यूहन्‍ना 6:32 - नेवाः बाइबल

³² वय्‌कलं धयादिल – “जिं छिमित खःगु खँ धाये – मनूतय्‌त नकेत स्‍वर्गं मरि ब्‍यूम्‍ह मोशा मखु। जिमि बाःनं जक छिमित स्‍वर्गं धात्‍थेंयागु मरि बियादी।

यूहन्‍ना 6:32 ပူးပေါင်းရင်းမြစ်များ

भजनसंग्रहया सफू 78:23

अय्‌जूसां वय्‌कलं आकाशयात उजं बियादिल, अले स्‍वर्गयागु लुखा चाय्‌कादिल।

प्रस्‍थान 16:4

अले परमप्रभुं मोशायात धयादिल, “स्‍व, जिं छिमिगु निंतिं स्‍वर्गं मरि गाय्‌काहये। मनूतय्‌सं न्‍हियान्‍हिथं पिने वनाः उखुन्‍हुयात थःत माक्‍व नसा मुनेमाः। थुकथं इपिं जिं धयाकथं जुइ कि मजुइ धकाः जिं स्‍वये।

प्रस्‍थान 16:8

मोशां हानं धाल, “परमप्रभुं छिमित बहनिइ नयेत ला व सुथय् माक्‍व नसा बीबलय् छिमिसं थ्‍व फुक्‍क वय्‌कलं यानाच्‍वंगु खः धकाः सी। छाय्‌धाःसा वय्‌कलं छिमिसं वय्‌कःया विरोधय् याःगु कचकच न्‍यनादीगु दु। छिमिसं जिमिगु विरोधय् मखु, बरु परमप्रभुया विरोधय् कचकच यानाच्‍वंगु दु।”

यूहन्‍ना 1:9

फुक्‍क मनूतय्‌गु नुगलय् थीगु धात्‍थेंयागु जः ला संसारय् झायाच्‍वंगु दु।

यूहन्‍ना 15:1

“धात्‍थेंयागु दाखमा जि हे खः, अले दाखमायात स्‍वइम्‍ह जिमि बाः खः।

यूहन्‍ना 6:31

जिमि तापाःबाज्‍यापिन्‍सं मरुभूमिइ मन्‍ना नल धकाः थथे च्‍वयातःगु दु – ‘वय्‌कलं मनूतय्‌त नकेत स्‍वर्गं मरि बियादिल।’”

यूहन्‍ना 6:33

स्‍वर्गं क्‍वहां वयाः मनूतय्‌त अनन्‍त जीवन बीम्‍ह हे परमेश्‍वरं बियादीगु मरि खः।”

यूहन्‍ना 6:35

वय्‌कलं धयादिल – “जीवन बीगु मरि जि हे खः। जिथाय् वइम्‍ह मनूयात गुबलें हे नयेपित्‍याइ मखु। अथे हे जितः विश्‍वास याइम्‍ह मनूयात गुबलें हे प्‍याः चाइ मखु।

यूहन्‍ना 6:41

“स्‍वर्गं ब्‍यूगु मरि जि हे खः” धकाः वय्‌कलं धयादीगुलिं व खँ न्‍यंपिन्‍सं वय्‌कःया विरोधय् खँ ल्‍हात।

यूहन्‍ना 6:50

तर स्‍वर्गं क्‍वहां वःगु थ्‍व मरि नःपिं सुं नं सी मखु।

यूहन्‍ना 6:55

जिगु म्‍ह धात्‍थें हे नसा खः, अले जिगु हि धात्‍थें हे त्‍वनेगु खः।

यूहन्‍ना 6:58

स्‍वर्गं वःगु मरि थ्‍व हे खः। छिमि तापाःबाज्‍यापिन्‍सं मन्‍ना नयाः नं सिनावन, थ्‍व अज्‍याःगु मरि मखु, थ्‍व मरि नःम्‍ह मनू गुबलें हे सी मखु।”

गलाती 4:4

परमेश्‍वरं धयादीगु ई वयेवं परमेश्‍वरं वय्‌कःया काय्‌यात छ्वयाहयादिल। वय्‌कः मिसाम्‍हय्‌सिगु क्‍वखं बुल। अले यहूदीतय्‌गु व्‍यवस्‍था मानय् यानाः च्‍वनादिल।

१ यूहन्‍ना 5:20

परमेश्‍वरया काय् झायाः झीत धात्‍थेंयाम्‍ह परमेश्‍वर म्‍हसीकादिल। थ्‍व खँ झीसं स्‍यू। धात्‍थेंयाम्‍ह परमेश्‍वरया काय् येशू ख्रीष्‍टनाप झीगु जीवन नं प्‍यपुनाच्‍वंगु दु। थ्‍व हे सत्‍य परमेश्‍वर खः, अले हानं थ्‍व हे परमेश्‍वर अनन्‍त जीवन नं खः।