यूहन्‍ना 6:57 - नेवाः बाइबल

⁵⁷ जितः छ्वयाहयादीम्‍ह बाः गथे न्‍ह्याबलें म्‍वानाच्‍वनी, अथे हे बाःनं यानाः जि नं न्‍ह्याबलें म्‍वानाच्‍वनी। थुकथं जितः नःम्‍ह मनू नं जिं यानाः म्‍वानाच्‍वनी।

यूहन्‍ना 6:57 ပူးပေါင်းရင်းမြစ်များ

भजनसंग्रहया सफू 18:46

जिगु किल्‍ला परमप्रभुया प्रशंसा या, वय्‌कः म्‍वानाच्‍वंम्‍ह परमप्रभु खः। जितः बचय् यानादीम्‍ह परमेश्‍वरयात तःधंकि।

यर्मिया 10:10

तर परमप्रभु ला सत्‍य परमेश्‍वर खः, वय्‌कः ला, म्‍वाःम्‍ह परमेश्‍वर व सदांयाम्‍ह जुजु खः। वय्‌कः तंचायादीबलय् पृथ्‍वी खाइ। जाति जातितय्‌सं वय्‌कःया तं सह याये फइ मखु।

मत्ती 16:16

सिमोन पत्रुसं लिसः बिल – “छि म्‍वाःम्‍ह परमेश्‍वरया काय्, मुक्ति बीम्‍ह ख्रीष्‍ट खः।”

यूहन्‍ना 14:19

भचा जाय्‌काः संसारं जितः खनी मखुत। अय्‌नं छिमिसं धाःसा जितः खनी, छाय्‌धाःसा जि न्‍ह्याबलें दु, अले छिपिं नं न्‍ह्याबलें दइ।

यूहन्‍ना 14:6

वय्‌कलं धयादिल – “लँ, सत्‍य व जीवन जि हे खः। जिपाखें हे जक बाःयाथाय् वने फइ।

यूहन्‍ना 17:21

इपिं नं छप्‍पँ जुयाच्‍वनेमा। यःम्‍ह बाः, गथे छि जिके, अले जि छिके दु, अथे हे इपिं नं झीके छप्‍पँ जुयाच्‍वनेमा। थुकथं जूसा जक छिं जितः छ्वयाहःगु खः धकाः संसारं विश्‍वास याइ।

यूहन्‍ना 3:17

परमेश्‍वरं संसारयात न्‍याय यायेत थःकाय्‌यात छ्वयाहयादीगु मखु, बरु वय्‌कःयापाखें संसार बचय् जुइमा धकाः खः।

यूहन्‍ना 5:26

परमेश्‍वर बाः जीवनया मुहान खः, अथे हे वय्‌कलं थःकाय्‌यात नं जीवनया मुहान यानादिल।

यूहन्‍ना 6:29

वय्‌कलं लिसः बियादिल – “परमेश्‍वरं छ्वया हःम्‍हय्‌सित छिकपिन्‍सं विश्‍वास यायेगु हे परमेश्‍वरयागु ज्‍या खः।”

यूहन्‍ना 6:38

जि जिगु इच्‍छा मखु बरु जितः छ्वया हयादीम्‍हय्‌सित इच्‍छा पूवंकेत स्‍वर्गं वयाम्‍ह खः।

१ कोरिन्‍थी 15:22

गथे आदमं यानाः झीपिं सी माल, अथे हे ख्रीष्‍टं यानाः झीपिं सिनाः नं म्‍वाना वइ।

१ कोरिन्‍थी 15:45

धर्मशास्‍त्रय् नं थथे च्‍वयातःगु दु – “दकलय् न्‍हापायाम्‍ह आदम जीवन काःम्‍ह जुल। दकलय् लिपायाम्‍ह आदम जीवन बीम्‍ह आत्‍मा जुल।”

२ कोरिन्‍थी 13:4

अथे ला वय्‌कःयात क्रूसय् यख्‍खायाः स्‍याःबलय् वय्‌कः कमजोर तिनि। तर आः परमेश्‍वरया शक्तिं वय्‌कः म्‍वानादीगु दु। जिपिं नं वय्‌कः थें कमजोर तिनि। तर परमेश्‍वरया शक्तिं जिपिं वय्‌कःलिसे म्‍वानाच्‍वने। थ्‍व हे शक्ति जिमिसं छिमिगु दथुइ क्‍यने।

गलाती 2:20

जि ख्रीष्‍टनाप क्रूसय् सी धुन, जि थः हे म्‍वानाच्‍वनागु मखु, बरु ख्रीष्‍ट जिके म्‍वानादीगु खः। जि ला आः जितः माया यानाः जिगु निंतिं सिनादीम्‍ह परमेश्‍वरया काय्‌यात विश्‍वास यानाः म्‍वानाच्‍वनागु खः।

१ थेसलोनिकी 1:9

जिपिं छिमिथाय् वयाबलय् छिमिसं जिमित गुकथं लसकुस यात अले धात्‍थेंयाम्‍ह व म्‍वाःम्‍ह परमेश्‍वरयात सेवा यायेत छिपिं गुकथं मूर्ति पुजा यायेगु त्‍वःताः परमेश्‍वरपाखे फहिला वल धयागु खँ फुक्‍कसिनं धयाच्‍वंगु दु।

हिब्रू 9:14

म्‍वाःम्‍ह परमेश्‍वरयागु सेवा यायेत ख्रीष्‍टयागु हिं झन गुलि जक झीगु नुगः यचुक हुया बीगु जुइ? ख्रीष्‍टं पवित्र आत्‍मां जायाः खू मदुम्‍ह बां जुयाः थःत हे परमेश्‍वरयात छायादिल।

१ यूहन्‍ना 4:9

परमेश्‍वरं झीत माया यानादीगु दु धकाः थुकिं हे सी दु – झीत जीवन दयेमा धकाः वय्‌कलं थः याकः काय्‌यात संसारय् छ्वयाहयादिल।