यूहन्‍ना 7:15 - नेवाः बाइबल

¹⁵ नायःतय्‌सं छक्‍क जुयाः थथे धाल – “थ्‍व मनुखं ब्‍वँ हे मब्‍वंकं थुलिमछि खँ गथे यानाः सय्‌कल?”

यूहन्‍ना 7:15 ပူးပေါင်းရင်းမြစ်များ

यशैया 29:12

वा छुं जुयाः व सफूया थू सुं ब्‍वने मसःम्‍ह मनूयात थथे धकाः बिल धाःसा, इनाप याये थ्‍व ब्‍वनादिसँ, वं धाइ, “जितः ला आखः ब्‍वने हे मवः।”

मत्ती 13:54

वय्‌कः थःगु हे शहरय् झाल। अन च्‍वंगु धर्मशास्‍त्र स्‍यनीगु छेँय् झायाः वय्‌कलं मनूतय्‌त स्‍यनेकने यानादिल। वय्‌कःयागु खँ न्‍यनाः मनूतय्‌सं छक्‍क जुयाः थथे धाल – “थ्‍वयाके थज्‍याःगु बुद्धि व अजू चायापुगु ज्‍या यायेगु शक्ति गनं वल?

मत्ती 22:22

थ्‍व न्‍यनाः इपिं छक्‍क जुल। अले वय्‌कःयात त्‍वःताः थथःगु लँय् वन।

मत्ती 22:33

वय्‌कःयागु खँ न्‍यनाः फुक्‍कं छक्‍क जुल।

लूका 2:47

अन च्‍वंपिं फुक्‍क वय्‌कःयागु बुद्धि व लिसः न्‍यनाः छक्‍क जुयाच्‍वन।

लूका 4:22

इपिं फुक्‍कसिनं वय्‌कःयात तारिफ यात। वय्‌कःयागु खँ न्‍यनाः इपिं अजू चाल। अले इमिसं थथे धाल – “थ्‍व मनू योसेफया काय् मखु ला?”

यूहन्‍ना 1:19

यरूशलेमय् च्‍वंपिं यहूदी नायःतय्‌सं पुजाहारी व लेवीतय्‌त “यूहन्‍ना धाःम्‍ह सु खः” धकाः न्‍यंके छ्वयाहल।

यूहन्‍ना 7:11

नखःबलय् यहूदीतय् नायःतय्‌सं वय्‌कःयात थथे धाधां माः जुल – “व मनू गन दु हं?”

यूहन्‍ना 7:13

अय्‌नं यहूदीत खनाः ग्‍याःगुलिं सुनानं वय्‌कःया बारे खुलस्‍त खँ ल्‍हायेगु आँट मयाः।

यूहन्‍ना 7:46

अले इमिसं लिसः बिल – “थ्‍व मनुखं थें सुनानं नवाःगु मदुनि।”

प्रेरित 26:24

पावलं थथे नवानाच्‍वंबलय् हे फेस्‍तसं ततःसलं वयात थथे धाल – “पावल, छ वें जुल ला कि छु? यक्‍व ब्‍वनाः छ वें जुइ धुंकल।”

प्रेरित 4:13

पत्रुस व यूहन्‍नां आखः मसःसां थथे मग्‍यासे लिसः ब्‍यूगु न्‍यनाः फुक्‍कं छक्‍क जुल। अले इपिं येशू नाप जूपिं खः धकाः नं इमिसं सिल।

१ शमूएल 10:11

वयात न्‍हापा हे म्‍हस्‍यूपिं मनूतय्‌सं व खनाः थःथवय् खँ ल्‍हात, “कीशया काय्‌यात थ्‍व छु जूगु खः? छु शाऊल नं अगमवक्ता जुल ला?”