यूहन्‍ना 6:14 - नेवाः बाइबल

¹⁴ थुकथं वय्‌कलं यानादीगु चिं खनाः मनूतय्‌सं थथे धाल – “धात्‍थें, संसारय् वइ धाःम्‍ह अगमवक्ता ला थ्‍व हे खः।”

यूहन्‍ना 6:14 ပူးပေါင်းရင်းမြစ်များ

उत्‍पत्ति 49:10

यहूदाया ल्‍हातिइ न्‍ह्याबलें राजदण्‍ड दइ, वया सन्‍तानं न्‍ह्याबलें शासन याइ। जाति जातितय्‌सं वयात कोसेलि हइ अले इमिसं वयाः वयात भागि याइ।

मत्ती 11:3

“झायादी माःम्‍ह छि हे खः ला कि जिमिसं मेम्‍हय्‌सिगु लँ स्‍वयाच्‍वनेमाः नि?”

मत्ती 21:11

अले वय्‌कःया ल्‍यूल्‍यू वःपिं मनूतय्‌सं थथे धाल – “थ्‍व गालीलयागु नासरतं झाःम्‍ह अगमवक्ता येशू खः।”

लूका 24:19

अले वय्‌कलं धयादिल – “छु खँ?” इमिसं धाल – “थ्‍व खँ नासरतयाम्‍ह येशूयागु खः। वय्‌कः छम्‍ह अगमवक्ता खः। वय्‌कलं परमेश्‍वर व मनूतय्‌गु न्‍ह्यःने ततःधंगु ज्‍याखँ यानादीगु खः।

लूका 7:16

इपिं फुक्‍कं छक्‍क जुयाः ग्‍यात, अले थथे धकाः परमेश्‍वरयात जयजय यात – “दकलय् तःधंम्‍ह अगमवक्ता छम्‍ह झीथाय् झायादीगु दु। परमेश्‍वर हे वय्‌कःया मनूतय्‌थाय् झायादिल।”

यूहन्‍ना 1:21

अले इमिसं वयाके न्‍यन – “अय्‌सा छ एलिया खः ला?” वं धाल – “मखु।” “अय्‌सा छ व अगमवक्ता खः ला?” वं लिसः बिल – “मखु।”

यूहन्‍ना 11:27

वं धाल – “खः प्रभु, संसारय् झायादी माःम्‍ह परमेश्‍वरया काय्, मुक्ति बीम्‍ह ख्रीष्‍ट छि हे खः धकाः जिं विश्‍वास यानागु दु।”

यूहन्‍ना 2:11

वय्‌कलं गालील जिल्‍लाया काना शहरय् दकलय् न्‍हापांगु थ्‍व अजू चायापुगु ज्‍या यानाः थःगु महिमा क्‍यनादिल। थथे यानादीगुलिं चेलातय्‌सं वय्‌कःयात विश्‍वास यात।

यूहन्‍ना 4:19

व मिसां धाल – “प्रभु, छि अगमवक्ता खः धकाः जिं सिल।

यूहन्‍ना 4:25

व मिसां वय्‌कःयात धाल – “मुक्ति बीम्‍ह ख्रीष्‍ट धाःम्‍ह मसीह झायादी तिनि धकाः जिं स्‍यू। वय्‌कः झाल कि वय्‌कलं हे झीत फुक्‍कं खँ कनादी।”

यूहन्‍ना 4:42

इमिसं व मिसायात धाल – “आः छं धाःगुलिं जक जिमिसं विश्‍वास यानागु मखु, बरु जिमिसं हे वय्‌कःयागु खँ न्‍यनाः विश्‍वास यानागु खः। जिमिसं वय्‌कः हे संसारयाम्‍ह मुक्तिदाता खः धकाः सीके धुन।”

यूहन्‍ना 6:2

वय्‌कलं यक्‍व ल्‍वय् लाय्‌कादीगु खनाः ग्‍वाः ग्‍वाः मनूत वय्‌कःया ल्‍यूल्‍यू जुल।

यूहन्‍ना 6:26

वय्‌कलं इमित लिसः बियादिल – “जिं छिमित खःगु खँ धाये – जिं यानागु चिं खनाः छिमिसं जितः माःजूगु मखु, बरु प्‍वाः जाय्‌क मरि नयेदुगुलिं जक जितः माःजूगु खः।

यूहन्‍ना 6:30

अले इमिसं धाल – “अय्‌सा छिं जिमित छु चिं क्‍यनादी? गुकिं यानाः जिमिसं छितः विश्‍वास याये फइ? छिं छु ज्‍या यानाः क्‍यनादी फु?

यूहन्‍ना 7:40

थ्‍व खँ न्‍यंपिं गुम्‍हं गुम्‍हं मनूतय्‌सं थथे धाल – “थ्‍व ला धात्‍थें हे वइतिनि धाःम्‍ह अगमवक्ता खः।”

प्रेरित 7:37

“‘छिमि इस्राएली दाजुकिजापाखें हे परमेश्‍वरं जि थें ज्‍याःम्‍ह छम्‍ह अगमवक्ता छ्वयाहयादी’ धकाः इस्राएलीतय्‌त धया थकूम्‍ह मोशा हे ला खः नि।