यूहन्‍ना 6:54 - नेवाः बाइबल

⁵⁴ सुनां जिगु म्‍ह नइ, अले जिगु हि त्‍वनी, वयाके अनन्‍त जीवन दइ। अले वयात दकलय् लिपायागु दिनय् जिं म्‍वाका बी।

यूहन्‍ना 6:54 ပူးပေါင်းရင်းမြစ်များ

भजनसंग्रहया सफू 22:26

नये मखंपिन्‍सं लुधंक नयेखनी परमप्रभुयात मालाजुइपिन्‍सं वय्‌कःयात तःधंकी। इमिगु नुगः न्‍ह्याबलें लसतां जायाच्‍वनी।

यूहन्‍ना 4:14

तर जिं बियागु लः त्‍वनीपिं मनूतय्‌त गुबलें हे प्‍याः चाइ मखु। जिं बियागु लः हे व मनूयाके बुंगाःचा थें जुयाः अनन्‍त जीवन तक बुयावया च्‍वनी।”

यूहन्‍ना 6:27

सितिं वनीगु नसायागु निंतिं ज्‍या याये मते, बरु मनूया काय्‌नं बीगु अनन्‍त जीवन तक दयाच्‍वनीगु नसायागु निंतिं ज्‍या या। परमेश्‍वर बाःनं जितः थ्‍व हे ज्‍या यायेत छ्वयाहयादीगु खः।”

यूहन्‍ना 6:47

“जिं छिमित खःगु खँ धाये, सुनां विश्‍वास याइ, वयाके अनन्‍त जीवन दइ।

यूहन्‍ना 6:55

जिगु म्‍ह धात्‍थें हे नसा खः, अले जिगु हि धात्‍थें हे त्‍वनेगु खः।

यूहन्‍ना 6:63

परमेश्‍वरयागु आत्‍मां हे जक अनन्‍त जीवन बी। शरीर छुं यायेत नं ज्‍यालगय् मजू। जिं छिमित धयाच्‍वनागु खँ जीवन बीगु परमेश्‍वरयागु आत्‍मा खः।

गलाती 2:20

जि ख्रीष्‍टनाप क्रूसय् सी धुन, जि थः हे म्‍वानाच्‍वनागु मखु, बरु ख्रीष्‍ट जिके म्‍वानादीगु खः। जि ला आः जितः माया यानाः जिगु निंतिं सिनादीम्‍ह परमेश्‍वरया काय्‌यात विश्‍वास यानाः म्‍वानाच्‍वनागु खः।