यूहन्‍ना 6:68 - नेवाः बाइबल

⁶⁸ सिमोन पत्रुसं लिसः बिल – “प्रभु, जिपिं सुयाथाय् वनेगु? अनन्‍त जीवन बीगु खँ छिके जक दु।

यूहन्‍ना 6:68 ပူးပေါင်းရင်းမြစ်များ

भजनसंग्रहया सफू 73:25

स्‍वर्गय् छि बाहेक जि सु हे दु धकाः? पृथ्‍वीइ जितः छि बाहेक छु हे माःगु दु धकाः?

मत्ती 16:16

सिमोन पत्रुसं लिसः बिल – “छि म्‍वाःम्‍ह परमेश्‍वरया काय्, मुक्ति बीम्‍ह ख्रीष्‍ट खः।”

मर्कूस 8:29

अले वय्‌कलं न्‍यनादिल – “छिमिसं जितः सु धकाः धयाच्‍वना लय्?” पत्रुसं लिसः बिल – “छि मुक्ति बीम्‍ह ख्रीष्‍ट खः।”

लूका 9:20

अले वय्‌कलं इमित धयादिल – “छिमिसं जितः सु खः धयाच्‍वना लय्?” पत्रुसं लिसः बिल – “छि परमेश्‍वरयाम्‍ह मुक्ति बीम्‍ह ख्रीष्‍ट खः।”

यूहन्‍ना 12:49

जिं नवानाच्‍वनागु वचन जिगु थःगु हे मखु, बरु जिं छु छु धायेमाःगु व नवाये माःगु खः जितः छ्वयाहयादीम्‍ह बाःनं हे उजं बियादीगु खः।

यूहन्‍ना 12:50

वय्‌कःयागु उजं हे अनन्‍त जीवन खः धकाः जिं स्‍यू, उकिं जिं नवानागु खँ फुक्‍कं बाःनं धयादी थें हे नवानागु खः।”

यूहन्‍ना 17:8

छिं जितः बियादीगु खँ जिं इमित बी धुन। अले इमिसं नं ग्रहण यात। जि छिथासं वयागु खः धकाः इमिसं बांलाक सीके धुंकल, अले छिं जितः छ्वयाहयादीगु खः धकाः नं इमिसं विश्‍वास यानाच्‍वंगु दु।

यूहन्‍ना 5:24

“जिं छिमित खःगु खँ धाये – जिगु खँ न्‍यनाः जितः छ्वया हःम्‍हय्‌सित सुनां विश्‍वास याइ, वयात अनन्‍त जीवन दइ। थज्‍याःम्‍ह मनूयागु न्‍याय जुइ मखु, बरु सीम्‍वाय्‌क अनन्‍त जीवन दये धुंकी।”

यूहन्‍ना 6:40

काय्‌यात खंपिं व विश्‍वास याःपिन्‍त अनन्‍त जीवन बीगु हे जिमि बाःयात यःगु खँ खः। अले जिं इमित दकलय् लिपायागु दिनय् म्‍वाका बी।”

यूहन्‍ना 6:63

परमेश्‍वरयागु आत्‍मां हे जक अनन्‍त जीवन बी। शरीर छुं यायेत नं ज्‍यालगय् मजू। जिं छिमित धयाच्‍वनागु खँ जीवन बीगु परमेश्‍वरयागु आत्‍मा खः।

प्रेरित 13:26

“दाजुकिजापिं, अब्राहामया सन्‍तान जूसां वा परमेश्‍वरयात मानय् याइपिं यहूदीमखुपिं जूसां थ्‍व मुक्तियागु खँ परमेश्‍वरं झी फुक्‍कसितं छ्वयाहयादीगु खः।

प्रेरित 4:12

“अय्‌जूगुलिं येशूयागु नामं जक मुक्ति दइ, मेपिनिगु नामं मुक्ति दइ मखु। सारा संसारय् झीत बचय् याये फुम्‍ह मेम्‍हय्‌सिगु नां परमेश्‍वरं बियादीगु मदु।”

प्रेरित 5:20

“छिमिसं वनाः देगलय् च्‍वनाः थ्‍व न्‍हूगु जीवनयागु खँ मनूतय्‌त न्‍यंकाब्‍यु।”

प्रेरित 7:38

मरुभूमिइ सीनै पहाडय् स्‍वर्गदूतं वयात व इस्राएलीतय्‌त धाःगु परमेश्‍वरयागु खँ झी तापाःबाज्‍यापिन्‍त न्‍यंका जूम्‍ह नं मोशा हे खः।

प्रेरित 8:37

फिलिपं धाल – “छिं दुनुगलंनिसें विश्‍वास यानादियागु खःसा बप्‍तिस्‍मा कयादी फु।” अले वं लिसः बिल – “येशू ख्रीष्‍ट परमेश्‍वरया काय् खः धकाः जिं विश्‍वास याना।”