यूहन्‍ना 6:6 - नेवाः बाइबल

⁶ वय्‌कलं थःम्‍हं छु यायेत्‍यंगु स्‍यूसां वयागु मन स्‍वयेत थथे धयादीगु खः।

यूहन्‍ना 6:6 ပူးပေါင်းရင်းမြစ်များ

उत्‍पत्ति 22:1

छुं ई लिपा परमेश्‍वरं अब्राहामयात जाँचय् यायेत सःतादिल, “अब्राहाम!” वं लिसः बिल, “प्रभु, जि थन हे दु।”

२ इतिहास 32:31

तर बेबिलोनयापिं शासकतय्‌सं छ्वयाहःपिं दूतत देशय् खनेदुगु अजू चायापुगु चिंया बारे न्‍यंवःबलय् परमेश्‍वरं वयात जाँच यायेत व वयागु मनय् च्‍वंगु फुक्‍क खँ क्‍यनेत वयात त्‍वःतादिल।

२ कोरिन्‍थी 13:5

छिमिगु विश्‍वास गुलि बल्‍लाः धकाः स्‍वयेत छिमिसं थःम्‍हं थःत हे जाँचय् यानाः स्‍व। जाँचय् ताःलाःसा ख्रीष्‍ट छिपिंनाप दी धकाः छिमिसं सीमाःगु खः।

व्‍यवस्‍था 13:3

छिमिसं व अगमवक्ता वा म्‍हगसय् म्‍हनीम्‍ह मनूयागु खँ न्‍यने मते। व ला परमप्रभु छिमि परमेश्‍वरं छिमिसं थःगु प्राणं वय्‌कःयात माया या कि मया धकाः मन स्‍वयादीगु खः।

व्‍यवस्‍था 33:8

लेवी कुलया बारे वं धाल, “छिगु तुम्‍मीम व ऊरीम छितः यःपिं लेवीया सन्‍तानतय्‌गु ल्‍हातय् बियादीगु दु। छिं इमित मस्‍साहय् जाँचय् यानादिल, छिं इपिंलिसें मरीबाया लखय् ल्‍वानादिल।

व्‍यवस्‍था 8:16

मरुभूमिइ छिमित क्‍वमिलु यायेत व छिमिगु मन स्‍वयाः लिपा छिमिगु भिं यायेत वय्‌कलं छिमित छिमि पुर्खातय्‌सं मस्‍यूगु मन्‍ना नकादिल।

व्‍यवस्‍था 8:2

छिमित क्‍वमिलु यायेत, छिमिगु मन स्‍वयेत अले वय्‌कःया आज्ञा मानय् याइ कि मयाइ धकाः सीकेत थुपिं पिइदँ यंकं मरुभूमिया लँपुइ परमप्रभु छिमि परमेश्‍वर न्‍ह्यलुवाः जुयाः गथे यानाः छिमित हयादिल व लुमंकि।

प्रकाश 2:2

“छिमिसं दुःख सियाः यानाच्‍वंगु ज्‍याखँ, अले सह याये फक्‍व सह यानाच्‍वंगु व मभिंपिं मनूतय्‌त छिमिसं दुनुगलंनिसें हे मयय्‌कूगु, व प्रेरित मखुसां प्रेरित खः धकाः धया जूपिन्‍त फताहा सावित यानाः क्‍यनाब्‍यूगु फुक्‍कं जिं स्‍यू।