यूहन्‍ना 6:2 - नेवाः बाइबल

² वय्‌कलं यक्‍व ल्‍वय् लाय्‌कादीगु खनाः ग्‍वाः ग्‍वाः मनूत वय्‌कःया ल्‍यूल्‍यू जुल।

यूहन्‍ना 6:2 ပူးပေါင်းရင်းမြစ်များ

मत्ती 12:15

थ्‍व खँ सियाः येशू अनं झाल। यक्‍व हे मनूत वय्‌कःया ल्‍यूल्‍यू वन। वय्‌कलं म्‍हंमफुपिं दक्‍वसित लाय्‌कादिल।

मत्ती 13:2

वय्‌कःया जवंखवं यक्‍व हे मनूत मुंवःगुलिं वय्‌कः नांचाय् च्‍वनादिल। मनूत जक समुद्रया सिथय् दनाच्‍वन।

मत्ती 14:14

नांचां क्‍वहां झाःबलय् ग्‍वाः ग्‍वाः मनूतय्‌त खनाः वय्‌कःयात तसकं माया वन, अले उसाँय् मदुपिन्‍त लाय्‌कादिल।

मत्ती 8:1

येशू पहाडं क्‍वहां झाय्‌वं ग्‍वाः ग्‍वाः मनूत वय्‌कः नाप वन।

मर्कूस 1:45

व मनुखं धाःसा वनाः फुक्‍क थासय् थ्‍व खँ बय्‌बय् यानाबिल। थुकिं यानाः येशूयात शहरय् वयेत थाकुल अले वय्‌कः सुं मदुथाय् च्‍वंझाल। मनूत धाःसा प्‍यखेरं वय्‌कःयाथाय् वयाच्‍वन।

मर्कूस 6:33

थथे वनाच्‍वंगु खंकाः मनूतय्‌सं वय्‌कःपिन्‍त म्‍हसीकल। अले इपिं गां गामं ब्‍वाँय् ब्‍वाँय् वनाः वय्‌कःपिं स्‍वयाः न्‍हापा हे थ्‍यंकाच्‍वन।

यूहन्‍ना 11:47

उकिं तःधंपिं पुजाहारीत व फरिसीत मुनाः थथे धकाः सल्‍लाह यात– “आः झीसं छु यायेगु? थ्‍व मनुखं यक्‍व हे अजू चायापुगु चिं यानाः क्‍यनाच्‍वन।

यूहन्‍ना 12:18

वय्‌कलं सीम्‍ह म्‍वाकादिल धकाः न्‍यनाः ग्‍वाः ग्‍वाः मनूतय्‌सं वय्‌कःयात नापलाः वल।

यूहन्‍ना 12:37

इमिसं खंक खंक हे उलिमछि चिं वय्‌कलं यानाः क्‍यनादिल नं इमिसं वय्‌कःयात विश्‍वास मयाः।

यूहन्‍ना 2:11

वय्‌कलं गालील जिल्‍लाया काना शहरय् दकलय् न्‍हापांगु थ्‍व अजू चायापुगु ज्‍या यानाः थःगु महिमा क्‍यनादिल। थथे यानादीगुलिं चेलातय्‌सं वय्‌कःयात विश्‍वास यात।

यूहन्‍ना 2:23

छुत्‍काराया नखःबलय् यरूशलेमय् वय्‌कलं यानादीगु अजू चायापुगु ज्‍या खंगुलिं यक्‍व हे मनूतय्‌सं वय्‌कःयात विश्‍वास यात।

यूहन्‍ना 20:30

येशूं चेलातय् न्‍ह्यःने थ्‍व स्‍वयाः अप्‍वः हे अजू चायापुगु ज्‍या यानादीगु दु। थ्‍व सफुलिइ फुक्‍कं च्‍वयातःगु मदु।

यूहन्‍ना 3:2

छन्‍हु चान्‍हय् व येशूयाथाय् वयाः धाल – “गुरुजु, छि परमेश्‍वरं छ्वयाहयादीम्‍ह गुरु खः धकाः जिमिसं स्‍यू। परमेश्‍वर छिनाप दीगुलिं सुनानं याये मफुगु चिं छिं यानादी फु।”

यूहन्‍ना 6:14

थुकथं वय्‌कलं यानादीगु चिं खनाः मनूतय्‌सं थथे धाल – “धात्‍थें, संसारय् वइ धाःम्‍ह अगमवक्ता ला थ्‍व हे खः।”

यूहन्‍ना 6:22

कन्‍हय् खुन्‍हु समुद्र पारिइ च्‍वनाच्‍वंपिं मनूतय्‌सं अन छगः हे जक नांचा दुगु, अले येशू चेलात नाप नांचाय् च्‍वना मदीगु, व चेलात जक वंगु खँ सिल।

यूहन्‍ना 6:26

वय्‌कलं इमित लिसः बियादिल – “जिं छिमित खःगु खँ धाये – जिं यानागु चिं खनाः छिमिसं जितः माःजूगु मखु, बरु प्‍वाः जाय्‌क मरि नयेदुगुलिं जक जितः माःजूगु खः।

यूहन्‍ना 6:30

अले इमिसं धाल – “अय्‌सा छिं जिमित छु चिं क्‍यनादी? गुकिं यानाः जिमिसं छितः विश्‍वास याये फइ? छिं छु ज्‍या यानाः क्‍यनादी फु?