यूहन्‍ना 7:14 - नेवाः बाइबल

¹⁴ नखः बच्‍छि सिधःबलय् येशूं देगलय् झायाः मनूतय्‌त स्‍यनेकने यानादिल।

यूहन्‍ना 7:14 ပူးပေါင်းရင်းမြစ်များ

मलाकी 3:1

दक्‍व शक्ति दुम्‍ह परमप्रभुं थथे लिसः बियादी – “स्‍व! जिं जिम्‍ह दूतयात जिगु न्‍ह्यःने न्‍ह्यःने लँपु तयार यायेत छ्वयाहये। अले छिमिसं मालाच्‍वंम्‍ह प्रभु आकाझाकां थःगु देगलय् झायादी। छिमिसं यय्‌कूम्‍ह बाचाया दूत धात्‍थें झायादी।”

गन्‍ती 29:17

“‘निन्‍हु खुन्‍हु छिमिसं झिंनिम्‍ह द्वहंचा, निम्‍ह भ्‍याःचा, झिंप्‍यम्‍ह दच्‍छि दुपिं चिधिकःपिं भ्‍याःचा छायेमाः। थुपिं खू मदुपिं जुइमाः।

गन्‍ती 29:20

“‘हानं स्‍वन्‍हु खुन्‍हु छिमिसं झिंछम्‍ह द्वहंचा, निम्‍ह भ्‍याःचा व दच्‍छि दुपिं झिंप्‍यम्‍ह खू मदुपिं चिधिकःपिं भ्‍याःचात छायेमाः।

मत्ती 21:12

येशूं देगलय् झायाः अन च्‍वनाः न्‍यायेगु व मीगु ज्‍या यानाच्‍वंपिं फुक्‍कसितं ख्‍याना छ्वयादिल। धिबा ग्‍यलिपिं सराफितय्‌गु टेबिल ग्‍वारा तुइकाबिल, सुकुभतु मीपिनिगु मेच फाता पुइकाबिल।

मत्ती 26:55

अले वय्‌कलं ज्‍वंवःपिं मनूतय्‌त धयादिल – “जि छम्‍हय्‌सित ज्‍वनेत थथे तरवार व कथि ज्‍वनावये माःगु छाय्? छु जि दाखुँ खः ला? जिं देगलय् च्‍वनाः न्‍हियान्‍हिथं स्‍यनेकने याना जुयाबलय् छिमिसं जितः छाय् मज्‍वनागु?

लूका 19:47

वय्‌कलं न्‍हिन्‍हिं झायाः अन देगलय् स्‍यनादीगु खः। उकिं तःधंपिं पुजाहारीत, शास्‍त्रीत व ततःधंपिं मनूत मिलय् जुयाः वय्‌कःयात स्‍यायेत स्‍वयाच्‍वन।

यूहन्‍ना 18:20

वय्‌कलं लिसः बियादिल – “संसारया न्‍ह्यःने जिं धयागु दु, जिं न्‍ह्याबलें धर्मशास्‍त्र स्‍यनीगु थाय् थासय् व देगलय् च्‍वनाः स्‍यनेकने यानागु दु। जिं सुयातं गुप्‍त खँ ल्‍हाः मजुया।

यूहन्‍ना 5:14

लिपा येशूं वयात देगलय् नाप लानाः धयादिल – “स्‍व, छंगु ल्‍वय् लाये धुंकल। आवंनिसें पाप याये मते, अले छन्‍त छुं नं जुइ मखु।”

यूहन्‍ना 7:2

थुबलय् यहूदीतय्‌गु बल्‍चाबाय्‌या नखः थ्‍यंकः वये धुंकल।

यूहन्‍ना 7:28

देगलय् स्‍यनादीबलय् येशूं तस्‍सलं थथे धयादिल – “छिकपिन्‍सं जितः म्‍हस्‍यू, जि गनयाम्‍ह धकाः नं छिकपिन्‍सं स्‍यू। जि थःयसें वयागु मखु, जितः छ्वयाहयादीम्‍ह सत्‍य परमेश्‍वर खः, छिकपिन्‍सं धाःसा वय्‌कःयात म्‍हमस्‍यू।

यूहन्‍ना 7:37

नखः सिधइगु व मू दिनय् येशूं दनाः तस्‍सलं थथे धयादिल – “सुं प्‍याःचाःम्‍ह मनू दुसा जिथाय् वयाः त्‍वँ वा।

यूहन्‍ना 8:2

कन्‍हय् खुन्‍हु सुथ न्‍हापां वय्‌कः हानं देगलय् तुं लिहां झाल। फुक्‍क मनूत वय्‌कःयाथाय् मुंवःगुलिं इमित स्‍यनेकने यायेत वय्‌कः फ्‍यतुनादिल।

यूहन्‍ना 8:20

थ्‍व खँ वय्‌कलं देगलय् स्‍यनेकने यानादीबलय् भेटी तइगु बाकसया न्‍ह्यःने धयादीगु खः। वय्‌कःयात सुनानं मज्‍वं, छाय्‌धाःसा वय्‌कःयागु ई मवःनि।