यूहन्‍ना 7:13 - नेवाः बाइबल

¹³ अय्‌नं यहूदीत खनाः ग्‍याःगुलिं सुनानं वय्‌कःया बारे खुलस्‍त खँ ल्‍हायेगु आँट मयाः।

यूहन्‍ना 7:13 ပူးပေါင်းရင်းမြစ်များ

हितोपदेश 29:25

ग्‍याःचिकु मनूतय्‌गु निंतिं स्‍वःतिपाँय् खः, सुनां परमप्रभुयात विश्‍वास याइ, वयात सुरक्षा दइ।

यूहन्‍ना 19:38

यहूदीतय् नायःत खनाः ग्‍यानाः दुनें दुनें जक विश्‍वास यानाच्‍वंम्‍ह अरिमाथियाय् च्‍वनाच्‍वंम्‍ह योसेफ धाःम्‍ह छम्‍ह चेला दु। थ्‍व हे चेलां वयाः पिलातसयाके येशूयागु सीम्‍ह फ्‍वन। पिलातसं नं “ज्‍यू” धकाः धाल। अले वं वनाः वय्‌कःयागु सीम्‍ह क्‍वकयाः यंकल।

यूहन्‍ना 20:19

आइतबार खुन्‍हु बहनी चेलात यहूदीतय् नायःत खनाः ग्‍यानाः खापात तिनाः मुनाच्‍वंबलय् येशू अन झायाः इमिगु दथुइ दनाः थथे धयादिल – “छिमित शान्‍ति दयेमा।”

यूहन्‍ना 3:2

छन्‍हु चान्‍हय् व येशूयाथाय् वयाः धाल – “गुरुजु, छि परमेश्‍वरं छ्वयाहयादीम्‍ह गुरु खः धकाः जिमिसं स्‍यू। परमेश्‍वर छिनाप दीगुलिं सुनानं याये मफुगु चिं छिं यानादी फु।”

यूहन्‍ना 7:1

अनंलि येशू गालीलय् चाःहिलादिल। यहूदिया जिल्‍लाय् यहूदीतय् नायःतय्‌सं वय्‌कःयात स्‍यायेत स्‍वःगुलिं वय्‌कः अन झाया मदी।

यूहन्‍ना 7:11

नखःबलय् यहूदीतय् नायःतय्‌सं वय्‌कःयात थथे धाधां माः जुल – “व मनू गन दु हं?”

यूहन्‍ना 7:15

नायःतय्‌सं छक्‍क जुयाः थथे धाल – “थ्‍व मनुखं ब्‍वँ हे मब्‍वंकं थुलिमछि खँ गथे यानाः सय्‌कल?”

यूहन्‍ना 9:22

सुनानं येशूयात मुक्ति बीम्‍ह ख्रीष्‍ट खः धकाः धाल धाःसा व मनूयात धर्मशास्‍त्र स्‍यनीगु छेँनं पितिनाछ्वयेगु धकाः इमिसं सल्‍लाह यानातःगुलिं वया मांबौपिन्‍सं ग्‍यानाः थथे लिसः ब्‍यूगु खः।

यूहन्‍ना 9:34

इमिसं वयात धाल – “पापय् बुयाः पापय् हे ब्‍वलंम्‍ह छं जिमित स्‍यं वयागु ला?” थथे धयाः इमिसं वयात पितिनाछ्वल।

प्रकाश 2:13

“शैतानयागु सिंहासन दुथाय् छिपिं च्‍वनाच्‍वंगु दु धकाः जिं स्‍यू। छिमिसं शैतान दुगु थासय् नं जितः क्‍वात्तुक भक्ति व विश्‍वास यानाच्‍वंगु दु धकाः, अले जिगु साक्षी बिया जूम्‍ह एन्‍टिपासयात स्‍याःबलय् नं छिमिसं जितः विश्‍वास यायेगु मत्‍वःतू।