यूहन्‍ना 6:30 - नेवाः बाइबल

³⁰ अले इमिसं धाल – “अय्‌सा छिं जिमित छु चिं क्‍यनादी? गुकिं यानाः जिमिसं छितः विश्‍वास याये फइ? छिं छु ज्‍या यानाः क्‍यनादी फु?

यूहन्‍ना 6:30 ပူးပေါင်းရင်းမြစ်များ

१ राजा 13:3

उखुन्‍हु हे परमेश्‍वरया मनुखं थथे धयाः छगू चिं बिल, “परमप्रभुं धयादीगु चिं थ्‍व हे खः। स्‍व! थ्‍व वेदी कुचा कुचा जुयाः दुनी अले थुकी दुगु नौ बँय् वाइ।”

१ राजा 13:5

परमप्रभुया वचनपाखें परमेश्‍वरया मनुखं ब्‍यूगु चिंकथं आकाझाकां वेदी कुचा कुचा जुयाः दुन अले नौ बँय् वात।

प्रस्‍थान 4:8

अले परमप्रभुं धयादिल, “इमिसं छंगु न्‍हापांगु अजू चायापुगु चिंयात पत्‍याः मयासां लिपायागु चिंयात पत्‍याः याये फु।

प्रस्‍थान 7:9

“फारोनं छिमित, ‘छुं अजू चायापुगु ज्‍या क्‍यँ,’ धकाः धाइबलय् छं हारूनयात धा, ‘छिं थःगु कथि फारोया न्‍ह्यःने वांछ्वयादिसँ,’ अले व सर्प जुइ।”

यशैया 5:19

धिक्‍कार दु इमित, गुपिन्‍सं परमप्रभुयात चुनौती बियाः थथे धाइ, “वय्‌कः छाय् हथाय् चायामदीगु अले वय्‌कलं यानादीगु ज्‍या छाय् याकनं झीत मक्‍यंगु छाय् इस्राएलया पवित्र परमेश्‍वरं झायाः थःगु योजना पूवंकामदीगु? अले झीसं व फुक्‍क सीगु।”

मर्कूस 15:32

इस्राएलीतय् जुजु, अले मुक्ति बीम्‍ह ख्रीष्‍ट खः धयागु जूसा क्रूसं क्‍वहां वयाः क्‍यँ। अले जिमिसं विश्‍वास याये।” वय्‌कः नाप क्रूसय् यख्‍खाया तःपिन्‍सं नं वय्‌कःयात गिजय् यात।

मर्कूस 8:11

फरिसीत वयाः वय्‌कः नाप खँ ल्‍हाः वल। इमिसं वय्‌कःयात जाँचय् यायेत स्‍वर्गं छगू चिं हजि धकाः फ्‍वन।

यूहन्‍ना 10:38

जिं परमेश्‍वरयागु ज्‍या यानाच्‍वनागु दुसा जितः विश्‍वास मयाःसां जिं यानागु ज्‍या यात विश्‍वास यानादिसँ। उकिं जिके बाः दी, अले जि बाःयाके दु धकाः छिकपिन्‍सं सीकादिसँ, थुइकादिसँ।”

यूहन्‍ना 12:37

इमिसं खंक खंक हे उलिमछि चिं वय्‌कलं यानाः क्‍यनादिल नं इमिसं वय्‌कःयात विश्‍वास मयाः।

यूहन्‍ना 2:18

थथे यानादीगुलिं नायःतय्‌सं वय्‌कःयात धाल – “छु छिके थथे यानादीगु अधिकार दु ला? अथे जूसा छु छिं जिमित अजू चायापुगु ज्‍या व चिं क्‍यनादी फु?”

यूहन्‍ना 4:8

अबलय् वय्‌कःया चेलात नयेगु नसा न्‍यायेत शहरय् वनाच्‍वंगु खः।

यूहन्‍ना 6:14

थुकथं वय्‌कलं यानादीगु चिं खनाः मनूतय्‌सं थथे धाल – “धात्‍थें, संसारय् वइ धाःम्‍ह अगमवक्ता ला थ्‍व हे खः।”

यूहन्‍ना 6:2

वय्‌कलं यक्‍व ल्‍वय् लाय्‌कादीगु खनाः ग्‍वाः ग्‍वाः मनूत वय्‌कःया ल्‍यूल्‍यू जुल।

यूहन्‍ना 6:36

अय्‌नं जिं छिमित धाये – छिमिसं जितः खनाः नं विश्‍वास मयाः।

प्रेरित 4:30

थथे हे ल्‍वय् लाय्‌केत छिं ल्‍हाः चकंकादिसँ। छिकपिनि पवित्रम्‍ह सेवक येशूयागु नामं अजू चायापुगु ज्‍या व चिं यानाक्‍यने फय्‌कादिसँ।”

१ कोरिन्‍थी 1:22

थ्‍व खँ धात्‍थें हे खः धकाः सीकेत यहूदीतय्‌सं चिं माला जुइ, अले ग्रीकतय्‌सं ज्ञान माला जुइ।

हिब्रू 2:4

अले हानं थ्‍व खँ सत्‍य खः धकाः झीत क्‍यनेत परमेश्‍वरं हे ततःधंगु शक्ति व अजू चायापुगु ज्‍या व चिं यानादिल। परमेश्‍वरं थःत यःपिन्‍त पवित्र आत्‍मायागु वरदान नं बियादिल।