यूहन्‍ना 7:16 - नेवाः बाइबल

¹⁶ अले वय्‌कलं इमित लिसः बियादिल – “जिं स्‍यनाच्‍वनागु खँ जिगु मखु, जितः छ्वया हयादीम्‍हय्‌सित खः।

यूहन्‍ना 7:16 ပူးပေါင်းရင်းမြစ်များ

यूहन्‍ना 14:10

जि बाःयाके, अले बाः जिके दी धकाः छं विश्‍वास मयाना ला? जिं छिमित गुलि नं धया, व जिगुपाखें हे धयागु मखु, बरु जिके दीम्‍ह बाःनं हे थःगु ज्‍या यानादी।

यूहन्‍ना 14:24

जितः माया मयाइम्‍हय्‌सिनं जिगु वचन नं मानय् याइ मखु। अले छिमिसं न्‍यनाच्‍वंगु जिगु वचन जिगु थःगु हे मखु, बरु जितः छ्वयाहयादीम्‍ह बाःयागु खः।”

यूहन्‍ना 17:14

छिगु वचन जिं इमित न्‍यंके धुनागुलिं गथे जि संसारयाम्‍ह मखु, अथे हे इपिं नं संसारयापिं मखुत, उकिं संसारं इमित हेला यात।

यूहन्‍ना 17:8

छिं जितः बियादीगु खँ जिं इमित बी धुन। अले इमिसं नं ग्रहण यात। जि छिथासं वयागु खः धकाः इमिसं बांलाक सीके धुंकल, अले छिं जितः छ्वयाहयादीगु खः धकाः नं इमिसं विश्‍वास यानाच्‍वंगु दु।

यूहन्‍ना 3:11

जिं छितः खःगु हे खँ धाये – जिमिसं स्‍यूगु खँ धायेगु खः, अथे हे खंगु खँ साक्षी बीगु खः। अय्‌नं जिमिगु खँय् छिकपिं सुनानं विश्‍वास मयाः।

यूहन्‍ना 3:31

“च्‍वय्‌नं वःम्‍ह फुक्‍क स्‍वयाः तःधंम्‍ह खः। अले संसारं वःम्‍ह संसारयाम्‍ह हे खः, थज्‍याःम्‍ह मनुखं संसारयागु हे खँ ल्‍हाइ। स्‍वर्गं वःम्‍ह फुक्‍क स्‍वयाः तःधं जू।

यूहन्‍ना 5:30

“थथःम्‍हं जिं छुं नं याये मफु, बाःनं जितः धयादी थें जिं न्‍याय जक यायेगु खः। अय्‌जूगुलिं जिं न्‍याय यानागु ठीक जू, छाय्‌धाःसा जितः यःथें जिं न्‍याय यायेगु मखु, बरु जितः छ्वया हःम्‍हय्‌सित यःथें यायेगु खः।”

यूहन्‍ना 6:44

जितः छ्वयाहयादीम्‍ह बाःनं छ्वयाहया मदीकं सुं नं जिथाय् वये फइ मखु। जिथाय् वःम्‍हय्‌सित दकलय् लिपायागु दिनय् जिं म्‍वाका बी।

यूहन्‍ना 8:28

उकिं वय्‌कलं थथे धयादिल – “गुबलय् छिमिसं मनूया काय्‌यात यख्‍खाइ, अबलय् तिनि छिमिसं जि सु खः धकाः सी। जिं थःयसें छुं नं मयाना, बरु बाःनं गुकथं स्‍यनादिल उकथं हे नवाना वन धकाः नं छिमिसं थुइ।

२ यूहन्‍ना 1:9

सुनानं येशू ख्रीष्‍टं स्‍यनादीगु खँ मानय् मयासें मेमेगु हे याना जुल धाःसा अज्‍याःम्‍ह मनू नाप परमेश्‍वर च्‍वनादी मखु। तर येशू ख्रीष्‍टं स्‍यनादीगु खँ मानय् याना जूपिं नाप परमेश्‍वर व वय्‌कःया काय् येशू ख्रीष्‍ट निम्‍हं च्‍वनादी।

प्रकाश 1:1

थ्‍व सफुलिइ च्‍वयातःगु खँ परमेश्‍वरं येशू ख्रीष्‍टयात क्‍यनादीगु खँ खः। थः दासतय्‌सं छु जुइतिनि धयागु खँ थुइके फयेमा धकाः परमेश्‍वरं येशू ख्रीष्‍टयात क्‍यनादीगु खः। येशूं थ्‍व खँ क्‍यनेत छम्‍ह स्‍वर्गदूतयात यूहन्‍नायाथाय् छ्वयादिल।