यूहन्‍ना 6:44 - नेवाः बाइबल

⁴⁴ जितः छ्वयाहयादीम्‍ह बाःनं छ्वयाहया मदीकं सुं नं जिथाय् वये फइ मखु। जिथाय् वःम्‍हय्‌सित दकलय् लिपायागु दिनय् जिं म्‍वाका बी।

यूहन्‍ना 6:44 ပူးပေါင်းရင်းမြစ်များ

श्रेष्‍ठगीत 1:4

जितः छिनापं हे यंकादिसँ, झीपिं याकनं हे बिस्‍युं वनेनु! जुजुं जितः थः द्यनेगु कोथाय् यंकादीमा। जिपिं छिके लय्‌ताये अले खुशी जुये, अले दाखमद्य स्‍वयाः नं छिगु मायाया प्रशंसा याये। इमिसं छितः ल्‍वय्‌क माया याइ।

यर्मिया 13:23

छु हब्‍सीनं थःगु छेंगू व चितुवां थःगु चातः हिले फइ ला? न छिपिं मभिं ज्‍या यायेगु बानी दुपिन्‍सं भिं याये फइ।

यर्मिया 31:3

परमप्रभु पुलांगु इलय् थथे धाधां झीथाय् खनेदय्‌कः झाल, “जिं छन्‍त न्‍ह्याबलें दयाच्‍वनीगु मायां माया यानागु दु। उकिं जिं छन्‍त करुणा यानाः थःथाय् हयागु दु।

होशे 11:4

जिं इमित मनूतय्‌गु दया व मायाया खिपतं सालाः हया। इमिगु गःपतं जुवा ल्‍ह्वनाबिया अले इमित नकेत जि क्‍वछुना।

मत्ती 12:34

अय् सर्पया मस्‍त, छिपिं थें ज्‍याःपिं मभिंपिं मनूतय्‌सं गथे यानाः भिंगु खँ ल्‍हाये फइ? छाय्‌धाःसा नुगलय् च्‍वंगु खँ हे म्‍हुतुं नवाइ।

मत्ती 16:17

वय्‌कलं वयात धयादिल – “योनाया काय् सिमोन, छ धन्‍य खः, छाय्‌धाःसा छं थ्‍व खँ मनूतय्‌पाखें सय्‌काः धाःगु मखु, बरु स्‍वर्गय् च्‍वनादीम्‍ह जिमि बाःनं हे छन्‍त थ्‍व खँ धाय्‌कादीगु खः।

यूहन्‍ना 12:32

जितः यख्‍खाइबलय् जिं फुक्‍क मनूयात थःथाय् सालाकाये।”

यूहन्‍ना 5:44

छिमिसं थःथवय् तःधंका च्‍वन, तर परमेश्‍वरं तःधंकीगुलिइ छिमिसं वास्‍ता मया। छिमिसं गथे यानाः विश्‍वास याये फइ?

यूहन्‍ना 6:43

वय्‌कलं इमित लिसः बिल – “छिमिसं थःथवय् जिगु विरोध यानाः खँ ल्‍हाये माःगु मदु।

यूहन्‍ना 6:45

थुपिं फुक्‍कं परमेश्‍वरं स्‍यना तःपिं जुइ धकाः अगमवक्तातय्‌सं च्‍वया थकूगु दु। बाःयागु खँ न्‍यनाः सय्‌का सीका काःपिं फुक्‍कं जिथाय् वइ।

यूहन्‍ना 6:65

अले वय्‌कलं धयादिल – “अय्‌जूगुलिं हे ला खः नि, बाःनं छ्वयाहया मदीकं सुं नं वये फइ मखु धकाः जिं छिमित धयागु।”

यूहन्‍ना 8:43

जिं धयागु खँ छिकपिन्‍सं गथे मथूगु? जिगु खँ न्‍यने मास्‍ति मवःगुलिं छिकपिन्‍सं जिगु खँ मथूगु खः।

फिलिप्‍पी 1:29

ख्रीष्‍टयात विश्‍वास यानाच्‍वनेत जक मखु, वय्‌कःया निंतिं छिमिसं दुःखकष्‍ट नं सीमाः धकाः वय्‌कलं थथे यानादीगु खः।

कलस्‍सी 2:12

बप्‍तिस्‍मा काःबलय् छिमिसं थःत वय्‌कःनापं तुं थुन। अले सीम्‍ह ख्रीष्‍टयात म्‍वाकादीम्‍ह परमेश्‍वरयागु शक्तियात विश्‍वास याःगुलिं वय्‌कः नाप तुं हानं म्‍वानावःगु दु।