यूहन्‍ना 6:52 - नेवाः बाइबल

⁵² अले यहूदीतय् नायः थःथवय् थथे धकाः कचकच हाल – “थ्‍व मनुखं थःगु म्‍ह झीत गथे यानाः नकेत बी फइ?”

यूहन्‍ना 6:52 ပူးပေါင်းရင်းမြစ်များ

यूहन्‍ना 1:19

यरूशलेमय् च्‍वंपिं यहूदी नायःतय्‌सं पुजाहारी व लेवीतय्‌त “यूहन्‍ना धाःम्‍ह सु खः” धकाः न्‍यंके छ्वयाहल।

यूहन्‍ना 10:19

थ्‍व न्‍यनाः यहूदीतय् नायःत थथः हे बाल।

यूहन्‍ना 3:4

निकोदेमसं वय्‌कःयात धाल – “बुरा जुइ धुंकाः मनूत हानं गथे यानाः जन्‍म जुइ? हानं छकः मांयागु प्‍वाथय् दुहां वनाः जन्‍म जुइगु ला?”

यूहन्‍ना 3:9

अले वं न्‍यन – “थथे नं जुइ फइ ला?”

यूहन्‍ना 4:11

अले व मिसां धाल – “हजुर, तुं तसकं हे तःजाः, लः सालेत छिके छुं हे मदु। छिं जीवन दइगु लः गनं कयादी?

यूहन्‍ना 6:41

“स्‍वर्गं ब्‍यूगु मरि जि हे खः” धकाः वय्‌कलं धयादीगुलिं व खँ न्‍यंपिन्‍सं वय्‌कःया विरोधय् खँ ल्‍हात।

यूहन्‍ना 6:60

थ्‍व न्‍यनाः वय्‌कःया चेलातय्‌सं धाल – “थ्‍व ला तसकं थाकुगु खँ खः, थज्‍याःगु खँ सुनां न्‍यने फइ?”

यूहन्‍ना 9:16

गुम्‍हं गुम्‍हं फरिसीतय्‌सं धाल – “विश्रामबार मानय् मयाःगुलिं थ्‍व मनू परमेश्‍वरयाम्‍ह मखु।” हानं गुलिंसिनं धाल – “छम्‍ह पापी मनुखं थपाय्‌धंगु चिं गथे याये फइ?” थुकथं इमि दथुइ खँ मिलय् मजुल।

प्रेरित 17:32

थथे पावलं सीम्‍ह म्‍वाकूगु धकाः धाःगु खँ न्‍यनाः गुलिसिनं वयात हिस्‍यात, अले गुलिसिनं थथे धाल – “थ्‍व खँ जिमिसं हानं न्‍यने मानि।”

१ कोरिन्‍थी 2:14

परमेश्‍वरयागु आत्‍मा मदुपिन्‍सं वय्‌कःयागु आत्‍मां बियादीगु खँ काये फइ मखु। अज्‍याःम्‍ह मनुखं थज्‍याःगु खँ थुइके फइ मखु, उकिं थज्‍याःगु खँ वयागु निंतिं मूर्ख खँ जक जुइ। थज्‍याःगु खँ ला परमेश्‍वरया मनूतय्‌सं जक थुइके फइ।