41 “मनूतय्सं तःधंकूगु जितः मयः।
छाय्धाःसा इमित परमेश्वरं स्वयाः मनूतय्सं च्वछाइगु यः।
जिगु लागि सुनानं साक्षी बी म्वाः। अय्नं छिपिं बचय् जुइमा धकाः जिं थथे धयाच्वनागु खः।
अय्नं छिपिं जिथाय् अनन्त जीवन कायेत वइ मखु।
छिमिसं परमेश्वरयात माया मयाः धकाः जिं स्यू।
छिमिसं थःथवय् तःधंका च्वन, तर परमेश्वरं तःधंकीगुलिइ छिमिसं वास्ता मया। छिमिसं गथे यानाः विश्वास याये फइ?
इमिसं वयाः थःत ज्वनाः बलजफ्तिं जुजु याइन धकाः सीकाः येशू हानं याकःचा पहाडय् तुं थाहां झाल।
थःगु हे जक खँ ल्हाइम्ह मनू थः हे जक तःधं जुइत स्वइ। बरु थःत छ्वया हःम्हय्सित तःधंकेत स्वइम्ह मनू हे सत्यम्ह खः। अले वयाके मभिंगु छुं हे दइ मखु।
जि थथःम्हं तुं तःधं मजुया, तर जितः तःधंकेत स्वया च्वंम्ह ला छम्ह हे दु। अले वय्कलं हे थ्व खँ क्वःछिनादी।
वय्कलं लिसः बियादिल – “जि थथःम्हं तःधं जुयागु जूसा जि तःधंम्ह मखु। तर छिकपिन्सं जिमि बाः धकाः धाःम्ह परमेश्वर जिमि बाःनं हे जितः तःधं यानादीगु खः।
छिमिसं व मेपिन्सं नं जिमित तःधंकेमाः धकाः जिमिसं धयागु मदु।
थथे यायेत हे छिमित परमेश्वरं ल्ययादीगु खः। अय्जूगुलिं ख्रीष्ट थः हे नमूना जुयाः छिमिगु निंतिं दुःखकष्ट फयादिल। उकिं छिमिसं नं वय्कलं थें याये माल।
दकलय् तःधंम्ह परमेश्वर बाःनं येशूयात तःधंकाः थथे खँ ल्हानादीगु जिमिसं हे न्यनागु खः – “थ्व जि यःम्ह काय् खः। थ्व खनाः जि तसकं लय्ता।”
