यूहन्‍ना 6:53 - नेवाः बाइबल

⁵³ उकिं वय्‌कलं इमित धयादिल – “जिं छिमित खःगु खँ धाये – मनूया काय्‌यागु ला व हि मनय्‌कं छिमिके जीवन दइ मखु।

यूहन्‍ना 6:53 ပူးပေါင်းရင်းမြစ်များ

मत्ती 18:3

धयादिल – “जिं छिमित धात्‍थें धाये – छिमिसं थःगु बिचाः व बानी त्‍वःताः मस्‍त थें मजुल धाःसा छिमित स्‍वर्गयागु राज्‍यय् दुकाइ मखु।

मत्ती 5:18

जिं छिमित धात्‍थें धाये – आकाश व पृथ्‍वी दतले व्‍यवस्‍थाय् च्‍वयातःगु चिकिचाधंगु छगू नं सितिं वनी मखु, बरु अथे च्‍वयातःगु छकुचा दतले पूवनी।

मत्ती 8:20

वय्‌कलं लिसः बियादिल – “ध्‍वंतय् च्‍वनेत प्‍वाः दु, झंगःतय् च्‍वनेत स्‍वँ दु, मनूया काय्‌या धाःसा छ्यं दिकेत नं थाय् मदु।”

लूका 13:3

जिं छिकपिन्‍त धाये – अथे मखु, छिकपिन्‍सं पश्‍चाताप मयाःसा छिकपिं नं इपिं थें सी माली।

लूका 13:5

जिं छिकपिन्‍त धाये – अथे मखु, छिकपिन्‍सं पश्‍चाताप मयाःसा छिकपिं नं इपिं थें सी माली।”

यूहन्‍ना 13:8

वं धाल – “छिं जिगु तुति सिलादी जि हे मज्‍यू।” अले वय्‌कलं लिसः बियादिल – “जिं छंगु तुति मस्‍यूसा छ जिम्‍ह जुइ फइ मखु।”

यूहन्‍ना 15:4

छिपिं जिके च्‍वनाच्‍वँ, जि नं छिमिके च्‍वने। गथे कचां दाखमाय् मच्‍वंकं दाख सय्‌के फइ मखु, अथे हे छिपिं नं जिके च्‍वना मच्‍वंसा फल सय्‌के फइ मखु।

यूहन्‍ना 3:3

वय्‌कलं लिसः बियादिल – “जिं छितः खःगु खँ धाये – न्‍हूकथं हानं जन्‍म मजुइकं मनूतय्‌सं परमेश्‍वरयागु राज्‍य खनी मखु।”

यूहन्‍ना 3:36

वय्‌कःया काय्‌यात विश्‍वास याइम्‍हय्‌सिके अनन्‍त जीवन दु। काय्‌नं धाःगु मानय् मजूम्‍हय्‌सिनं थज्‍याःगु जीवन कायेखनी मखु, थज्‍याःम्‍हय्‌सित परमेश्‍वरं तं दिकादी।”

यूहन्‍ना 3:5

वय्‌कलं लिसः बियादिल – “जिं छितः खःगु खँ धाये, मनूत लखं व परमेश्‍वरया आत्‍मां जन्‍म मजुइकं परमेश्‍वरयागु राज्‍यय् दुहां वने फइ मखु।

यूहन्‍ना 6:47

“जिं छिमित खःगु खँ धाये, सुनां विश्‍वास याइ, वयाके अनन्‍त जीवन दइ।

यूहन्‍ना 6:51

स्‍वर्गं वःगु अनन्‍त जीवन दुगु मरि जि हे खः। थ्‍व मरि सुनानं नल धाःसा व न्‍ह्याबलें म्‍वानाच्‍वनी। संसारयात जिं बीत्‍यनागु अनन्‍त जीवन बीगु मरि जिगु म्‍ह खः।”

यूहन्‍ना 6:55

जिगु म्‍ह धात्‍थें हे नसा खः, अले जिगु हि धात्‍थें हे त्‍वनेगु खः।

यूहन्‍ना 6:62

मनूया काय् वय्‌कःया न्‍हापायागु थासय् तुं लिहां वंगु खन धाःसा छिमिसं छु यायेगु?

१ यूहन्‍ना 5:12

सुयाके काय् दु वयाके थ्‍व अनन्‍त जीवन दइ, सुयाके परमेश्‍वरया काय् मदु वयाके थ्‍व अनन्‍त जीवन दइ मखु।

प्रकाश 2:17

“सुयाके न्‍हाय्‌पं दु वं आत्‍मां मण्‍डलीतय्‌त छु धयादिल धयागु न्‍यनाः थुइकाः का – त्‍याःम्‍हय्‌सित जिं सुचुका तयागु मन्‍ना बी। अले छगू न्‍हूगु नां च्‍वयातःगु तुयुगु ल्‍वहं छगः नं बी। व काःम्‍हय्‌सिनं जक थ्‍व नां थुइ, मेपिन्‍सं थुइ मखु।

प्रकाश 2:7

“सुयाके न्‍हाय्‌पं दु वं आत्‍मां मण्‍डलीतय्‌त छु धयादिल धयागु न्‍यनाः थुइकाः का – त्‍याका वःपिन्‍त जिं परमेश्‍वरयागु स्‍वर्गय् च्‍वंगु जीवन बीगु सिमायागु फल नकेबी।