय्‌कःयात स्‍यायेत झन अप्‍वः कुतः यात। छाय्‌धाःसा वय्‌कलं विश्रामबार मानय् मयाःगु जक मखु, अज्‍ज परमेश्‍वर नाप हे थःत ज्‍वलिंज्‍वः यानाः परमेश्‍वरयात वय्‌कःया बाः खः धकाः धयादिल।

यूहन्‍ना 5:45

“जिं छिमित परमेश्‍वरया न्‍ह्यःने दोषी ठहरय् याइ धकाः मतिइ तये मते। छिमिसं आशा तयाच्‍वंम्‍ह मोशां हे छिमित दोषी ठहरय् याइ।

यूहन्‍ना 7:1

अनंलि येशू गालीलय् चाःहिलादिल। यहूदिया जिल्‍लाय् यहूदीतय् नायःतय्‌सं वय्‌कःयात स्‍यायेत स्‍वःगुलिं वय्‌कः अन झाया मदी।

यूहन्‍ना 7:25

यरूशलेमय् च्‍वंपिं गुम्‍हं गुम्‍हं मनूतय्‌सं थथे धाल – “इमिसं स्‍यायेत स्‍वया च्‍वंम्‍ह मनू थ्‍व हे, मखु ला?

प्रेरित 7:38

मरुभूमिइ सीनै पहाडय् स्‍वर्गदूतं वयात व इस्राएलीतय्‌त धाःगु परमेश्‍वरयागु खँ झी तापाःबाज्‍यापिन्‍त न्‍यंका जूम्‍ह नं मोशा हे खः।

गलाती 3:19

अय्‌सा व्‍यवस्‍था छाय् बिल लय्? मभिंगु ज्‍याखँ सीके बीत परमेश्‍वरं झीत व्‍यवस्‍था बियादीगु खः। अय्‌नं परमेश्‍वरं बाचा चिनातःम्‍ह ख्रीष्‍ट मझातले जक व्‍यवस्‍था दयाच्‍वनी। थ्‍व व्‍यवस्‍था परमेश्‍वरं स्‍वर्गदूततय्‌पाखें मोशायात बीके हयादीगु खः। थुकथं मोशा मनूत व परमेश्‍वरया दथुइ ज्‍या याइम्‍ह जुल।

गलाती 6:13

म्‍हय् चिं तयातःपिं मनूतय्‌सं हे नं व्‍यवस्‍थाय् च्‍वया तः थें याये मफु। छिमित म्‍हय् चिं तय्‌के धुन धकाः तःधंछुइत इमिसं छिमित म्‍हय् चिं तय्‌केत स्‍वयाच्‍वंगु खः।

व्‍यवस्‍था 1:17

ख्‍वाः स्‍वयाः न्‍याय याये मते। छिमिसं तःधंपिं व चिधंपिं निखलःसिगुं खँ उत्‍थें न्‍यँ। सुयागुं पंली मते, सुं मनूत खनाः ग्‍याये मते छाय्‌धाःसा न्‍याय यायेगु परमेश्‍वरयागु ज्‍या खः। छिमिगु लागिं थाकुगु मुद्दा जिथाय् हजि, जिं व न्‍यने।”

व्‍यवस्‍था 33:4

थ्‍व मोशां झीत ब्‍यूगु नियम खः, झीगु जातिया दकलय् मू वंगु सम्‍पत्ति।