यूहन्‍ना 5:45 - नेवाः बाइबल

⁴⁵ “जिं छिमित परमेश्‍वरया न्‍ह्यःने दोषी ठहरय् याइ धकाः मतिइ तये मते। छिमिसं आशा तयाच्‍वंम्‍ह मोशां हे छिमित दोषी ठहरय् याइ।

यूहन्‍ना 5:45 ပူးပေါင်းရင်းမြစ်များ

लूका 16:29

“अले अब्राहामं धाल – ‘इमिके मोशायागु व्‍यवस्‍था व अगमवक्तातय्‌गु सफू द हे दु नि, इमिसं व हे जक न्‍यंसां गा हे गानि।’

यूहन्‍ना 12:48

जितः मयय्‌काः जिगु वचन मानय् मयाइम्‍ह मनूयागु न्‍याय जुइ। जिं नवानागु वचनं हे दकलय् लिपायागु दिनय् न्‍याय याइ।

यूहन्‍ना 7:19

छिमित व्‍यवस्‍था बियादीम्‍ह मोशा मखु ला? छिपिं छम्‍हय्‌सिनं हे नं थ्‍व व्‍यवस्‍था पालन याःगु मदु। अय्‌नं छिमिसं जितः छाय् स्‍यायेत स्‍वयाच्‍वना?”

यूहन्‍ना 8:9

थ्‍व न्‍यनाः इपिं तःधिकःम्‍हंनिसें कयाः चीधिकःपिं तकं छम्‍ह छम्‍ह यानाः अनं वन। अले अन येशू याकःचा जुल। व मिसा धाःसा वय्‌कःया न्‍ह्यःने हे दनाच्‍वन।

रोमी 2:12

व्‍यवस्‍था मसीकं पाप याःपिं मनूत नं व्‍यवस्‍था मदय्‌कं हे नाश जुइ। व्‍यवस्‍था स्‍यूपिं यहूदीतय्‌सं पाप यात धाःसा इमित व्‍यवस्‍थां हे न्‍याय याइ।

गलाती 3:10

व्‍यवस्‍थाय् जक भलसा तया च्‍वंपिं मनूत सराः फयाच्‍वंपिं खः। थ्‍व हे खँ धर्मशास्‍त्रय् थथे च्‍वयातःगु दु – “व्‍यवस्‍थाय् च्‍वयातःगु फुक्‍कं सदां मानय् यानाच्‍वने मफुपिं मनूतय्‌सं सराः फयेमाली।”