यूहन्‍ना 5:34 - नेवाः बाइबल

³⁴ जिगु लागि सुनानं साक्षी बी म्‍वाः। अय्‌नं छिपिं बचय् जुइमा धकाः जिं थथे धयाच्‍वनागु खः।

यूहन्‍ना 5:34 ပူးပေါင်းရင်းမြစ်များ

लूका 13:34

“हे यरूशलेमय् च्‍वंपिं मनूत, छिमिसं अगमवक्तातय्‌त स्‍याना छ्वत, अले परमेश्‍वरं छ्वयाहयादीपिं दूततय्‌त ल्‍वहँतं कय्‌काः स्‍याना छ्वत। जिं छिमित माखां थः खाचातय्‌त त्‍वपुया तः थें गुलि बचय् यायेत स्‍वये धुन। अय्‌नं छिपिं मानय् मजू।

लूका 19:10

मनूया काय् तनाच्‍वंपिन्‍त मालेत व उद्धार यायेत वःगु खः।”

लूका 24:47

अले ख्रीष्‍टयागु हे नामं पश्‍चाताप यानाः पाप क्षमा जुइगु खँ यरूशलेमंनिसें फुक्‍क संसारय् न्‍यंकेमाः।

यूहन्‍ना 20:31

अय्‌नं छिमिसं येशू परमेश्‍वरया काय्, मुक्ति बीम्‍ह ख्रीष्‍ट हे खः धकाः विश्‍वास याये फयेमा, अले विश्‍वास यानाः वय्‌कःयागु नामय् छिमित जीवन दयेमा धकाः थ्‍व च्‍वयातःगु खः।

यूहन्‍ना 5:32

जिगु साक्षी बीम्‍ह मेम्‍ह हे दु, वय्‌कलं धयादीगु सत्‍य खः धकाः जिं स्‍यू।

यूहन्‍ना 5:41

“मनूतय्‌सं तःधंकूगु जितः मयः।

यूहन्‍ना 8:54

वय्‌कलं लिसः बियादिल – “जि थथःम्‍हं तःधं जुयागु जूसा जि तःधंम्‍ह मखु। तर छिकपिन्‍सं जिमि बाः धकाः धाःम्‍ह परमेश्‍वर जिमि बाःनं हे जितः तःधं यानादीगु खः।

रोमी 10:1

यःपिं दाजुकिजापिं, यहूदीत नं बचय् जुइमा धयागु जिगु इच्‍छा दुगुलिं परमेश्‍वरं इमित बचय् यानादीमा धकाः प्रार्थना यानाच्‍वनागु खः।

रोमी 10:21

इस्राएलीतय्‌त धाःसा परमेश्‍वरं थथे धाःगु दु – “धयागु खँ मानय् मजुइपिं व मखुगु जक यानाजुइपिं अतेरि मनूतय्‌त न्‍हिच्‍छि जिं ल्‍हाः ब्‍वय्‌काच्‍वनागु दु।”

रोमी 12:21

मभिंगुलिं छिमित त्‍याके बी मते, बरु छिमिसं भिंगु यानाः मभिंगुयात त्‍याके फय्‌कि।

रोमी 3:3

इपिं मध्‍ये सुं यहूदीतय्‌सं विश्‍वास मयात धायेवं छु जुल धकाः? छु इमिसं विश्‍वास मयात धायेवं परमेश्‍वर विश्‍वास यायेबहः मजूम्‍ह जुइ ला?

१ कोरिन्‍थी 9:22

विश्‍वासय् बमलानिपिं मनूतय्‌त थुइकेत नं जि इपिं थें जुया। थुकथं इपिं गथे खः जि नं अथे हे जुया। थुकथं फुक्‍क मनूतय्‌त विश्‍वासय् हयेत जि न्‍ह्याम्‍हं जुया।

१ तिमोथी 4:16

थःगु खँय् व थःम्‍हं स्‍यनागु खँय् बांलाक बिचाः या। थथे याःसा छन्‍त नं छंगु खँ न्‍यंपिन्‍त नं मुक्ति दइ।

१ यूहन्‍ना 5:9

झीसं मनुखं हे ब्‍यूगु साक्षीयात पत्‍याः याना। परमेश्‍वरं ब्‍यूगु साक्षी झन पत्‍याः यायेबहः जू। वय्‌कलं थः हे काय्‌यागु साक्षी बियादिल।