यूहन्‍ना 5:30 - नेवाः बाइबल

³⁰ “थथःम्‍हं जिं छुं नं याये मफु, बाःनं जितः धयादी थें जिं न्‍याय जक यायेगु खः। अय्‌जूगुलिं जिं न्‍याय यानागु ठीक जू, छाय्‌धाःसा जितः यःथें जिं न्‍याय यायेगु मखु, बरु जितः छ्वया हःम्‍हय्‌सित यःथें यायेगु खः।”

यूहन्‍ना 5:30 ပူးပေါင်းရင်းမြစ်များ

उत्‍पत्ति 18:25

छिं मभिंपिं मनूतलिसें भिंपिं मनूतय्‌त नं स्‍यानादी मखु। थथे जुल धाःसा ला भिंपिन्‍सं नं मभिंपिन्‍सं थें हे सजाँय फये मालिगु जुल। संसारया न्‍याय याइम्‍हय्‌सिनं खःकथं न्‍याय यानामदी ला?”

भजनसंग्रहया सफू 96:13

परमप्रभु पृथ्‍वीइ राज्‍य यायेत झाइबलय् वय्‌कलं न्‍याय व धार्मिकताकथं संसारयापिं मनूतय्‌त राज्‍य यानादी।

यशैया 28:6

वय्‌कलं न्‍याय यायेत च्‍वनाच्‍वंम्‍ह न्‍याय याइम्‍हय्‌सित न्‍यायया ज्ञान व शहरया रक्षा यायेत मू ध्‍वाखाय् दनाच्‍वंम्‍ह ध्‍वाखापिवाःयात साहस बियादी।

सपन्‍याह 3:15

परमप्रभुं छंगु सजाँय चीकादीगु दु, वय्‌कलं छिमि शत्रुतय्‌त नं लितछ्वःगु दु। इस्राएलया जुजु, परमप्रभु छनापं दु। आः छ विपत्ति खनाः गुबलें ग्‍याये म्‍वा।

मत्ती 26:39

अले भचा उखे झायाः बँय् क्‍वपुसां पुयाः थथे धकाः प्रार्थना यानादिल – “बाः, ज्‍यूसा थ्‍व दुःखयागु ख्‍वला जिथासं चीकादिसँ। अय्‌नं जितः यःथें यानादी मते, छितः यःथें हे यानादिसँ।”

यूहन्‍ना 14:10

जि बाःयाके, अले बाः जिके दी धकाः छं विश्‍वास मयाना ला? जिं छिमित गुलि नं धया, व जिगुपाखें हे धयागु मखु, बरु जिके दीम्‍ह बाःनं हे थःगु ज्‍या यानादी।

यूहन्‍ना 17:4

छिं जितः याके बियादीगु ज्‍या सिधय्‌काः जिं छितः पृथ्‍वीइ तःधंकागु दु।

यूहन्‍ना 18:11

वय्‌कलं पत्रुसयात धयादिल – “तरवार दापय् स्‍वथँ। बाःनं जितः त्‍वनेत बियादीगु दुःखयागु ख्‍वला छु जिं मत्‍वनेगु ला?”

यूहन्‍ना 4:34

वय्‌कलं धयादिल – “जितः छ्वयाहया दीम्‍हय्‌सिगु ज्‍या सिधय्‌केगु, अले वय्‌कलं धाःथें यानाजुइगु हे जिगु नसा खः।

यूहन्‍ना 5:19

येशूं इमित धयादिल – “जिं छिमित खःगु खँ धाये – काय्‌नं थःगु मनं लुइकाः छुं हे याये फइ मखु, बरु बाःनं याःगु खनाः हे जक याये सइ। थथे जूगुलिं बाःनं छु छु यानादी, काय्‌नं नं व हे याइ।

यूहन्‍ना 6:38

जि जिगु इच्‍छा मखु बरु जितः छ्वया हयादीम्‍हय्‌सित इच्‍छा पूवंकेत स्‍वर्गं वयाम्‍ह खः।

यूहन्‍ना 8:28

उकिं वय्‌कलं थथे धयादिल – “गुबलय् छिमिसं मनूया काय्‌यात यख्‍खाइ, अबलय् तिनि छिमिसं जि सु खः धकाः सी। जिं थःयसें छुं नं मयाना, बरु बाःनं गुकथं स्‍यनादिल उकथं हे नवाना वन धकाः नं छिमिसं थुइ।

यूहन्‍ना 8:42

वय्‌कलं धयादिल – “परमेश्‍वर छिकपिनि बाः खः धयागु जूसा छिकपिन्‍सं जितः माया यानादी माःगु खः, छाय्‌धाःसा जितः वय्‌कलं छ्वया हयादीगुलिं जि वयाच्‍वनागु खः। जि थःगु हे इच्‍छां वयागु मखु, बरु वय्‌कलं हे जितः छ्वयाहयादीगु खः।

यूहन्‍ना 8:50

जि थथःम्‍हं तुं तःधं मजुया, तर जितः तःधंकेत स्‍वया च्‍वंम्‍ह ला छम्‍ह हे दु। अले वय्‌कलं हे थ्‍व खँ क्‍वःछिनादी।

रोमी 15:3

मुक्ति बीम्‍ह ख्रीष्‍टं नं थःत यःथें याना मजूगु खँ धर्मशास्‍त्रय् थुकथं च्‍वयातःगु दु – “छितः क्‍वह्यंकिपिन्‍सं जितः नं क्‍वह्यंकाहःगु दु।”

रोमी 2:2

थुकथं ज्‍याखँ यानाजुइपिं मनूतय्‌त परमेश्‍वरं दोषी यानादी धकाः झीसं स्‍यू।

रोमी 2:5

छिमिसं थःगु छाःगु नुगः व पश्‍चात्ताप मयाःगु नुगलं यानाः परमेश्‍वरया धार्मिक न्‍याय खने दइगु उगु तंया दिंया निंतिं थःगु निंतिं तं मुंका च्‍वंगु दु।