यूहन्‍ना 6:9 - नेवाः बाइबल

⁹ “थन छम्‍ह मिजंमचायाके तछ्वया न्‍यापा मरि व निम्‍ह न्‍या दु। थुलिमछि मनूतय्‌त थुलिचां छु यायेगु?”

यूहन्‍ना 6:9 ပူးပေါင်းရင်းမြစ်များ

१ राजा 4:28

इपिं छम्‍ह छम्‍हय्‌सिनं थथःगु पाः वइबलय् सल व रथया सलया निंतिं नं तछ्व व छ्वालि तय्‌के छ्वइगु।

२ राजा 7:1

एलीशां धाल, “परमप्रभुया वचन न्‍यनादिसँ! परमप्रभुं थथे धयादी – कन्‍हय् थुबलय् हे सामरियाया ध्‍वाखाय् ५ किलोग्राम छुचुं वा १० किलोग्राम तछ्वया मू १२ ग्राम वहः जुइ।”

भजनसंग्रहया सफू 147:14

वय्‌कलं छंगु सिमानाय् शान्‍ति हयादी, वय्‌कलं भिंगु छ्वपाखें छंगु पित्‍याः लंकादी।

भजनसंग्रहया सफू 78:19

इमिसं परमेश्‍वरया विरोधय् थुकथं नवात, “छु परमेश्‍वरं मरुभूमिइ नं नसात्‍वँसा बियादी फु ला?

भजनसंग्रहया सफू 78:41

इमिसं तःकः हे परमेश्‍वरयागु मन स्‍वये धुंकल, अले इस्राएलया पवित्रम्‍हय्‌सित तं पिकाय्‌के बी धुंकल!

भजनसंग्रहया सफू 81:16

इस्राएलीतय्‌त धाःसा दक्‍वसिबय् भिंगु छ्व नकेगु खः, ल्‍वहं कस्‍तिं छिमित लुधंकिगु खः।”

इजकिएल 27:17

“‘यहूदा व इस्राएलं छलिसें व्‍यापार यात। छंगु मालतालया पलेसा इमिसं छन्‍त मिन्‍नीतयागु छ्व अले मरि, कस्‍ति, चिकं व मलम बिल।

मत्ती 14:17

इमिसं धाल – “जिमिके ला न्‍यापा मरि व निम्‍ह न्‍या जक दु।”

मत्ती 16:9

छिमिसं अज्‍ज नं मथूनि ला? न्‍याद्वः मनूतय्‌त न्‍यापा मरि इनाः नकागु ल्‍वःमन ला? अले छिमिसं कुचाकाचा जक ग्‍वःगः दालाय् मुंका?

मर्कूस 6:38

वय्‌कलं इमिके न्‍यनादिल – “छिमिके ग्‍वःपाः मरि दु? स्‍वसा।” इमिसं स्‍वयाः “न्‍यापा मरि व निम्‍ह न्‍या दु” धकाः धाल।

मर्कूस 8:19

न्‍याद्वः मनूतय्‌त नकेत जिं न्‍यापा मरि छिमित इनाबीत बियाबलय्, ग्‍वःगः दाला ल्‍यं दत?” इमिसं धाल – “झिंनिगः दाला।”

लूका 9:13

वय्‌कलं धयादिल – “इमित छिमिसं हे नकि।” अले इमिसं धाल – “जिमिके ला न्‍यापा मरि व निम्‍ह न्‍या जक दु। थुलिमछिसित नकेत ला न्‍याः हे वनेमानि का।”

यूहन्‍ना 11:21

मार्थां येशूयात धाल – “प्रभु, छि थन दीगु जूसा जिमि किजा सी मखुगु।

यूहन्‍ना 11:32

थुकथं मरियम वय्‌कः दीथाय् थ्‍यन, अले वय्‌कःयात खनेवं वय्‌कःयागु पालिइ भ्‍वपुयाः थथे धाल – “प्रभु, छि थन दीगु जूसा जिमि किजा सी मखुगु।”

यूहन्‍ना 21:10

वय्‌कलं इमित धयादिल – “नकतिनि लाना हयापिं न्‍या भचा थन हजि।”

यूहन्‍ना 21:13

वय्‌कलं मरि व न्‍या कयाः इमित इनाबियादिल।

यूहन्‍ना 21:9

सिथय् थ्‍यंबलय् इमिसं अन च्‍यानाच्‍वंगु ह्यंग्‍वालय् न्‍या व मरि तयातःगु खन।

यूहन्‍ना 6:11

अले वय्‌कलं मरि कयाः सुभाय् बियादी धुंकाः मनूतय्‌त इनादिल। थथे हे न्‍या नं कयाः इनादिल। थुकथं इमित यतले नकादिल।

यूहन्‍ना 6:7

अले फिलिपं वय्‌कःयात धाल – “थुलिमछि मनूतय्‌त भचा भचा जक नकूसां निसः दिनारया मरि नं गाइ मखु।”

२ कोरिन्‍थी 8:9

झी प्रभु येशू ख्रीष्‍ट गुलि ग्‍वाहालि यानादीम्‍ह प्रभु खः धकाः ला छिमिसं सि हे स्‍यू। वय्‌कः तःमि जुयाः नं छिमिगु निंतिं चीमि जुयादिल। थः चीमि जुयाः छिमित तःमि यायेत वय्‌कलं थथे यानादिल।

व्‍यवस्‍था 32:14

वय्‌कलं इमित सा-द्वहंया बथां व फैच्‍वलय्‌या पुचःपाखें धौ, दुरु बियादिल। स्‍वयेज्यूपिं चिधिकःपिं भ्‍याःचा व च्‍वलय्‌, दुगु व बाशानया भिंभिंपिं फैत अले भिंगु छुचुं इमित नकेत बियादिल। भिंगु दाखमद्य नं त्‍वनेत इमित बियादिल।

व्‍यवस्‍था 8:8

व देश छ्व, तछ्व, दाख, यःमरि, धालेसि, जैतूनया चिकं व कस्‍तिं जाःगु दु।

प्रकाश 6:6

प्‍यम्‍ह जीवात्‍मातय्‌गु दथुं थुकथं धयाहःगु सः जिं ताया – “न्‍हिच्‍छि ज्‍या याइम्‍हय्‌सित छगू किलो छ्वचुं ज्‍यालाबीमाः। अले तछ्व काइम्‍हय्‌सित जूसा स्‍वंगू किलो ज्‍यालाबीमाः। चिकं व दाखमद्ययात धाःसा स्‍यंके मते।”