यूहन्‍ना 6:31 - नेवाः बाइबल

³¹ जिमि तापाःबाज्‍यापिन्‍सं मरुभूमिइ मन्‍ना नल धकाः थथे च्‍वयातःगु दु – ‘वय्‌कलं मनूतय्‌त नकेत स्‍वर्गं मरि बियादिल।’”

यूहन्‍ना 6:31 ပူးပေါင်းရင်းမြစ်များ

नहेम्‍याह 9:15

“इपिं नय्‌पित्‍याःबलय् छिं स्‍वर्गं नयेत मरि बियादिल, प्‍याचाःबलय् त्‍वनेत ल्‍वहँतं लः पिकयादिल। छिं इमित बी धकाः बाचा यानादीगु देशय् अधिकार यायेगु आज्ञा बियादिल।

नहेम्‍याह 9:20

इमित छिं स्‍यनेकने यायेत थःगु भिंगु आत्‍मा बियादिल, छिं इमिगु म्‍हुतुं छिगु मन्‍न चीका मदी व इपिं प्‍याचाःबलय् छिं इमित लः बियादिल।

भजनसंग्रहया सफू 105:40

इमिसं फ्‍वंबलय् वय्‌कलं इमिथाय् बट्टाई झंगःत छ्वयादिल। वय्‌कलं स्‍वर्गं मरि बियाः इमिगु प्‍वाः जाय्‌कादिल।

प्रस्‍थान 16:35

इस्राएलीतय्‌सं बाचा चिनातःगु देशय् मथ्‍यंतले पिइदँ तक मन्‍न नयाच्‍वन। कनान देशय् मथ्‍यंतले इमिसं मन्‍न नयाच्‍वन।

यूहन्‍ना 6:32

वय्‌कलं धयादिल – “जिं छिमित खःगु खँ धाये – मनूतय्‌त नकेत स्‍वर्गं मरि ब्‍यूम्‍ह मोशा मखु। जिमि बाःनं जक छिमित स्‍वर्गं धात्‍थेंयागु मरि बियादी।

यूहन्‍ना 6:49

छिमि तापाःबाज्‍यापिन्‍सं मरुभूमिइ मन्‍ना नसां सिनावन।

यूहन्‍ना 6:58

स्‍वर्गं वःगु मरि थ्‍व हे खः। छिमि तापाःबाज्‍यापिन्‍सं मन्‍ना नयाः नं सिनावन, थ्‍व अज्‍याःगु मरि मखु, थ्‍व मरि नःम्‍ह मनू गुबलें हे सी मखु।”

१ कोरिन्‍थी 10:3

इपिं फुक्‍कसिनं छता हे आत्‍मायागु नसा नल,

व्‍यवस्‍था 8:3

वय्‌कलं छिमित नये पित्‍याकादिल। अले छिमिसं व छिमि पुर्खातय्‌सं मस्‍यूगु मन्‍ना नकादिल। मनूत मरिं जक मखु अय्‌नं परमप्रभुया म्‍हुतुं पिहां वःगु छगू छगू वचनं म्‍वाइ धयागु खँ थुइकाबीत थथे यानादीगु खः।

यहोशू 5:12

इमिसं व देशय् सःगु अन्‍न नःगु कन्‍हय् खुन्‍हु हे मन्‍ना कुतुं वयेगु दित। उबलय् निसें इस्राएलीतय्‌के मन्‍ना हानं गुबलें मन्‍त। उकिं उगु दंनिसें इमिसं कनान देशयागु अन्‍न नल।

प्रकाश 2:17

“सुयाके न्‍हाय्‌पं दु वं आत्‍मां मण्‍डलीतय्‌त छु धयादिल धयागु न्‍यनाः थुइकाः का – त्‍याःम्‍हय्‌सित जिं सुचुका तयागु मन्‍ना बी। अले छगू न्‍हूगु नां च्‍वयातःगु तुयुगु ल्‍वहं छगः नं बी। व काःम्‍हय्‌सिनं जक थ्‍व नां थुइ, मेपिन्‍सं थुइ मखु।